مولانا مرحوم نے تقریبا چالیس سال مدرسۃالاصلاح میں بے لوث نظامت کی خدمت انجام دیا ،ان کی زندگی نہایت سادہ تھی ، جس کی وجہ سے مولانا نے نہایت ہی گمنامی کے ساتھ زندگی گزاری، موصوف نے مدرسۃالاصلاح کی تعلیمی وتعمیری ترقی کے علاوہ مولانا فراہی کے نادر مسودات کی طباعت کا ایک بڑا کارنامہ انجام دیا جو ناقابل فراموش ہے، اللہ تعالی ان کی خدمات کو قبول فرمائے ،دراصل انسان کی حیات موت کی تمہید ہوتی ہے ہر انسان کو اس دار فانی سے کوچ کرنا ہے مولانا مرحوم کے نمازجنازہ میں جو ہجوم نظر آیا وہ مولانا مرحوم کی مقبولیت اور محبوبیت کی دلیل ہےیقینا ان کے جانے کا ہم سب کو غم ہے لیکن اللہ کے فیصلے پر راضی ہونا بھی ضروری ہے رب ذوالجلال سے دعا ہےکہ موصوف کی بال بال مغفرت فرمائے،ان کے درجات کو خوب خوب بلند فرمائے ، خدمات کا بہترین صلہ عنایت فرمائے، اور پسماندگان کو صبر جمیل کی توفیق عطا فرمائے ،آمین یا رب العالمین
