پولیس مڈبھیڑ میں 20000 انعامی بدمعاش زخمی، ایک فرار!

زخمی بدمعاش جگدھاری یادو عرف گلو

رپورٹ: سلمان اعظمی
ــــــــــــــــــــــــــــــــــ
اعظم گڑھ(آئی این اے نیوز 2/نومبر 2017) سدھاری تھانہ علاقہ کے بھدولی بازار میں پولیس اور بدمعاشوں کے درمیان مڈبھیڑ میں ایک بدمعاش زخمی ہوگیا، جبکہ اس کے ساتھیوں میں سے ایک فرار ہونے میں کامیاب رہا، زخمی بدمعاش کو ضلع ہسپتال میں داخل کیا گیا، جہاں زخمی کی حالت سنگین دیکھ ڈاکٹروں نے وارانسی ریفر کر دیا.
پولیس کو اطلاع ملی کہ ضلع میں بھاری شراب آنے والا ہے، اس اطلاع پر پولیس سپرنٹنڈنٹ اجے کمار ساہنی کی ہدایت پر ضلع کے تمام تھانہ علاقوں میں سخت چیکنگ مہم چلائی گئی، اسی ترتیب میں انچارج انسپکٹر کوتوالی یوگیندر بہادر سنگھ اور تھانہ انچارج سدھاری ناگیش اپادھیائے طرف بھدولی مارکیٹ تھانہ علاقہ سدھار میں چیکنگ کیا جا رہا تھا، تقریبا 5 بجے صبح میں بھدولی مارکیٹ میں دو افراد ایک موٹر سائیکل پر آ رہے تھے، پولیس نے روکنے کی کوشش کی،  پولیس پر انہوں نے حملہ کیا اور پولیس کو بچاؤ جیلئے جواب دینا پڑا، جس میں ایک بدمعاش جگدھاری یادو عرف گلو بیٹے رامہت یادو رہائشی کول گھاٹ تھانہ شہر کوتوالی کو دو گولیاں لگی، جس سے وہ زخمی ہو کر گر گیا اور دوسرا ساتھی موقع سے موٹر سائیکل سمیت فرار ہوگیا، پکڑے گئے ملزم کے پاس سے پولیس نے ایک پستول .32 بور، دو زندہ کارتوس .32 بور اور ایک كھوكھا کارتوس برآمد کیا.
زخمی بدمعاش سے پوچھ گچھ کے بعد معلوم ہوا کہ وہ اپنے ساتھی گورکھ موریا بیٹے اجے كانت موریا رہائشی بڑی هريا تھانہ شہر کوتوالی اعظم گڑھ کے ساتھ مل کر ایک شخص کو قتل کرنے کے لئے آئے تھے. زخمی بدمعاش جگدیش یادو پر 20 ہزار روپے کا انعام ہے،  اس نے چند سال قبل ایک علاقائی افسر اعظم گڑھ کو قتل کیا تھا.
زخمی بدمعاش کو پولیس نے فوری طور پر ضلع ہسپتال میں داخل کیا جہاں ڈاکٹر نے اسے وارانسی ریفر کر دیا.
پولیس سپرنٹنڈنٹ اجے کمار ساہنی نے بتایا کہ فرار بدمعاش کی تلاش میں پولیس کی ٹیم ممکنہ مقامات پر دبش دے رہی ہیں جلد ہی اسے بھی گرفتار کر لیا جائے گا.

چار اسلحہ اسمگلر گرفتار، پولیس سپرنٹنڈنت نے کیا انکشاف، 9 ایم ایم پستول، سمیت 16 ہتھیار برآمد!

گرفتار چار ملزمان

رپورٹ: عبدالکافی چشتی
ــــــــــــــــــــــــــــــــــــ
جین پور/اعظم گڑھ(آئی این اے نیوز 2/نومبر 2017) جین پور تھانہ علاقے سے پولیس و اسواٹ ٹیم نے غیر قانونی اسلحوں کے ساتھ 4 اسمگلروں کو گرفتار کیا، اسمگلروں کے پاس سے 9 ایم ایم کے تین پستول 32 بور کے 13 پستول اور ایک ریوالور برآمد کیا ہے، ڈی آئی جی اعظم گڑھ پركشیتر نے پولیس ٹیم کو 15 ہزار انعام دینے کا اعلان کیا ہے. پولیس نے مخبر کی اطلاع پر سرائے مير علاقے کے رام جانکی مندر کے پاس محاصرے اور تصادم کے بعد بھاری مقدار میں غیر قانونی اسلحہ اور کارتوس برآمد کر چار ملزمان کو گرفتار کیا.
پولیس سپرنٹنڈنٹ اجے کمار ساہنی نے بتایا کہ اسلحہ اسمگلر سے انتخابات میں بدامنی پھیلانے کے لئے منگائے گئے تھے، اسمگلر اسلحہ بہار کے مونگیر ضلع سے لا کر مشرقی اتر پردیش میں سپلائی کرتے تھے، پولیس نے اسمگلروں کے پاس سے تین پستول 9 ایم ایم 13 پستول 32 بور ایک روالور 32 بور سات زندہ کارتوس ایک كھوكھا کارتوس برآمد کیا، گرفتار ملزمان میں تیج پرتاپ رائے بیٹے اوم پرکاش رائے رہائشی رام گڑھ تھانہ جين پور، سنتوش یادو بیٹے رام ولاس یادو هريا بائی پاس تھانہ جين پور، راجیش مشرا بیٹے شری نواس مشرا رہائشی چكلال چند تھانہ جين پور، ماتا پرساد بیٹے جے رام ورما رہائشی دھاناپور تھانہ چندولی بتائے گئے ہیں، اس کے علاوہ گینگ میں شامل ملزمان کے نام یہ ہیں، رام چندر سروج مڈہر تھانہ برده اعظم گڑھ، لہور یادو (گرام پردھان) گوسائی کی بازار گمبھیر پور، لالو یادو عرف راہل مڈہر برده، اور بھانو یادو نرہد سرائے مير کا نام سامنے آیا ہے ان کی بھی گرفتاری جلد سے جلد کر لی جائے گی.

دیوگاؤں کوتوالی حلقہ میں بدمعاشوں نے ایک شخص کو گولی مار کر کیا قتل!

موقع وردات پر بھیڑ کا ایک منظر

رپورٹ: عبدالرحیم صدیقی
ـــــــــــــــــــــــــــــــــــــــــ
دیوگاؤں/اعظم گڑھ(آئی این اے نیوز 1/نومبر 2017) دیوگاؤں کوتوالی حلقہ کے رنمو گاؤں میں گزشتی شب ایک نوجوان کو بدمعاشوں نے گولی مار کر قتل کر دیا، موقع پر پہنچی پولیس نے لاش کو قبضہ میں لیکر پوسٹ مارٹم کیلئے بھیج دیا، مقتول کے اہل خانہ نے پولیس کو کوئی تحریر نہیں دی، جبکہ پولیس نے پھرتی دکھاتے ہوئے گاؤں کے چار افراد کو حراست میں لگ لیا ہے.
موصولہ خبر کے مطابق رنمو گاؤں رہائشی وپن عرف ننھکو یادو(22) بیٹے سلگو یادو گھر پر رہ کر کاشتکاری کرتا تھا، وہ منگل کی رات تقریباً 09:00 بجے مورتی پنڈال کی طرف بائک سے گیا، کچھ دیر بعد گھر والوں نے اسے گھر بلانے کیلئے فون کیا تو اس نے کہا کہ دس منٹ میں آ رہا ہوں، نصف گھنٹہ تک گھر والوں نے انتظار کے بعد پھر فون کیا تو اس کا موبائل بند تھا، رات بھر گھر والوں نے کافی تلاش کیا لیکن کچھ خبر نہیں ملی، صبح گاؤں میں ہی اس کی لاش پڑی ملی، جس کے سر اور پیٹھ پر گولیاں لگی تھی، ڈی جے کی تیز آواز ہونے کیوجہ سے گاؤں میں گولیوں کی آواز سنائی نہیں دی.

اعظم گڑھ کے بیریڈیہہ گاؤں میں تیسرا عظیم الشان دینی و اصلاحی اجلاس عام 16 نومبر کو!

رپورٹ: عبدالرحیم صدیقی
ــــــــــــــــــــــــــــــــــــــــــ
لال گنج/اعظم گڑھ(آئی این اے نیوز 1/نومبر 2017) اعظم گڑھ کے موضع بیریڈیہہ واقع جامع مسجد کے پاس آئندہ 16 نومبر کو تیسرا عظیم الشان دینی و اصلاحی اجلاس عام ہونے جا رہا ہے جس میں حضرت مولانا محبوب عالم، مفتی سفیان احمد، قاری حسین احمد، حافظ مولانا و مفتی انیس احمد، مولانا عبدالہادی، مفتی صہیب قاسمی، مولانا عاصم قاسمی، مولانا صابر القاسمی، مولانا دانش سمیت دینی درسگاہوں سے علماء کرام تشریف لا رہے ہیں.
آپ سبھی ملت اسلامیہ سے گزارش ہے کہ اس اجلاس عام میں شریک ہو کر کامیاب بنائیں.

نگر پنچایت انتخاب کا نوٹیفیکیشن جاری ہونے کے تیسرے دن تک لال گنج نگر پنچایت میں کل 53 فارم فروخت ہوئے!

رپورٹ: عبدالرحیم صدیقی
ــــــــــــــــــــــــــــــــــــــــ
لال گنج/اعظم گڑھ(آئی این اے نیوز 1/نومبر 2017) نگر پنچایت انتخابات کا نوٹیفیکیشن جاری ہونے کے بعد صدر و ممبران کا داخلہ فارم بھرنے کا کام جاری ہوا جس میں تیسرے دن تک 53 فارم فروخت ہوئے، لال گنج نگر پنچایت میں صدر عہدہ کیلئے تحصیل احاطہ میں واقع ایس ڈی ایم آفس میں اور ممبران کیلئے تحصیلدار کی آفس سے دیا گیا، ریٹرننگ آفیسر ابھے کمار مشرا و معاون افیسر کی نگرانی میں صدر کیلئے 15 فارم فروخت ہو چکے ہیں، وہیں منگل کو صدر عہدہ کیلئے کوئی فارم فروخت نہیں ہوا، جبکہ ممبر کیلئے اتوار کو 5 اور سوموار کو 25 اور منگل کو 13 فارم فروخت ہوئے، اس طرح اب تک صدر کیلئے 10 اور ممبر کیلئے 43 فارم فروخت ہو چکے ہیں.

مولانا اسرار الحق قاسمی کا تین روزہ اصلاحی دورہ اعظم گڑھ و مئو میں!

ممبر پارلیمنٹ مولانا اسرارالحق قاسمی

رپورٹ: یاسین صدیقی
ـــــــــــــــــــــــــــــــــــــ
اعظم گڑھ(آئی این اے نیوز 1/نومبر 2017) معروف عالم دین ،قومی و ملی رہنما ممبر پارلیمنٹ مولانا اسرارالحق قاسمی اعظم گڑھ و مئو کے تین روزہ تعلیمی، دعوتی و اصلاحی دورہ پر آج یہاں تشریف لارہے ہیں۔امام گنج مئو کے مفسر قرآن مولانا ارشادالحق مدنی مولانا موصوف کے پروگرام کی تفصیل بتاتے ہوئے کہا کہ 2؍نومبر کو وہ بعد نماز عشاء جامعہ عربیہ سراج العلوم جموڑی میں اصلاحی جلسہ میں شرکت و خطاب کریں گے، 3؍نومبر کو جمعہ سے قبل ڈومن پورہ مئو میں علاقے کے علماء و دانشوران اور ائمۂ مساجد کے ساتھ خصوصی نشست ہوگی جس میں ملکی و ملی مسائل پر تبادلۂ خیال فرمائیں گے، بعد نماز عصر امام گنج مئو میں جامعہ زینب للبنات کے سنگ بنیاد کی تقریب ہوگی،  اور بعد نماز مغرب پیامِ انسانیت کانفرنس میں بطور مہمان خصوصی شرکت و خطاب کریں گے،  جبکہ 4؍نومبر کو صبح مدرسہ مفتاح العلوم شاہی کٹرہ، دارالعلوم مئو اور دوپہر میں ادری میں طلباء، علماء و دانشوران کی مجلس سے خطاب فرمائیں گے۔
مولانا موصوف کے پروگرام کی مزید تفصیلات کے لئے مولانا نوشیر احمد کے اس نمبر 9818893994 پر رابطہ کیا جاسکتا ہے۔

جدید فیشن اور اسلام!

مفتی فہیم الدین رحمانی

تحریر: مفتی فہیم الدین رحمانی چیئرمین شیخ الہند ایجوکیشنل ٹرسٹ آف انڈیا
ـــــــــــــــــــــــــــــــــــــــــــــــــ
اسلام ایک دینِ فطرت ہے جس میں انسان کے فطری جذبات کا بھرپور خیال رکھا گیا ہے خواتین میں بناؤ سنگھار اور زیب و زینت کا جذبہ فطری طور پر پایا جاتا ہے جس کی شریعت اسلامیہ نے اجازت ہی نہیں دی ہے بلکہ اس کو اختیار کرنے پر ابھارا بھی ہے بالخصوص شوہر کے لئے بیوی کے بننے سنورنے کوپسندیدہ عمل قرار دیا گیا ہے چنانچہ ایک روایت میں جب رسول اکرم ﷺ سے یہ سوال کیا گیا کہ بہترین عورتیں کون سی ہیں؟ تو آپ ﷺ نے جواب دیتے ہوئے تین خوبیوں کو ذکر کیا اور سب سے پہلی بات یہی ارشاد فرمایا کہ بہترین عورت وہ ہےکہ جب اس کے شوہر کی نظر اس پر پڑے تو وہ خوش ہو جائے اور ظاہر ہے کہ شوہر کی خوشی میں جہاں عورت کی خوش خلقی کو دخل ہوگا وہیں عورت کا زیب و زینت سے رہنا بھی اس میں معاون ہوگا پتہ یہ چلا کہ عورت کا اپنے شوہر کے لئے بننا سنورنا اور اپنی صورت و سیرت کو حسن و جمال سے آراستہ کر کے شوہر کو خوش کرنا اس کی بہترین خوبی ہے لیکن اس میدان میں بھی عورت آزاد نہیں ہے شریعت نے جہاں ایک طرف زیب و زینت کو اختیار کرنے کی اجازت دی ہے وہیں دوسری طرف کچھ پابندیاں بھی لگا دی ہیں تاکہ دوسروں کی نقل اتارنے والیاں حد سے آگے نہ بڑھ سکیں۔
جیسا کہ حضرت ابن عباس ؓ سے مروی ہے کہ انہوں نے فرمایا کہ لعنت کی گئی ہے (غیر کے بال کو) جوڑنے والی اور جڑوانے والی پر اسی طرح چہرے کے بالوں کو نوچنے والی اور نچوانے والی پر اور گودنے والی اور گدوانے والی پر بھی لعنت بھیجی گئی ہے سوائے بیماری کے۔ مشکوٰۃ شریف :ص:۳۸۳/
لیکن!   آج کل جدید فیشن کی دلدادہ ماڈرن مسلم عورتیں غیر اسلامی طریقوں کو اپنا کر نئے نئے فیشن کرنے میں حد سے آگے بڑھ رہی ہیں ایسا لگتا ہے کہ دلوں سے اللّٰہ اور اس کے رسول ﷺ کا خوف بالکل نکل گیا ہے محض فلم ایکٹرس اور بازاری عورتوں کی نقل میں مسلم خواتین کا اپنی آخرت کو برباد کرنا بیوقوفی نہیں تو اور کیا ہے؟ فیشن کے لئے زیب و زینت کو اپنایئے لیکن! ہر صورت میں اسلامی دائرے میں رہ کر اپنی خواہشات کی تکمیل کیجئے، مگر آج کل معاشرے میں اس طرح کی تبدیلی عام ہو گئی ہے مثلاً پلاسٹک سرجری اور دانت کے ڈاکٹروں کے ذریعہ خواتین اپنے ظاہری خد و خال کو تبدیل کراتی رہتی ہیں ایسا لگتاہ ے کہ اس میدان میں مسلم عورتیں بھی کسی سے پیچھے نہیں ہیں وہ بھی دوسروں کے دیکھا دیکھی، اسلامی حدود کو پار کر کے ناجائز کاموں کو بلاتکلف اپناتی دکھائی دیتی ہیں اور افسوس کے ساتھ یہ بات کہی جاتی ہے کہ آج ہمارا مسلم معاشرہ بھی اپنی تہذیب وثقافت کو بھول کر غیروں کی نقل کرنے میں مبتلاء ہوگیا ہے اور اس کو عیب و برائی کے بجائے فخر و ترقی کی علامت سمجھا جانے لگا ہے حالانکہ مسلمانوں کی کامیابی صرف اور صرف اسلامی تہذیب و کلچر میں ہی مضمر ہے.

مبارکپور نگر پالیکا انتخاب میں صدر عہدہ کیلئے حبیب النساء زوجہ ڈاکٹر شمیم احمد نے کیا پرچہ داخل!

پرچہ داخل کرنے کا منظر

رپورٹ: ابوالفیض خلیلی
ـــــــــــــــــــــــــــــــــــــــ
مبارکپور/اعظم گڑھ(آئی این اے نیوز 1/نومبر 2017) حبیب النساء زوجہ ڈاکٹر شمیم احمد نے مبارکپور نگر پالیکا سے عہدہ صدارت کی امیدواری کا پرچہ نامزدگی اعظم گڑھ الیکشن آفیسر کے یہاں داخل کردیا.
واضح رہے کہ یہ صدارت امیدوار کا پہلا پرچہ نامزدگی داخل کیا ہے، حبیب النساء کے ہمراہ عامر فہیم، محمد حسن اور چندر شیکھر سنگھ وغیرہ خاص طور سے موجودتھے۔
آپ کو بتا دیں کہ ڈاکٹر شمیم احمد نے تین بار مبارکپور سے چیئرمین کا الیکشن جیتا ہے اس بار نگر پالیکا صدارت کی نشست زنانہ ہونے کی وجہ سے انکی اہلیہ حبیب النساء نے صدارت کے عہدہ کی امیدوار کے طور پر ہیں۔

نبیرہ شیخ الاسلام مولانا سید ازہر مدنی صاحب کی 2 اور 3 نومبر کو سلطانپور آمد، جلسہ عام سے کریں گے خطاب!

رپورٹ:  فضل الرحمان قاسمی
ــــــــــــــــــــــــــــــــــــــــــــــ
سلطان پور(آئی این اے نیوز 1/نومبر 2017) ملک کی متحرک وفعال جماعت جمعیت علماء ھند ملک کے موجودہ صورت حال سے سخت پریشان ہے، نفرتوں کو مٹانے اور پیار و محبت کا دیپ چلانے میں

ہمہ تن مصروف ہے، حال ہی میں دہلی میں کامیاب اور با اثر پروگرام  امن و ایکتا کانفرنس کے انعقاد کے بعد 12نومبر کو جمعیت علماء اترپردیش کی جانب سے رفاہ عام میدان میں پیار و محبت کی قندیل روشن کرنے اور آپس میں مذہبی منافرت کو مٹانے کے لئے قومی یکجہتی کانفرنس منعقد کرنے جارہی ہے، جس کے مہمان خصوصی جانشین شیخ الاسلام مولانا سید ارشد مدنی صدر جمعیت علماء ھند واستاذ حدیث دارالعلوم دیوبند ہونگے، اس پروگرام کے تئیں عوام میں بیداری کے لئے اترپردیش کے مختلف اضلاع پروگرام کا انعقاد کیا جارہا ہے، جس کے ذریعہ موجودہ حالات میں جمعیت علماء ھند کے کردار، کارنامہ، اور قومی یکجھتی پروگرام کی اہمیت و افادیت کو اجاگر کیا جارہا ہے، اسی سلسلہ میں کل نبیرہ شیخ الاسلام مولانا سید ازھر مدنی ابن جانشین شیخ الاسلام مولانا سید ارشد مدنی صاحب سلطانپور تشریف لارہے ہیں، سلطانپور کے دریا پور علاقہ میں کل 2 نومبر عشاء کی نماز کے بعد جلسہ عام کو خطاب کریں گے، جبکہ جمعہ سے قبل اسلام پور عید گاہ میں بھی خطاب ہوگا.
 غور طلب ہے کہ مولانا سید ازھر مدنی اترپردیش جمعیت علماء کے سکریٹری ہیں، ملک کے عمدہ مقررین میں سے ایک ہیں.
جمعیت سلطانپور کے جنرل سیکریٹری مولانا سراج ہاشمی نے اطلاع دی کہ اس پروگرام کے سلسلہ میں لوگوں کو جگہ جگہ بیدار کیا جارہا ہے، انہوں نے سلطانپور کی عوام سے اس پروگرام کو کامیاب بنانے کی اپیل کی ہے.

پولیس نے پتہ لگایا خزانے والے کنویں کا راز، نکالا لاکھوں کا سونا!

پولیس کنویں میں پھینکے گئے زیورات کو نکلواتے ہوئے

رپورٹ: ثاقب اعظمی
ــــــــــــــــــــــــــــــــ
ممبئی(آئی این اے نیوز 1/نومبر 2017) ممبئی کے كرار علاقے میں 2 اکتوبر کو رشتے جویلرس اینڈ موبائل اسٹور سے تقریبا 41 موبائل کی چوری کی واردات سامنے آئی تھی.
اس معاملے میں کرار پولیس نے دو چوروں کو گرفتار کیا ہے، اس واقعہ کے علاوہ ان چوروں نے گزشتہ دو ماہ کے دوران علاقے میں تین گھروں میں نقب زنی اور چوری کے گناہ کو انجام دیا، پولیس طویل عرصے سے دونوں کو تلاش کر رہی تھی.
پولیس نے موبائل اسٹور سے چوری کیس کے ایف آر درج کرکے تحقیقات میں ملوث تھی، تحقیقات میں دو لڑکوں کو پولیس نے گرفتار کیا، ان سے پوچھ تاچھ کے تحقیقات کے دوران دونوں نے موبائل چوری کے جرم کو بھی قبول کیا، لیکن معاملہ یہیں ختم نہیں ہوا، یہ دو ملزموں نے 16 ستمبر کے رات میں چوری کے ان جرموں کو بھی قبول کیا.
اس خلاصے کے ساتھ اچھی طرح سے کنویں کا راز ظاہر ہوا، دراصل ان دونوں ملزمان نے 16 ستمبر کی رات کو رشتے جویلرس اینڈ موبائل اسٹور سے کئی سارے سونے اور چاندی کے زیور چوری کئے تھے لیکن چوری کے بعد انہیں معلوم ہوا کہ چرائے گئے زیور دراصل جعلی اور نقلی ہیں، جس کی مارکیٹ میں کوئی قیمت نہیں ہے، اس بات سے ناراض اور پریشان دونوں ملزمان نے اپنے ان گناہ کو چھپانے کیلئے زیورات کو کنویں میں پھینک کر نہ صرف پیچھا چھڑانا چاہا بلکہ گناہ پر پردہ ڈالنے کی کوشش کی.
ملزمان نے زیور کی گٹھری کو کنویں میں تو پھینک دیا لیکن وہ یہ معلوم ان کو نہیں ہوا کہ ان زیورات میں سے کچھ زیور سونے اور چاندی کے بھی اصلی اور قیمتی تھے، پولیس  ان ملزمان کو زیورات کی چوری کی صورت میں کافی وقت سے تلاش رہی تھی، اور آخر کار پولیس نے انہیں سلاخوں کے پیچھے پہنچا ہی دیا.
دونوں مزمان کو عدالت میں پیش کیا گیا تھا، اور عدالت نے انہیں حکم دیا کہ انہیں 2 نومبر تک پولیس کی حراست میں رکھا جائے.

شری گاندھی مہاودھیالے مالٹاری میں طلبہ یونین کے انتخابات کے لئے آج ہوگا پرچہ داخل، 3 نومبر کو امیدواروں کا ہوگا اعلان!

شری گاندھی مہا ودھیالے مالٹاری اعظم گڑھ

رپورٹ: عبدالکافی چشتی
ــــــــــــــــــــــــــــــــــــــــ
سگڑی/اعظم گڑھ(آئی این اے نیوز 1/نومبر 2017) سگڑی تحصیل علاقے کے شری گاندھی مہا ودھیالے مالٹاری کے طلبہ یونین انتخابات سیشن 18-2017 نامزدگی یکم نومبر کو صبح 11 بجے سے 2:00 بجے تک ہوگا، اور امیدواروں کی جانچ 2 نومبر کو 11 بجے سے 2:00 بجے تک ہوگی، نام واپسی 3نومبر کو 11 بجے سے 2 بجے تک ہوگا اور 5 بجے امیدواروں کا اعلان کیا جائے گا، انتخابات اور ووٹوں کی گنتی 07 نومبر کو 9:00 بجے سے 2:00 بجے تک ووٹنگ جاری رہے گی، اور 3:00 بجے سے ووٹوں کی گنتی شروع ہوگی، گنتی کے بعد جیتے ہوئے امیدواروں کی حلف برداری کی تقریب ہوگی.
 الیکشن افسر ڈاکٹر کیلاش ناتھ گپتا نے بتایا کہ تمام تیاری مکمل کر لی گئی ہے اور کمیٹی کی سفارشات کو نافذ کرتے ہوئے ضابطہ انتخابات پر عمل کرتے ہوئے کالج احاطے اور آس پاس کے بینر پوسٹر وغیرہ ہٹا دیا گیا ہے، اور اسکول میں داخل ہونے پر پابندی عائد کی گئی ہے جو انتخابات تک جاری رہے گی.

اہل علم اور اہل اللہ سے سچی محبت اپنے دلوں میں پیدا کریں: مولانا عارف الحق

رپورٹ: محمد دلشاد قاسمی
ــــــــــــــــــــــــــــــــــــــــــ
روشنگڑھ/باغپت(آئی این اے نیوز 1/نومبر 2017)باغپت ضلع کے روشنگڑھ کے مدرسہ اسلامیہ عربیہ انوارالاسلام میں ضلع باغپت کے جمیعۃ علماء ہند کے جنرل سکریٹری جانشین مرشد الامت حضرت مولانا محمد عارف الحق صاحب امام وخطیب مرکزی مسجد پہونس والی بڑوت تشریف لائے، جہاں موجود مدرسہ کے منتظمین اور گاؤں کے لوگوں نے پرجوش استقبال کیا.
حضرت مولانا عارف الحق صاحب نے مدرسہ کے نظام کو دیکھ کر  بےحد خوشی کا اظہار فرمایا اور مدرسہ کے لیے اور مزید محنت اور لگن سے کام کرنے کے لیے انتظامیہ میں جذبہ پیدا کیا.
اور پہر بعد نماز عصر گاؤں کی جامع مسجد میں خطاب فرمایا، جس میں کہا کہ اہل علم اور اہل اللہ سے سچی محبت اپنے دلوں میں پیدا کرلو اسی سے تم کو کامیابی مل سکتی ہے، آج جو علماء سے عوام نے دوری بنالی ہے اور دنیا داروں کی چاپلوسی شروع کردی ہے تو یہ مسلم قوم عزلت و بلندی کے آسمان سے ذلت و پستی کی عمیق غار میں جاگری ہے، جس سے خلاصی کی صورت صرف علماء سے محبت ہے اس لیے ہم سب اپنے آپ کو اپنے علماء سے منسلک کرکے رکھیں اور ان کے رائے مشورہ سے اپنے کاموں کو انجام دیں اور اپنی نسلوں کو دینی تعلیم ضرور دلائیں، مزید انہون نے کہا کہ مدارس اسلامیہ کی جو دین کے قلعے ہیں ان کی ضروریات کو ہر ممکنہ صورت میں پورا کرنے کے لیے دل و جان سے کوساں رہیں.
 اس موقع مدرسہ انوارالاسلام کے ناظم مفتی محمد دلشاد، حافظ عبدالقیوم، منشی محمد اسرائیل، کلو چوکیدار، عبدالرحمان، مولانا جمیل احمد مفتاحی اور مدرسہ ھذا کے مدرسین سمیت گاؤں کے بڑی تعداد میں افراد موجود رہے.

بہار مدرسہ ایجوکیشن بورڈ کے نصاب میں آرٹس، سائنس اور کامرس کو کیا گیا شامل!

رپورٹ: محمد صدر عالم نعمانی
ــــــــــــــــــــــــــــــــــــــــــــــــــ
پٹنہ(آئی این اے نیوز 1/نومبر 2017) موجودہ حالات اور ضروریات کے پیش نظر بہار اسٹیٹ مدرسہ ایجوکیشن بورڈ پٹنہ نے اپنے نصاب میں برسوں بعد تبدیلی کردی ہے، جدید نصاب میں مولوی کو انٹر میڈیٹ کے طرز پر آرٹس، سائنس اور کامرس میں تقسیم کیا گیا ہے، جبکہ فوقانیہ کے نصاب میں جنرل سائنس کی جگہ طبیعات (فزکس) کیمیا (کمسٹری) اور علم حیات (بایولوجی) کو شامل کیا گیا ہے.
 مدرسہ بورڈ کے چیئرمین پروفیسر شمشاد حسین نے مدرسہ بورڈ کے دفتر میں جدید نصاب کا اجراء کرتے ہوئے کہا کہ مدرسہ کا جدید نصاب تعلیم مدارس کے طلباء و طالبات کیلئے موثر و مفید ثابت ہوگا،.
 مدرسہ بورڈ کے انسپکٹر ڈاکٹر محمد نور اسلام علیگ نے کہا کہ وقت حالات اور تقاضوں کو ملحوظ رکھتے ہوئے اس نئے نصاب کومرتب کیا گیا ہے، جو مفید اور سہل ہے، اور نوجوانوں کو روزگار فراہم کرنے میں بھی معاون ہوگا، انہوں نے کہا کہ جدید نصاب تعلیم میں عربی، فارسی اور انگریزی زبانوں میں افہام وتفہیم کی عام زبان پر زور دیا گیا ہے، جو عصری تقاضوں کو پوراکرے گا، انہوں نے امتحان کے پرچہ میں بھی تبدیلی کی بات بتائی، مزید کہا کہ جدید نصاب میں پرچوں کی تعداد میں بھی کمی کی گئی ہے، پہلے فوقانیہ کے امتحان میں کل بارہ سو نمبرات کے سوال پوچھے جارہے تھے، جسے کم کرکے اب ایک ہزار نمبر کر دیئے گئے ہیں، مولوی کے امتحان کے پرچوں میں بھی کمی کی گئی ہے.، اب مولوی کے امتحان میں نئے نصاب کے مطابق صرف نو سو نمبر کے سوال پوچھے جائیں گے، جو پہلے بارہ سو نمبر کے ہوا کرتے تھے، اس معاملہ میں مدرسہ بورڈ کے سکریٹری زاہد حسین نے کہا کہ جدید نصاب موجودہ ضروریات کے پیش نظر ترتیب دیا گیا ہے، جو عصری تقاضوں کے عین مطابق ہے، انہوں نے مدارس کے ذمہ داروں سے اس جدید نصاب کو ایمانداری سے نافذ کرنے کی اپیل کی ہے.
اس موقع پر مدرسہ بورڈ کے ممبران،سنی وقف بورڈ کے چیرمین محمد ارشاداللہ، شیعہ وقف بورڈ کے چیئرمین ارشاد علی آزاد، مدرسہ شمس الہدی پٹنہ کے پرنسپل مولانا سید مشہود احمد قادری ندوی اور اعجاز احمد موجود تھے.