رپورٹ: علی اشہـد اعظـمی
ــــــــــــــــــــــــــــــــــــــــــ
بلریاگنج/اعظم گڑھ(آئی این اے نیوز 27/اپریل 2017) اعظم گڑھ ضلع کے بلریاگنج تھانہ علاقہ مدھنا پار کے ڈوری ڈیہا کے پاس آج صبح ساڑھے آٹھ بجے ٹرک کی زد میں آنے سے نوجوان کی موت واقع ہوگئی.
اطلاع کے مطابق مئو ضلع محمدآباد کوتوالی کے خیرآباد کے رہنے والے فرقان ولد فیضان احمد دوا لینے کے لئے بائک سے بلریاگنج آرہا تھا جیسے ہی مدھنا پار پہنچا پیچھے سے آرہا بالو سے بھرا ٹرک پاس لیتے ہوئے بائک سوار کو ٹکر مار دیا جس سے فرقان ٹرک کے نیچے آگیا اور ٹرک ڈرائیور فرقان کو روندتے ہوئے موقع سے فرار ہوگیا جہاں فرقان کی موقع پر ہی موت واقع ہوگئی، پولیس تحقیقات میں لگی ہے، لاش کو بلریاگنج تھانہ میں لایا گیا جہاں اہل خانہ کو خبر ملتے ہی کچھ دیر میں اہل خانہ بلریاگنج تھانہ میں پہنچ گئے، خبر لکھے جانے تک لاش تھانہ میں موجود رہی.
