®سلمان کبیرنگری
ـــــــــــــــــــــــــــــــــ
بلواسینگر/سنت کبیر نگر(آئی این اے نیوز 24/جنوری 2017) سماجی تنظیم فیوچر آف انڈیا کے بانی وصدر مظہر آزاد نے سانتھا بلاک ہیڈ کوارٹر پر تنظیم سے وابستہ عہدیداران وکارکنان کے ساتھ ایک میٹنگ کی اور انتخابی کمیشن سے مطالبہ کیا انتخابی منشور میں کئے جانے والے وعدے کو پورا کرانے کے لئے سیاسی پارٹیوں کے قائدین سے بیان حلفی لی جائے انتخاب کے بعد اقتدار میں آنے والی پارٹی اگر صد فیصد اپنے وعدے پرعمل نہیں کرتی تو پارٹی کا نام اور انتخابی نشان ضبط کر لیا جائے. مکتوب میں سوال کیا گیا کہ رائے دہندگان سے جھوٹے وعدے کرنا کیا انتخابی اخلاق قانون کی خلاف ورزی نہیں ہے جھوٹے وعدے کرکے عوام کاقیمتی ووٹ لینا کیا جرم کی کٹیگری میں نہیں آتا.؟ مکتوب میں کہا گیا کہ جھوٹ مکرو فریب کے ذریعہ عوام کے ووٹ کو ہتھیا لینا جرم ہے توبھی سیاسی پارٹیاں جوجھوٹے وعدے کرتی ہیں ان پر کاروائی ہونی چاہیئے.
