رپورٹ: سلمان کبیرنگری
ـــــــــــــــــــــــــــــــــــــ
بلوا سینگر/سنت کبیر نگر(آئی این اے نیوز 29/اپریل 2017) مسلم پرسنل لاء بیداری مہم کے تحت برینیاں میں ایک میٹنگ کا انعقاد کیا گیا جس کی صدارت نئی روشنی میگزین کے ایڈیٹر سلمان کبیرنگری نے اور نظامت محمد ہاشم آدم زاد نے کی جب کہ مہمان خصوصی انڈین سوشل آرگنائزیشن کے بانی وصدر وسیم خان تھے، اس موقع پر پریس کانفرنس سے خطاب کرتے ہوئے سلمان کبیرنگری نے کہا کہ طلاق کا مطلب گولی مار نہیں بلکہ ازدواجی زندگی میں تلخیاں پیدا ہو جاتی ہیں اور زندگی دوبھر ہوجاتی ہے یہ طلاق اسی کا حل ہے تاکہ انسان کی ایک خوشگوار زندگی بسر ہو سکے وسیم خان نے کہا طلاق تو ایک بہانہ ہے جس کی آڑ لے کر شریعت پر ناکام وناپاک حملے کی اور مسلمانوں کو بدنام کرنے کی کوشش کی جارہی ہے، دراصل ملک کے سنگین مسائل سے عوام کا ذہن بھٹکایا جارہا ہے تاکہ عوام اسی میں الجھ کر رہ جائے کانفرنس میں محمد ہاشم آدم زاد اور محمد شمیم بھی موجود تھے.
