شرکاء کو انعامات سے نوازا گیا
رپورٹ:- محمد دلشاد قاسمی
پلڑہ/باغپت(٣/فروری٢٠٢٠ آئی این اے نیوز)
تحصیل بڑوت کے موضع پلڑہ کے اندر جمعیت یوتھ کلب کے زیر اہتمام اسکاوٹ اور روورس کے درمیان کھیل مقابلہ منعقد کیا گیا جس میں دوڑ مقابلہ،کبڑی مقابلہ ،اور کشتی مقابلہ ،کا انعقاد کیا گیا ،اچھی کارکردگی پیش کرنے والے اسکاوٹ اور روورس کو گراں قدر انعامات سے بھی نوازا،
اس موقع پر تشریف لائے جمعیت علماء تحصیل بڑوت کے صدر قاری محمد صابر صاحب نے کہا کہ اس طرح کے مقابلوں سے نوجوان نسل کو کچھ کر گزرنے کا حوصلہ ملتا ہے،اور سب سے بڑی بات یہ ہے کہ جب انسان اپنے اٰپ کو ورزش کا عادی بنالیتا ہے تو وہ مضبوط اور قوی باہمت انسان بنتا ہے ،جس کی بدولت وہ خود کی بھی خدا کی بھی اور قوم و ملت بھی خدمت کرسکتا ہے ،ورنہ تو وہ خود ہی دوسروں کا محتاج رہتا ہے، اس پروگرام کی صدارت فرمارہے جمعیت یوتھ کلب ضلع باغپت کے کنوینر جناب حضرت مولانا محمد خالد صاحب نے کہا کہ جمعیت یوتھ کلب کو قائم کرنے کا مقصد یہ ہے کہ نوجوان نسل جو اٰج نشہ جوا اور طرح طرح کی معاشرتی خرابیوں کا شکار ہورہے ہیں اس سے وہ کیسے باز اٰجائیں،اور اپنے دل میں قوم و ملت کی مدد و خدمت انسانیت کے ناطے کس طرح انجام دے سکیں، رنگ و نسل ذات برادری کنبہ و قبیلہ ومذہب کی بنیاد پر نہیں صرف انسانیت کے ناطے انسانوں کی خدمت کرنے والا کیسے بن جائے،ورنہ اٰج غیر قومی ہمارے نوجوان نسل کو بہکانے کے لیے ہر ممکن کوشش میں لگی ہوئی ہے اور جو کرسکتی ہے وہ کرنے میں کوئی بھی شمہ نہیں چھوڑ رہی ہے اس لیے ہم سب اپنی نوجوان نسل کو اسکاوٹ اور جمعیت یوتھ کلب سے جوڑ کر چلیں،
اس موقع پر مولانا محمد عابد،ماسٹر محمد دانش،اور گاوں کے بڑی تعداد میں معزز افراد موجود رہے
