مئو: چناوی رنجش میں نامعلوم بدمعاشوں نے ماری گولی، حالت سنگین!

محمد عامر
ـــــــــــــــ
گھوسی/مئو(آئی این اے نیوز 11/جون 2018) مئو ضلع کے گھوسی کوتوالی علاقہ کے تھانی داس موڑ پر نامعلوم بدمعاشوں نے چناوی رنجش میں ایک شخص کو گولی مار دی، گولی سر میں لگنے سے زمین پر گر گیا، گولی کی آواز سنتے ہی وہاں موجود لوگوں نے بدمعاشوں کو دوڑایا لیکن بدمعاشوں نے خود کو گھرتے دیکھ اپنی بائک موقع پر چھوڑ بھاگے، زخمی شخص گھوسی تھانہ علاقہ کے محمد پور گاؤں کا رہنے والا ہے، جس کا نام امرناتھ بتایا جا رہا ہے.

اہل خانہ کا کہنا ہے کہ امرناتھ کو گاؤں کے ہی ایک شخص نے جس کا نام سنیل ہے لیکر تھانی داس موڑ پر لایا، جہاں گاؤں کی پردھانی کو لیکر تنازعہ ہوا، اور وہاں پہلے سے موجود گاؤں کے ہی کچھ لوگ تھے، جس میں سے پیچھے سے کسی نے گولی مار دی، گولی سر میں لگنے سے امرناتھ زمین پر لڑکھڑا کے گر گیا، موقع لوگوں نے اسے دوڑا لیکن بدمعاش فرار ہوگئے، زخمی امرناتھ کو علاج کیلئے ضلع اسپتال لے جایا گیا، جہاں ڈاکٹروں نے حالت دیکھ کر ورانسی کیلئے ریفر کر دیا، زخمی امرناتھ کی حالت نازک بنی ہوئی ہے، اس پورے معاملے میں پولیس کچھ بھی کہنے سے بچ رہی ہے.