رپورٹ: محمد تہذیب
ــــــــــــــــــــــــــــــــــ
مبارکپور/اعظم گڑھ(آئی این اے نیوز 28/ اپریل2017) مبارکپور تھانہ علاقہ کے محلہ حیدرآباد کی کلاس 6 کی طالبہ 14سالہ شافیہ خاتون بیٹی محمد سعید گزشتہ 13/اپریل کی شام کو اپنی سہیلی سے ملنے گئی تھی، لیکن اب تک واپس نہیں آئی، رشتہ داروں نے کافی تلاش کیا، لیکن اس کے بارے میں کچھ معلوم نہ ہو سکا. جس کی تحریر لڑکی کے والد نے مقامی تھانہ اور چوکی میں گزشتہ 21/ اپریل کو دی تھی، اس کے باوجود پولیس نے اب تک کوئی کارروائی نہیں کی، جس سے اہل خانہ میں مایوسی اور عدم اطمینان ہیں.
بتا دیں کہ مبارکپور تھانہ کے محلہ حیدرآباد رہائشی محمد سعید کی بیٹی شافیہ خاتون انصار گرلس انٹر کالج کلاس 6 کی طالبہ ہے، شافیہ کے والد محمد سعید نے بتایا کہ شافیہ گزشتہ 13/ اپریل کی شام میں اپنے کسی سہیلی سے ملنے کی بات کہہ کر گھر سے گئی، لیکن واپس نہیں آئی. پریشان ہوکر اہل خانہ نے کافی تلاش کیا، لیکن کچھ معلوم نہیں ہو سکا. جس کی شکایت محمد سعید نے مبارکپور تھانہ اور پولیس چوکی کو دی. متاثر پولیس چوکی اور تھانہ کا چکر لگا رہا، پوچھنے پر بتایا جاتا ہے کہ تلاش کی جا رہی ہے جیسے ہی معلوم ہوگا اطلاع دی جائے گی.
