رپورٹ: ایڈیٹر انچیف
ـــــــــــــــــــــــــــــــــ
اعظم گڑھ(آئی این اے نیوز 4/ستمبر 2017) یوپی کے اعظم گڑھ میں گزشتہ 30 اگست کو سابق وزیر اعلی اور سماجوادی پارٹی کے قومی صدر اکھلیش یادو کی طرف سے ایک پروگرام میں پرمویر ویر چکر فاتح عبدالحمید کی بیوہ رسولن بی بی کے نام پر کسی اور کو نوازے جانے کی صورت میں سماجوادی پارٹی کی کرکری کے بعد کارکنان گھر جاکر معافی مانگے.
بقرعید کے اگلے دن اتوار کو آناً فاناً سماجوادی پارٹی اعظم گڑھ کے ضلع صدر حولدار یادو، سابق ایس پی راجیہ سبھا ممبر پارلیمنٹ نند کشور یادو اور دیگر ایس پی لیڈروں نے رسولن بی بی سے ان کے گھر جا کر مانگی معافی اور رسولن بی بی کو ان کے گھر دلہہ پور غازی پور میں خاندان کے درمیان اعزاز سے نوازا .
غور طلب ہے کہ اعظم گڑھ کے کارگل شہید رام سموجھ یادو کے شہادت کے دن پر پروانچل کے شہیدوں کی بیویوں اور خاندان کو اعزاز دینے کا پروگرام ایس پی کے لوگوں نے پارٹی کے بینر تلے کرایا تھا، جس میں مہمان خصوصی کے طور پر سابق سی ایم اکھلیش یادو نے سب کو نوازا بھی تھا، اس تقریب میں پرمویر ویر چکر عبدالحمید کی بیوہ رسولن بی بی گئی ہی نہیں تھی اور وہاں منتظمین نے ان کے نام پر کسی اور کو اعزاز دے دیا.
رسولن بی بی نے اس بات پر بعد میں جب اعتراض کیا کہ میں تو وہاں گئی بھی نہیں تھی پھر میرا فرضی اعزاز کیوں دیا گیا، پوتے جمیل نے کہا تھا کہ ہمیں کارڈ بھی نہیں ملا تھا پھر وہاں ہم کس طرح جاتے اور پھر بعد میں یہ خبریں دکھائے جانے کے بعد ذرائع بتاتے ہیں کہ اکھلیش یادو نے منتظمین پر ناراضگی ظاہر کی، جس پر آج اعظم گڑھ کے ضلع صدر حولدار یادو سابق ممبر پارلیمنٹ نند کشور یادو، پرمود یادو اور دیگر ایس پی لیڈروں نے رسولن بی بی سے معذرت چاہتے ہوئے منتظمین سے ہوئی بڑی بھول کی مذمت کی اور شہید کی بیوی رسولن بی بی کو شال اور میمونٹو دے کر نوازا اس کے ساتھ ہی شہید کے پوتے جمیل عالم اور سلیم عالم کو بھی میمونٹو دے کر اعزاز سے نوازا.
