سیتامڑھی کے 609 اور 205 زمرے کے مدارس میں مڈڈے میل جلد چالو کیا جائے: اشرف علی

رپورٹ: محمد صدر عالم نعمانی
ــــــــــــــــــــــــــــــــــــــــــ
سیتامڑھی(آئی این اے نیوز 5/دسمبر 2017) بہار مدرسہ ٹیچرس یونین سیتامڑھی کے سکریٹری و صدارتی ایواڑد یافتہ اشرف علی استاذ مدرسہ رحمانیہ مہسول سیتامڑھی نے ضلع ایجوکیشن افسر کو ایک درخواست دیکر مطالبہ کیا ہے کہ بہار اسٹیٹ مدرسہ

ایجوکیشن بورڈ پٹنہ سے ملحق 205 اور 609 زمرے کے مدارس کے طلباء وطالبات کے درمیان مڈڈے میل منصوبہ کے تحت دن کا کھانا، پڑھنے کے لئے مفت کتابیں، پوشاک اور وظیفہ کا فائدہ دینے کو یقینی بنایا جائے، اشرف علی نے اپنی عرضداشت میں تحریر کیا ہے کہ مڈڈے میل منصوبہ بہار پٹنہ کے ڈائریکٹر کے مکتوب نمبر 1309بتاریخ 6/اگست 2016 اور مکتوب نمبر 2217 بتاریخ23/دسمبر  2016 کے ذریعہ 205 اور 609 زمرے کے مدارس میں مڈڈے میل منصوبہ شروع کرنے کا حکم جاری کیا گیا تھا، لیکن آج تک اس پر عمل درآمد نہیں کیا گیا، جوکہ بہت ہی افسوسناک ہے، انہوں نے ایک بار پھر ڈائریکٹر کے مکتوب کا حوالہ دیتے ہوئے ضلع ایجوکیشن افسر سے مطالبہ کیا ہے سیتامڑھی ضلع کے 205 اور 609 زمرے کے مدارس کے اندر بلاتاخیر مڈڈے میل اور سرکار سے ملنے والا دیگر فائدوں کو جلد سے جلد نافذ کیا جائے، تاکہ ان مدرسوں کے طلبہ و طالبات کو بھی وظیفہ کی رقم، پوشاک ودیگر فائدے مل سکیں، نہیں تو سیتامڑھی میں وزیر اعلی نتیش کمار 13/دسمبر کو آرہے ہیں انہیں اس سلسلے میں مدارس کے ذمہ داران کے ذریعہ میمورنڈم سونپ کر مطلع کیا جائے گا.