شاداب خان
نئ دہلی :25/اپریل 2020 آئی این اے نیوز
ملک بھر کے متعدد علمائے کرام/اسکالرز کی کورونا وائرس سے بچنے کیلئے احتیاطی تدابیر کیلئے کی جا رہی اپیلوں کے درمیان ہندوستانی مسلمانوں کے لئے (آئی ایم آئ ایف) نے مسلمان برادری کو رمضان المبارک کے مقدس مہینے کی مناسبت سے ایک رہنما خطوط جاری کیا ہے جس میں ماہرین علماء شامل ہیں۔سابق چیف الیکشن کمشنر سمیت ایس وائی قریشی نے مسلمانو سے اپیل کی ہے کہ وہ گھروں میں نماز ادا کریں۔قرآن پڑھیں دیگرمذہبی کتابوں کا مطالعہ اور افطار گھروں میں کریں۔مسٹرقریشی نے مسلمانوں سے اپیل کرتے ہوئے کہا کہ کوویڈ19 کے خلاف یہ لڑائی جو حقیقت میں پوری انسانیت کی لڑائی ہے۔لہذا گھروں میں ہی نماز ادا کریں,اللہ کی نعمتیں ہمارے گھر پر برسیں گی۔مسٹر قریشی نے یاد دلاتے ہوئے کہا کہ لاک ڈائون کی گائڈ لائن میں مسجدوں کے تعلق سے بھی بات کہی گئ ہے۔مسلمان اس کا پورا خیال رکھیں۔ جامع مسجد اکولا (مہاراشٹرا) کے امام مفتی محمد اشفاق قاسمی نے کہا کہ اس رمضان مسلمانوں کو اللہ سے دعا کرنی چاہئے کہ وہ ہندوستان اور باقی انسانیت کو کوڈ سے محفوظ رکھیں۔
دیگر شخصیات نے اظہار خیال کرتے ہوئے کہا کہ اب یہ وقت نہیں ہے کہ کسی بھی متاثرہ شخص کو انتظامیہ سے چھپایا جائے اور ہیلتھ ورکرز اور پولیس پر حملہ کیا جائےجو وبائی امراض کے خلاف حقیقی جنگجو ہیں۔ مذہب سے قطع نظر تمام ہندوستانیوں کا فرض ہے کہ وہ اپنی لڑائی میں حکومت کے ساتھ تعاون کریں۔
..
