رپورٹ: ثاقب اعظمی
ــــــــــــــــــــــــــــــــ
سہارنپور(آئی این اے نیوز 23/مئی 2017) بی ایس پی صدر مایاوتی کے سہارنپور دورے کے بعد تشدد بھڑک اٹھا، مایاوتی کے پروگرام میں شامل ہو کر واپس لوٹ رہے لوگوں پر حملہ ہوا، جس میں ایک کو گولی مار دی گئی جبکہ 5 لوگوں کو تلوار سے کاٹ ڈالا گیا، حملے میں زخمی لوگوں کو اسپتال میں داخل کروایا گیا ہے، واقعہ کے بعد سے ایک بار پھر ماحول کشیدہ ہو گیا ہے.
بتا دیں کہ آج بی ایس پی سربراہ مایاوتی تشدد میں مبتلا گاؤں شبیرپور پہنچی تھی، مایاوتی کے دورے سے پہلے ہی کچھ نامعلوم دلتوں نے راجپوتوں کے گھروں پر پتھر بازی اور آتش زنی کی، جس کے بعد مایاوتی کے جانے کے بعد راجپوتوں نے تلواریں نکال لی اور شبيرپور کے قریب دوسرے گاؤں چندرپور میں 5 دلتوں کو تلواروں سے کاٹ کر زخمی کر دیا، وہیں ایک شخص کو گولی مار دی، زخمیوں میں سے 2 کی حالت نازک بنی ہوئی ہے.
وہیں واقعہ کے بعد تشدد بھڑکنے کا خدشہ سے شبیرپور میں راجپوتوں کی بستی کو چھاؤنی میں تبدیل کر دیا گیا ہے، کئی تھانوں سمیت پی اے سی کو جائے وقوعہ پر بلا لیا گیا ہے اور پورے ضلع میں ہائی الرٹ کا اعلان کر دیا گیا ہے، معاملے کی سنجیدگی کو دیکھتے ہوئے میرٹھ سے اے ڈی جی آنند کمار سہارنپور روانہ ہو گئے ہیں.
