دیوگاؤں: ATM میں کیش نہ ہونے سے صارفین پریشان!

حافظ ثاقب اعظمی
ـــــــــــــــــــــــــ
دیوگاؤں/اعظم گڑھ(آئی این اے نیوز 13/جون 2018) اعظم گڑھ علاقہ کے دیوگاؤں میں ATM میں کیش نہ ہونے سے لوگوں کو مشکلات کا سامنا کرنا پڑ رہا ہے، تقریباً ہفتوں سے صارفین پیسے کیلئے رمضان المبارک میں جون کی اس شدید گرمی میں ATM سے خالی ہاتھ واپس جارہے ہیں.

موصولہ خبر کے مطابق تقریبا ایک ہفتوں کے دوران اس علاقے کے اے ٹی ایم میں پیسہ نہیں ہے جبکہ مسلمانوں کا سب سے بڑا تہوار (عیدالفطر) سر پر ہے، ایسے میں لوگ سامان خریدنے کے لئے پیسے نکالنے جب اے ٹی ایم جا رہے ہیں تو وہاں پیسہ سے محروم ہوجاتے ہیں، یہ حالت صرف کسی ایک ATM کا حال نہیں بلکہ دیوگاؤں کے تمام  ATM کا یہی حال ہے، کسی میں کیش نہیں ہے، جس کو لیکر صارفین میں کافی غصہ دیکھا جا رہا ہے، ایسے میں لوگوں کا کہنا ہے کہ ATM میں کیش نہ ہونے سے اس بار یہاں کے لوگوں میں عید کی خوشیاں پھیکی پڑ سکتی ہے.