ہندوستان وہ واحد ملک ہے جہاں تمام مذاہب کے لوگ مل جل کر رہتے ہیں!

سلمان کبیرنگری ایڈیٹر نئی روشنی برینیاں سنت کبیر نگر یوپی
ــــــــــــــــــ
مکرمی!
 اس ملک نے ہمیں جینے کا سلیقہ دیا، ہنر دیے، ہم یہیں پر پیدا ہوئے اور یہیں پر دفن ہوں گے وہ الگ بات ہے کہ اسی ملک میں ہمیں کئی طرح کی پریشانیوں کا سامنا کرنا پڑا مگر ان سب باتوں سے ہٹ کر اپنے ملک ہندوستان کے لئے ہمیشہ قربانی کا جذبہ رکھنا چاہیے علم وہنر کے میدان جتنا ہوسکے اتنا حصہ لینا چاہیے، حالانکہ تعلیمی میدان میں

ہندوستان نے بے حد ترقی کی ہے بڑے بڑے ریاضی داں، سائنس داں ہندوستانی رہے ہمیں بھی یہ کوشش کرنی چاہیے کہ تعلیم کے میدان میں خوب نام کمایا جائے، اس ملک سونے کی چڑیا کہلانے کا مرتبہ بھی حاصل ہو، کیونکہ کہ ہندوستان وہ واحد ملک ہے جہاں پر تمام مذاہب کے لوگ مل جل کررہتے ہیں ایک دوسرے کے ساتھ مل جل کر تہوار مناتے ہیں اپنی مرضی کے مطابق اپنا مستقبل سنوارنے اور اس کا انتخاب کرنے کی آزادی ہے یوم جمہوریہ مناتے وقت ہم یہ بھی سوچتے ہیں کہ غلامی کی زنجیروں سے آزادی دلانے میں کن کن رہنماؤں نے صعوبتیں برداشت کیں ذہنی جسمانی اذیت اٹھانے کے بعد انہوں نے آزادی کی تحریک چھیڑی اور انگریزوں کو اس ملک سے بھگانے پر مجبور کیا، مولانا ابو الکلام آزاد، مولانا محمد علی جوہر، گاندھی جی، ڈاکٹر بھیم راؤ امبیڈکر، اور ایسے کئی لیڈران ہیں جن فہرست بہت ہی لمبی ہے جن کے بارے میں آپ نے یقیناً تاریخ کی کتابوں میں پڑھے ہوں گے، جنہوں نے بڑی جرات مندی اور بہادری سے انگریزوں کے بے پناہ ظلم و ستم کا ڈٹ کر مقابلہ کیا ہے، تکلیفیں جھیلیں اور ہمیں آزادی دلائی اور انہیں رہنماؤں کی قربانیوں کے اعتراف میں ہم آزادی کا جشن مناتے ہیں اور کیوں نہ منائیں یہ ہمارا قومی حق ہے اور یہی وجہ ہے کہ 15اگست صرف ہندوستان ہی میں نہیں بلکہ جہاں جہاں ہندوستانی شہری رہتے ایک باوقار تقریب منعقد کی جاتی ہے اپنی آبادی کے لحاظ سے ہندوستان دنیا کا سب سے بڑا جمہوری ملک ہے.