تحریر: مولانا ﻓﻀﯿﻞ ﺍﺣﻤﺪ ﻧﺎﺻﺮﯼ استاد حدیث جامعہ امام محمد انور شاہ دیوبند
ــــــــــــــــــــــــــــــــــــــــــــــــــــ
🔷ﺗـــﻤـﮩﯿـــــــﺪ🔷
ﺳﻔﺮِ ﻣﻤﺒﺌﯽ ﮐﮯ ﻟﯿﮯ ﭘﭩﻨﮧ ﺳﮯ ﮔﺎﮌﯼ ﭘﺮ ﺳﻮﺍﺭ ﮨﻮﺍ ﺗﻮ ﻣﯿﮟ ﻧﮯ ﺩﯾﮑﮭﺎ ﮐﮧ ﻣﯿﺮﯼ ﻧﺸﺴﺖ ﭘﺮ ﺳﺎﻣﻨﮯ ﺍﯾﮏ ﺍﭨﮭﺎﺭﮦ ﺳﺎﻟﮧ ﻧﻮﺟﻮﺍﻥ ﺑﯿﭩﮭﺎ ﮨﮯ، ﮐﻮﭦ ﭘﺘﻠﻮﻥ ﻣﯿﮟ ﻣﻠﺒﻮﺱ، ﺳﺮ ﭘﺮ ﺍﻧﮕﺮﯾﺰﯼ ﺑﺎﻝ، ﺩﺍﮌﮬﯽ ﺑﮭﯽ ﺣﻠﻖ ﮐﺮﺩﮦ، ﻣﯿﮟ ﻧﮯ ﻧﺎﻡ ﭘﻮﭼﮭﺎ ﺗﻮ ﺍﺱ ﻧﮯ " ﻣﺤﻤﺪ ﻣﻌﺮﺍﺝ " ﺑﺘﺎﯾﺎ، ﺳﺎﻧﻮﻻ ﺭﻧﮓ ﺍﻭﺭ ﻣﺰﺍﺝ ﻣﯿﮟ ﻇﺎﮨﺮﯼ ﺷﺮﺍﻓﺖ - ﻣﯿﮟ ﻧﮯ ﻣﻨﺰﻝ ﭘﻮﭼﮭﯽ ﺗﻮ ﺍﺱ ﻧﮯ ﺑﺘﺎﯾﺎ ﮐﮧ " ﺳﺎﺋﻦ " ﺟﺎ ﺭﮨﺎ ﮨﻮﮞ - ﺑﺲ ﺍﺗﻨﯽ ﺑﺎﺕ ﮐﮯ ﺑﻌﺪ ﭘﮭﺮ ﮔﻔﺘﮕﻮ ﻣﻨﺎﺳﺐ ﻧﮩﯿﮟ ﺳﻤﺠﮭﯽ، ﺳﻔﺮ ﻣﯿﮟ ﺍﺟﻨﺒﯽ ﺳﮯ ﺑﺎﺕ ﮐﺮﺗﮯ ﮨﻮﮮ ﻣﺠﮭﮯ ﻭﺣﺸﺖ ﮨﻮﺗﯽ ﮨﮯ، ﺍﭘﻨﮯ ﻣﻌﻤﻮﻻﺕ ﻣﯿﮟ ﻟﮕﺎ ﺭﮨﺎ ﺍﻭﺭ ﮔﺎﮌﯼ ﺩﻭﮌﺗﯽ، ﺭﮐﺘﯽ ﺍﻭﺭ ﺳﺮﭘﭧ ﺑﮭﺎﮔﺘﯽ ﺭﮨﯽ -
★ﻣﻨﺰﻝ ﮐﮯ ﻗﺮﯾﺐ★
ﺟﺐ ﮔﺎﮌﯼ " ﺍﯾﮕﺖ ﭘﻮﺭﯼ " ﭘﮩﻮﻧﭽﯽ ﺗﻮ ﺍﺱ ﻧﮯ ﻣﺠﮫ ﺳﮯ ﮔﻔﺘﮕﻮ ﺷﺮﻭﻉ ﮐﺮﺩﯼ، ﻣﯿﮟ ﻧﮯ ﺩﯾﮑﮭﺎ ﮐﮧ ﺍﺱ ﮐﯽ ﺯﺑﺎﻥ " ﺍﺭﺩﻭ ﺁﺷﻨﺎ " ﮨﮯ، ﭘﮭﺮ ﻭﮦ ﻣﻮﻟﻮﯾﺎﻧﮧ " ﺍﺻﻄﻼﺣﺎﺕ " ﺑﮭﯽ ﺍﺳﺘﻌﻤﺎﻝ ﮐﺮ ﺭﮨﺎ ﮨﮯ ﺗﻮ ﻣﯿﮟ ﻧﮯ ﭘﻮﭼﮭﺎ ﮐﮧ ﺑﯿﭩﮯ ! ﺗﻤﮩﺎﺭﯼ ﺗﻌﻠﯿﻢ ﮐﺲ ﻣﺪﺭﺳﮯ ﺳﮯ ﮨﮯ؟ ﮐﮩﻨﮯ ﻟﮕﺎ " : ﺟﺎﻣﻌﮧ ﺳﻠﻔﯿﮧ ﺑﻨﺎﺭﺱ " ﺳﮯ - ﻓﻮﺭﺍً ﻣﯿﺮﺍ ﺫﮨﻦ ﮔﯿﺎ ﮐﮧ ﯾﮧ ﻧﻮ ﻋﻤﺮ ﻟﮍﮐﺎ ﺑﮭﯽ " ﻏﯿﺮﻣﻘﻠﺪﯾﺖ " ﮐﮯ ﺟﺎﻝ ﻣﯿﮟ ﭘﮭﻨﺲ ﮔﯿﺎ ﮨﮯ، ﺍﺳﮯ ﮐﺴﯽ ﻃﺮﺡ ﻧﮑﺎﻟﻨﺎ ﭼﺎﮨﯿﮯ -
🔷ﺗﺮﺍﻭﯾﺢ ﮐﯽ ﺭﮐﻌﺘﯿﮟ : ﺑﯿﺲ ﯾﺎ ﺁﭨﮫ؟🔷
ﻣﯿﮟ ﻧﮯ ﺍﺱ ﺳﮯ ﭘﻮﭼﮭﺎ ﮐﮧ ﺗﻢ ﮐﺘﻨﯽ ﺭﮐﻌﺘﯿﮟ ﺗﺮﺍﻭﯾﺢ ﭘﮍﮬﺘﮯ ﮨﻮ؟ ﺑﻮﻻ : ﺁﭨﮫ - ﻣﯿﮟ ﻧﮯ ﭘﻮﭼﮭﺎ : ﮐﯿﻮﮞ؟ ﮐﮩﻨﮯ ﻟﮕﺎ : ﺍﺗﻨﯽ ﮨﯽ ﺭﮐﻌﺘﯿﮟ ﭘﯿﻐﻤﺒﺮﷺ ﺳﮯ ﺛﺎﺑﺖ ﮨﯿﮟ - ﻣﯿﮟ ﻧﮯ ﺩﯾﮑﮭﺎ ﮐﮧ ﺍﺱ ﮐﺎ ﻣﺰﺍﺝ ﻣﻨﺎﻇﺮﺍﻧﮧ ﮨﮯ ﺍﻭﺭ ﺑﺤﺚ ﮐﻮ ﺷﮑﺴﺖ ﻭ ﻓﺘﺢ ﮐﮯ ﺯﺍﻭﯾﮯ ﺳﮯ ﺩﯾﮑﮫ ﺭﮨﺎ ﮨﮯ ﺗﻮ ﻣﯿﮟ ﻧﮯ ﮐﮩﺎ : ﺑﯿﭩﮯ ! ﯾﮧ ﺗﻮ ﺗﻤﮩﯿﮟ ﻣﻌﻠﻮﻡ ﮨﯽ ﮨﻮﮔﺎ ﮐﮧ ﺗﻤﮩﺎﺭﮮ ﯾﮩﺎﮞ ﺷﺮﯾﻌﺖ ﮐﮯ ﺻﺮﻑ ﺩﻭ ﮨﯽ ﺍﺻﻮﻝ ﮨﯿﮟ : ﻗﺮﺁﻥ ﺍﻭﺭ ﺣﺪﯾﺚ - ﺍﻣﺘﯽ ( ﺍﻟﻠﮧ ﺍﻭﺭ ﺭﺳﻮﻝ ﮐﮯ ﻋﻼﻭﮦ ) ﮐﺎ ﻗﻮﻝ ﺗﻤﮩﺎﺭﮮ ﯾﮩﺎﮞ ﻣﻌﺘﺒﺮ ﮨﯽ ﻧﮩﯿﮟ ﮨﮯ، ﺗﻮ ﯾﮧ ﺑﺘﺎﺅ ﮐﮧ ﯾﮧ " ﺗﺮﺍﻭﯾﺢ " ﮐﺎ ﻟﻔﻆ ﺗﻢ ﮐﮩﺎﮞ ﺳﮯ ﻻﮮ ﺍﻭﺭ ﮐﯿﻮﮞ؟ ﮐﮩﻨﮯ ﻟﮕﺎ ﮐﮧ ﺍﺣﺎﺩﯾﺚ ﻣﯿﮟ ﻋﺸﺎ ﺳﮯ ﻣﺘﺼﻞ ﻧﻔﻠﯽ ﻧﻤﺎﺯ ﮐﻮ ﻣﺎﮦِ ﺭﻣﻀﺎﻥ ﻣﯿﮟ " ﻗﯿﺎﻡ ﺍﻟﻠﯿﻞ " ﺳﮯ ﺗﻌﺒﯿﺮ ﮐﯿﺎ ﮔﯿﺎ ﮨﮯ، ﻋﻮﺍﻡ ﮐﯽ ﺯﺑﺎﻥ ﻣﯿﮟ ﯾﮩﯽ ﻗﯿﺎﻡ ﺍﻟﻠﯿﻞ " ﺗﺮﺍﻭﯾﺢ " ﮐﮩﻼﺗﺎ ﮨﮯ، ﺍﺱ ﻟﯿﮯ ﻣﯿﮟ ﻧﮯ ﺑﮭﯽ ﺗﺮﺍﻭﯾﺢ ﮐﺎ ﻟﻔﻆ ﺍﺳﺘﻌﻤﺎﻝ ﮐﯿﺎ - ﻣﯿﮟ ﻧﮯ ﭘﻮﭼﮭﺎ : ﺑﯿﭩﮯ ! ﺗﺮﺍﻭﯾﺢ ﮐﯿﺴﺎ ﻟﻔﻆ ﮨﮯ؟ ﻭﺍﺣﺪ ﮨﮯ ﯾﺎ ﺟﻤﻊ، ﺍﻭﺭ ﺍﺱ ﮐﯽ ﻭﺟﮧِ ﺗﺴﻤﯿﮧ ﮐﯿﺎ ﮨﮯ؟ ﺗﻮ ﺟﻮﺍﺏ ﻧﮧ ﺩﮮ ﺳﮑﺎ -
※ﺁﭨﮫ ﺭﮐﻌﺘﯿﮟ ﺗﮩﺠﺪ ﮐﯽ ﮨﯿﮟ ﯾﺎ ﺗﺮﺍﻭﯾﺢ ﮐﯽ؟※
ﻣﯿﮟ ﻧﮯ ﭘﻮﭼﮭﺎ ﮐﮧ ﺗﺮﺍﻭﯾﺢ ﮐﯽ ﺁﭨﮫ ﺭﮐﻌﺘﯿﮟ ﮐﮩﺎﮞ ﺳﮯ ﺛﺎﺑﺖ ﮨﯿﮟ؟ ﮐﮩﻨﮯ ﻟﮕﺎ ﮐﮧ ﻣﺘﻌﺪﺩ ﺍﺣﺎﺩﯾﺚ ﺳﮯ - ﺧﻮﺩ ﺑﺨﺎﺭﯼ ﺷﺮﯾﻒ ﺳﮯ ﺑﮭﯽ - ﻣﯿﮟ ﻧﮯ ﮐﮩﺎ : ﺣﺪﯾﺚ ﺳﻨﺎﺅ ! ﺍﺱ ﻧﮯ ﻣﻔﮩﻮﻡِ ﺣﺪﯾﺚ ﭘﯿﺶ ﮐﯿﺎ : ﺣﻀﺮﺕ ﻋﺎﺋﺸﮧ ﺳﮯ ﻣﺮﻭﯼ ﮨﮯ ﮐﮧ ﭘﯿﻐﻤﺒﺮﷺ ﺭﻣﻀﺎﻥ ﺍﻭﺭ ﻏﯿﺮ ﺭﻣﻀﺎﻥ ﻣﯿﮟ ﺁﭨﮫ ﺭﮐﻌﺎﺕ ﺳﮯ ﺯﯾﺎﺩﮦ ﻧﮩﯿﮟ ﭘﮍﮬﺎ ﮐﺮﺗﮯ ﺗﮭﮯ، ﺑﻌﺾ ﺭﻭﺍﯾﺎﺕ ﻣﯿﮟ ﻭﺗﺮ ﮐﯽ ﺗﯿﻦ ﺭﮐﻌﺎﺕ ﮐﻮ ﻣﻼ ﮐﺮ ﺭﮐﻌﺎﺕ ﮐﯽ ﺗﻌﺪﺍﺩ ﮔﯿﺎﺭﮦ ﺑﮭﯽ ﺁﺋﯽ ﮨﮯ، ﺟﺐ ﮐﮧ ﺑﯿﺲ ﺭﮐﻌﺎﺕ ﮐﮯ ﺳﻠﺴﻠﮯ ﻣﯿﮟ ﮐﻮﺋﯽ " ﺻﺤﯿﺢ " ﺣﺪﯾﺚ ﻧﮩﯿﮟ، ﻣﯿﮟ ﻧﮯ ﮐﮩﺎ : ﺑﯿﭩﮯ ! ﺫﺭﺍ " ﺣﺪﯾﺚِ ﺻﺤﯿﺢ " ﮐﯽ ﺗﻌﺮﯾﻒ ﺗﻮ ﮐﺮ ﺩﻭ ! ﺑﻮﻻ : ﺁﭖﷺ ﮐﺎ ﻭﮦ ﻗﻮﻝ، ﻓﻌﻞ ﯾﺎ ﺗﻘﺮﯾﺮ ﺟﻮ ﭘﯿﻐﻤﺒﺮﷺ ﺳﮯ ﺑﻼ ﺍﻧﻘﻄﺎﻉ ﺛﺎﺑﺖ ﮨﻮ - ﻣﯿﮟ ﻧﮯ ﮐﮩﺎ ﮐﮧ ﺑﯿﭩﮯ ! ﯾﮧ ﺗﻌﺮﯾﻒ ﮐﺲ ﮐﺘﺎﺏ ﻣﯿﮟ ﮨﮯ؟ ﺗﻤﮩﺎﺭﮮ ﻧﺰﺩﯾﮏ ﺗﻮ ﺍﺻﻮﻝِ ﺍﺳﻼﻡ ﺩﻭ ﮨﯽ ﮨﯿﮟ، ﻗﺮﺁﻥ ﺍﻭﺭ ﺣﺪﯾﺚ - ﺻﺤﯿﺢ ﮐﯽ ﯾﮧ ﺗﻌﺮﯾﻒ ﺍﻟﻠﮧ ﻧﮯ ﻓﺮﻣﺎﺋﯽ ﮨﮯ ﯾﺎ ﺭﺳﻮﻝ ﺍﻟﻠﮧﷺ ﻧﮯ؟ ﮐﮩﻨﮯ ﻟﮕﺎ : ﻣﺤﺪﺛﯿﻦ ﻧﮯ - ﻣﯿﮟ ﻧﮯ ﮐﮩﺎ : ﮐﺴﯽ ﺍﯾﮏ ﻣﺤﺪﺙ ﮐﺎ ﻧﺎﻡ ﺑﺘﺎﺅ ! ﻭﮦ ﺑﺘﺎ ﻧﮧ ﺳﮑﺎ -
ﻟﮕﮯ ﮨﺎﺗﮭﻮﮞ ﻣﯿﮟ ﻧﮯ ﺍﺱ ﺳﮯ ﯾﮧ ﺑﮭﯽ ﮐﮩﺎ : ﺍﮔﺮ ﺗﻤﮩﺎﺭﯼ ﻃﺒﻊِ ﻧﺎﺯﮎ ﭘﺮ ﮔﺮﺍﻧﯽ ﻧﮧ ﮨﻮ ﺗﻮ ﭼﻨﺪ ﺳﻮﺍﻝ ﭘﻮﭼﮫ ﺳﮑﺘﺎ ﮨﻮﮞ؟ ﮐﮩﻨﮯ ﻟﮕﺎ : ﺟﯽ ﺑﺼﺪ ﺷﻮﻕ - ﻣﯿﮟ ﻧﮯ ﮐﮩﺎ : ﺟﻦ ﺁﭨﮫ ﺭﮐﻌﺎﺕ ﮐﻮ ﺗﻢ ﺗﺮﺍﻭﯾﺢ ﺳﮯ ﻭﺍﺑﺴﺘﮧ ﮐﺮ ﺭﮨﮯ ﮨﻮ، ﺫﺭﺍ ﺑﺘﺎﺳﮑﺘﮯ ﮨﻮ ﮐﮧ ﭘﯿﻐﻤﺒﺮﷺ ﻏﯿﺮِ ﺭﻣﻀﺎﻥ ﻣﯿﮟ ﮐﺲ ﻭﻗﺖ ﭘﮍﮬﺎ ﮐﺮﺗﮯ ﺗﮭﮯ ﺍﻭﺭ ﺭﻣﻀﺎﻥ ﻣﯿﮟ ﮐﺲ ﻭﻗﺖ؟ ﯾﮧ ﺑﮭﯽ ﺑﺘﺎﺅ ﮐﮧ ﻭﮦ ﺁﭨﮫ ﺭﮐﻌﺘﯿﮟ ﭘﮍﮬﻨﮯ ﮐﺎ ﻃﺮﯾﻘﮧ ﮐﯿﺎ ﺗﮭﺎ؟ ﮐﮩﻨﮯ ﻟﮕﺎ : ﻏﯿﺮ ﺭﻣﻀﺎﻥ ﻣﯿﮟ ﺗﮩﺠﺪ ﮐﮯ ﻭﻗﺖ ﺍﻭﺭ ﺭﻣﻀﺎﻥ ﻣﯿﮟ ﻋﺸﺎ ﮐﮯ ﺑﻌﺪ ﻣﺘﺼﻼً - ﻣﯿﮟ ﻧﮯ ﮐﮩﺎ : ﺍﺱ ﮐﺎ ﮐﻮﺋﯽ ﺣﻮﺍﻟﮧ؟ ﺗﻮ ﻭﮦ ﺧﺎﻣﻮﺵ ﺭﮨﺎ - ﻣﯿﮟ ﻧﮯ ﮐﮩﺎ ﮐﮧ ﻭﮦ ﺁﭨﮫ ﺭﮐﻌﺘﯿﮟ ﺣﻀﻮﺭﷺ ﺑﺎﺟﻤﺎﻋﺖ ﭘﮍﮬﺎ ﮐﺮﺗﮯ ﺗﮭﮯ ﯾﺎ ﺗﻨﮩﺎ؟ ﺗﻮ ﮐﮩﻨﮯ ﻟﮕﺎ : ﺭﻣﻀﺎﻥ ﻣﯿﮟ ﺟﻤﺎﻋﺖ ﮐﮯ ﺳﺎﺗﮫ - ﻣﯿﮟ ﻧﮯ ﭘﮭﺮ ﺣﻮﺍﻟﮧ ﻣﺎﻧﮕﺎ ﺗﻮ ﻭﮦ ﺑﻐﻠﯿﮟ ﺟﮭﺎﻧﮑﻨﮯ ﻟﮕﺎ - ﻣﯿﮟ ﻧﮯ ﭘﻮﭼﮭﺎ : ﺗﻢ ﻟﻮﮒ ﺭﻣﻀﺎﻥ ﻣﯿﮟ ﺍﻥ ﮨﯽ ﺁﭨﮫ ﺭﮐﻌﺘﻮﮞ ﮐﮯ ﺳﺎﺗﮫ ﭘﻮﺭﺍ ﻗﺮﺁﻥ ﺧﺘﻢ ﮐﺮﺗﮯ ﮨﻮ، ﭘﯿﻐﻤﺒﺮﷺ ﺳﮯ ﺍﺱ ﮐﺎ ﮐﻮﺋﯽ ﺛﺒﻮﺕ؟ ﺗﻮ ﺷﺪﺕِ ﺳﻮﺍﻝ ﺳﮯ ﺍﺱ ﮐﺎ ﺣﻠﻖ ﭘﮭﺮ ﺳﻮﮐﮭﻨﮯ ﻟﮕﺎ - ﻣﯿﮟ ﻧﮯ ﮐﮩﺎ : ﺑﯿﭩﮯ ! ﺍﯾﮏ ﺳﻮﺍﻝ ﺍﻭﺭ - ﺑﺎﻟﻔﺮﺽ ﻣﺎﻥ ﻟﯿﺎ ﺟﺎﮮ ﮐﮧ ﺣﻀﻮﺭ ﻋﻠﯿﮧ ﺍﻟﺴﻼﻡ ﻣﯿﮟ ﺭﻣﻀﺎﻥ ﻣﯿﮟ ﻋﺸﺎ ﺳﮯ ﻣﺘﺼﻞ ﺁﭨﮫ ﺭﮐﻌﺘﯿﮟ ﺑﻌﻨﻮﺍﻥ ﺗﺮﺍﻭﯾﺢ ﭘﮍﮬﺎ ﮐﺮﺗﮯ ﺗﮭﮯ ﺗﻮ ﺳﻮﺍﻝ ﯾﮧ ﮨﮯ ﮐﮧ ﭘﮭﺮ ﺗﮩﺠﺪ ﮐﮯ ﻭﻗﺖ ﻣﯿﮟ ﯾﮩﯽ ﺁﭨﮫ ﺭﮐﻌﺘﯿﮟ ﺍﻟﮓ ﺳﮯ ﭘﮍﮬﺘﮯ ﺗﮭﮯ؟ ﺍﮔﺮ ﭘﮍﮬﺘﮯ ﺗﮭﮯ ﺗﻮ ﺩﻟﯿﻞ ﺩﻭ، ﺍﮔﺮ ﻧﮩﯿﮟ ﺗﻮ ﮔﻮﯾﺎ ﺗﻢ ﯾﮧ ﮐﮩﮧ ﺭﮨﮯ ﮨﻮ ﮐﮧ ﺭﻣﻀﺎﻥ ﻣﯿﮟ ﭘﯿﻐﻤﺒﺮﷺ ﺗﮩﺠﺪ ﻧﮩﯿﮟ ﭘﮍﮬﺎ ﮐﺮﺗﮯ ﺗﮭﮯ - ﺍﮔﺮ ﺍﯾﺴﺎ ﮨﯽ ﮨﮯ ﺗﻮ ﮔﻮﯾﺎ ﺗﻢ ﺣﻀﻮﺭﷺ ﮐﻮ " ﺗﺎﺭﮎِ ﻓﺮﺽ " ﻗﺮﺍﺭ ﺩﮮ ﺭﮨﮯ ﮨﻮ، ﮐﯿﻮﮞ ﮐﮧ ﻧﻤﺎﺯِ ﺗﮩﺠﺪ ﺁﭖ ﭘﺮ ﻓﺮﺽ ﺗﮭﯽ - ﯾﮧ ﺳﻦ ﮐﺮ ﻭﮦ ﭘﺮﯾﺸﺎﻥ ﮨﻮﻧﮯ ﻟﮕﺎ - ﻣﯿﮟ ﻧﮯ ﮐﮩﺎ : ﺑﯿﭩﮯ ! ﭼﻮﮞ ﮐﮧ ﺗﻤﮩﺎﺭﮮ ﻧﺰﺩﯾﮏ ﺍﻣﺘﯽ ﮐﯽ ﺑﺎﺕ ﺣﺠﺖ ﮨﯽ ﻧﮩﯿﮟ، ﺍﺱ ﻟﯿﮯ ﺁﺝ ﺳﮯ ﮐﺴﯽ ﺳﮯ ﯾﮧ ﻣﺖ ﮐﮩﻨﺎ ﮐﮧ " ﻣﯿﮟ ﻧﮯ ﺗﺮﺍﻭﯾﺢ ﭘﮍﮬﯽ ﮨﮯ " ﺑﻠﮑﮧ ﯾﻮﮞ ﮐﮩﻨﺎ ﮐﮧ " ﻗﯿﺎﻡ ﺍﻟﻠﯿﻞ " ﮐﯿﺎ ﮨﮯ - ﺳﻨﻮ ﺑﯿﭩﮯ ! ﺗﻢ ﻟﻮﮒ ﺭﻣﻀﺎﻥ ﻣﯿﮟ ﻧﮧ ﺗﮩﺠﺪ ﭘﮍﮬﺘﮯ ﮨﻮ ﺍﻭﺭ ﻧﮧ ﺗﺮﺍﻭﯾﺢ، ﺑﻠﮑﮧ ﻭﮦ ﺍﯾﮏ ﻣﮑﺮﻭﮦ ﻧﻤﺎﺯ ﭘﮍﮬﺘﮯ ﮨﻮ، ﮐﯿﻮﮞ ﮐﮧ ﻭﮦ ﺯﯾﺎﺩﮦ ﺳﮯ ﺯﯾﺎﺩﮦ ﻧﻔﻞ ﮨﮯ ﺍﻭﺭ ﻧﻔﻞ ﮐﯽ ﺟﻤﺎﻋﺖ ﻣﮑﺮﻭﮦ ﮨﮯ - ﮐﮩﻨﮯ ﻟﮕﺎ : ﮨﻤﺎﺭﯼ ﺁﭨﮫ ﺭﮐﻌﺘﯿﮟ ﺗﺮﺍﻭﯾﺢ ﺑﮭﯽ ﻧﮩﯿﮟ ﺍﻭﺭ ﺗﮩﺠﺪ ﺑﮭﯽ ﻧﮩﯿﮟ، ﺍﯾﺴﺎ ﮐﯿﺴﮯ؟ ﻣﯿﮟ ﻧﮯ ﮐﮩﺎ : ﻋﺸﺎ ﮐﮯ ﺑﻌﺪ ﻣﺘﺼﻼً ﺁﭨﮫ ﺭﮐﻌﺎﺕ ﭘﮍﮬﻨﺎ ﮐﺴﯽ ﺑﮭﯽ ﺻﺤﯿﺢ، ﺻﺮﯾﺢ، ﻣﺮﻓﻮﻉ ﺣﺪﯾﺚ ﺳﮯ ﺛﺎﺑﺖ ﻧﮩﯿﮟ، ﻟﮩﺬﺍ ﻭﮦ ﺗﺮﺍﻭﯾﺢ ﻧﮧ ﮨﻮﺋﯽ ﺍﻭﺭ ﯾﮧ ﺁﭨﮫ ﺭﮐﻌﺘﯿﮟ ﺗﮩﺠﺪ ﮐﺎ ﻭﻗﺖ ﺁﻧﮯ ﺳﮯ ﺑﮩﺖ ﭘﮩﻠﮯ ﭘﮍﮬﯽ ﮔﺌﯽ ﮨﯿﮟ، ﻟﮩﺬﺍ ﻭﮦ ﺗﮩﺠﺪ ﺑﮭﯽ ﻧﮧ ﮨﻮﺋﯿﮟ - ﻋﻼﻭﮦ ﺍﺯﯾﮟ ﺍﺳﯽ ﺣﺪﯾﺚِ ﻋﺎﺋﺸﮧ ﻣﯿﮟ ﮨﮯ ﮐﮧ ﺣﻀﻮﺭﷺ ﮐﯽ ﺁﭨﮫ ﺭﮐﻌﺘﯿﮟ ﺩﻭ ﺳﻼﻡ ﺳﮯ ﮨﻮﺗﯽ ﺗﮭﯿﮟ ﺍﻭﺭ ﺗﻢ ﻟﻮﮒ ﺩﻭ ﺩﻭ ﺭﮐﻌﺘﻮﮞ ﭘﺮ ﺳﻼﻡ ﭘﮭﯿﺮﺗﮯ ﮨﻮ، ﺁﺧﺮ ﮐﺲ ﺩﻟﯿﻞ ﺳﮯ؟ ﯾﮧ ﺗﻘﺮﯾﺮ ﺳﻦ ﮐﺮ ﺍﺱ ﮐﺎ ﯾﮧ ﺣﺎﻝ ﮨﻮﺍ ﮐﮧ ﮐﺎﭨﻮ ﺗﻮ ﻟﮩﻮ ﻧﮩﯿﮟ -
🔵ﮐﯿﺎ ﻭﺍﻗﻌﯽ ﺑﯿﺲ ﺭﮐﻌﺎﺕ ﺍﺣﺎﺩﯾﺚ ﺳﮯ ﺛﺎﺑﺖ ﻧﮩﯿﮟ؟🔵
ﻣﯿﮟ ﻧﮯ ﮐﮩﺎ : ﺑﯿﭩﮯ ! ﺗﻤﮩﺎﺭﺍ ﯾﮧ ﺩﻋﻮﯼٰ ﺑﻼ ﺩﻟﯿﻞ ﮨﮯ ﮐﮧ " ﺑﯿﺲ ﺭﮐﻌﺎﺕ " ﭘﺮ ﮐﻮﺋﯽ ﺻﺤﯿﺢ ﺣﺪﯾﺚ ﻣﻮﺟﻮﺩ ﻧﮩﯿﮟ، ﺍﻟﺤﻤﺪﻟﻠﻪ ﮨﻤﺎﺭﺍ ﻣﻮﻗﻒ ﺍﺗﻨﺎ ﺻﺎﻑ، ﻭﺍﺿﺢ ﺍﻭﺭ ﺩﻻﺋﻞِ ﻗﻮﯾّﮧ ﺳﮯ ﺛﺎﺑﺖ ﮨﮯ ﮐﮧ ﺗﻢ ﺳﻮﭺ ﺑﮭﯽ ﻧﮩﯿﮟ ﺳﮑﺘﮯ،ﺧﻮﺩ ﻟﻔﻆ " ﺗﺮﺍﻭﯾﺢ " ﺑﮭﯽ ﻣﯿﺮﮮ ﺩﻻﺋﻞ ﻣﯿﮟ ﺳﮯ ﮨﮯ، ﮨﺮ ﭼﺎﺭ ﺭﮐﻌﺎﺕ ﮐﮯ ﺑﻌﺪ ﺗﮭﻮﮌﺍ ﺁﺭﺍﻡ ﻟﯿﻨﮯ ﮐﻮ ﻋﺮﺑﯽ ﻣﯿﮟ " ﺗﺮﻭﯾﺤﮧ " ﮐﮩﺘﮯ ﮨﯿﮟ،ﺍﺳﯽ ﮐﯽ ﺟﻤﻊ " ﺗﺮﺍﻭﯾﺢ " ﮨﮯ، ﻣﺸﮩﻮﺭ ﺩﻋﺎ ﺳﺒﺤﺎﻥ ﺫﯼ ﺍﻟﻤﻠﮏ ﺍﻟﺦ ﺁﺭﺍﻡ ﮐﯽ ﺍﻧﮩﯿﮟ ﺳﺎﻋﺘﻮﮞ ﻣﯿﮟ ﭘﮍﮬﯽ ﺟﺎﺗﯽ ﮨﮯ - ﭼﻮﮞ ﮐﮧ ﭼﺎﺭ ﺭﮐﻌﺘﻮﮞ ﭘﺮ ﺑﯿﭩﮭﻨﺎ ﭘﺎﻧﭻ ﻣﺮﺗﺒﮧ ﮨﻮﺗﺎ ﮨﮯ، ﺍﺱ ﻟﯿﮯ ﺍﺱ ﮐﯽ ﺟﻤﻊ ﻻﺋﯽ ﮔﺌﯽ، ﺟﻤﻊ ﮐﺎ ﺍﻃﻼﻕ ﮐﻢ ﺍﺯ ﮐﻢ ﺗﯿﻦ ﭘﺮ ﮨﻮﺗﺎ ﮨﮯ، ﺍﻭﺭ ﭘﺎﻧﭻ ﺳﮯ ﮐﻢ ﺗﺮﻭﯾﺤﺎﺕ ﮐﺎ ﺛﺒﻮﺕ ﻧﮩﯿﮟ، ﻭﺍﺿﺢ ﮨﻮﺍ ﮐﮧ ﺗﺮﺍﻭﯾﺢ ﮐﯽ ﺭﮐﻌﺎﺕ ﮐﻢ ﺍﺯ ﮐﻢ ﺑﯿﺲ ﮨﯿﮟ - ﺁﭨﮫ ﺭﮐﻌﺎﺕ ﻣﯿﮟ " ﺁﺭﺍﻡ ﯾﺎﺑﯽ " ﮐﺎ ﻋﻤﻞ ﺻﺮﻑ ﺩﻭ ﺩﻓﻌﮧ ﻣﻤﮑﻦ ﮨﮯ ﺍﻭﺭ ﺩﻭ ﭘﺮ ﺟﻤﻊ ﮐﺎ ﺍﻃﻼﻕ ﺷﺎﺫ ﮨﮯ، ﻧﯿﺰ ﮐﺴﯽ ﺑﮭﯽ ﺫﺧﯿﺮۂ ﺍﺣﺎﺩﯾﺚ ﻣﯿﮟ ﺍﺱ ﮐﺎ ﺗﺜﻨﯿﮧ " ﺗﺮﻭﯾﺤﺘﺎﻥ " ﻧﮩﯿﮟ ﺩﮐﮭﺎ ﺳﮑﺘﮯ، ﺍﮔﺮ ﺗﺮﺍﻭﯾﺢ ﮐﯽ ﺁﭨﮫ ﺭﮐﻌﺘﯿﮟ ﮨﻮﺗﯿﮟ ﺗﻮ ﮐﮩﯿﮟ ﻧﮧ ﮐﮩﯿﮟ " ﺑﺎﺏ ﻣﺎ ﺟﺎﺀ ﻓﯽ ﺍﻟﺘﺮﻭﯾﺤﺘﯿﻦ " ﻣﻮﺟﻮﺩ ﮨﻮﺗﺎ، ﭘﺘﮧ ﯾﮧ ﭼﻼ ﮐﮧ ﺗﺮﺍﻭﯾﺢ ﮐﺎ ﻟﻔﻆ ﺗﻢ ﻧﮯ ﮨﻢ ﺳﮯ ﭼﺮﺍﯾﺎ ﮨﮯ - ﻣﺰﯾﺪ ﺑﺮ ﺁﮞ ﺣﻀﺮﺕ ﺟﺎﺑﺮ، ﺣﻀﺮﺕ ﺍﺑﻦ ﻋﺒﺎﺱ ﻭﻏﯿﺮﮦ ﺳﮯ ﻃﺒﺮﺍﻧﯽ ﺍﻭﺭ ﻣﺼﻨﻒ ﺍﺑﻦ ﺍﺑﯽ ﺷﯿﺒﮧ ﻣﯿﮟ ﯾﮧ ﺍﺣﺎﺩﯾﺚ ﻣﺮﻭﯼ ﮨﯿﮟ ﮐﮧ ﭘﯿﻐﻤﺒﺮﷺ ﻧﮯ ﺗﺮﺍﻭﯾﺢ ﮐﯽ ﺑﯿﺲ ﺭﮐﻌﺎﺕ ﭘﮍﮬﯽ ﮨﯿﮟ، ﺍﺱ ﺳﻠﺴﻠﮯ ﻣﯿﮟ ﺍﯾﮏ ﺁﺩﮪ ﺍﺣﺎﺩﯾﺚ ﻣﺤﺪﺛﯿﻦ ﮐﮯ ﻧﻘﻄۂ ﻧﻈﺮ ﺳﮯ ﺍﮔﺮﭼﮧ ﮐﻤﺰﻭﺭ ﮨﯿﮟ، ﻣﮕﺮ ﺻﺤﺎﺑﮧ ﺭﺿﯽ ﺍﻟﻠﮧ ﻋﻨﮩﻢ ﮐﮯ ﺍﺟﻤﺎﻉ ﻧﮯ ﺳﺎﺭﮮ ﺷﮑﻮﮎ ﻭ ﺷﺒﮩﺎﺕ ﺩﻭﺭ ﮐﺮ ﺩﯾﮯ ﮨﯿﮟ، ﺻﺤﺎﺑۂ ﮐﺮﺍﻡ ﮐﮯ ﺍﺱ ﻋﻤﻞ ﻧﮯ ﺟﻤﮩﻮﺭ ﺍﺋﻤﮧ ﺍﻭﺭ ﻋﻠﻤﺎ ﮐﻮ ﺑﯿﺲ ﺭﮐﻌﺎﺕ ﮐﺎ ﻗﺎﺋﻞ ﮨﻮﻧﮯ ﭘﺮ ﻣﺠﺒﻮﺭ ﮐﺮ ﺩﯾﺎ، ﮐﯿﻮﮞ ﮐﮧ ﮨﻤﺎﺭﮮ ﺍﺳﻼﻑ ﮐﯽ ﯾﮧ ﻣﻘﺪﺱ ﺟﻤﺎﻋﺖ " ﺍﺗﺒﺎﻉِ ﺭﺳﻮﻝ " ﺳﮯ ﺳﺮِﻣﻮ ﺍﻧﺤﺮﺍﻑ ﺑﮭﯽ ﮨﺮﮔﺰ ﻧﮩﯿﮟ ﮐﺮ ﺳﮑﺘﯽ ﺗﮭﯽ، ﺍﻥ ﮐﯽ " ﻓﺪﺍﺋﯿﺖِ ﭘﯿﻐﻤﺒﺮ " ﻋﺎﻟﻢ ﺁﺷﮑﺎﺭ ﮨﮯ، ﻭﮦ ﺍﭘﻨﮯ ﻣﺨﺪﻭﻡ ﻭ ﻣﻄﺎﻉ ﮐﮯ ﻋﻤﻞِ ﻣﺒﺎﺭﮎ ﮐﯽ ﻣﺨﺎﻟﻔﺖ ﮐﯿﺴﮯ ﮐﺮ ﺳﮑﺘﮯ ﮨﯿﮟ؟ ﻋﻤﻞِ ﭘﯿﻐﻤﺒﺮ ﮐﮯ ﻋﻼﻭﮦ " ﺍﺟﻤﺎﻉِ ﺻﺤﺎﺑﮧ " ﮨﻤﺎﺭﮮ ﻣﻮﻗﻒ ﮐﯽ ﻧﺎﻗﺎﺑﻞِ ﺗﺮﺩﯾﺪ ﺩﻟﯿﻠﯿﮟ ﮨﯿﮟ -
★ﮐﯿﺎ ﺍﺟﻤﺎﻉِ ﺻﺤﺎﺑﮧ ﺣﺠﺖ ﻧﮩﯿﮟ؟★
ﮐﮩﻨﮯ ﻟﮕﺎ : ﮨﻤﺎﺭﮮ ﻧﺰﺩﯾﮏ ﺍﻟﻠﮧ ﺍﻭﺭ ﺭﺳﻮﻝ ﮐﮯ ﻋﻼﻭﮦ ﮐﺴﯽ ﮐﺎ ﻋﻤﻞ ﺣﺠﺖ ﻧﮩﯿﮟ - ﺭﺳﻮﻝ ﻋﻠﯿﮧ ﺍﻟﺴﻼﻡ ﮐﮯ ﻋﻤﻞ ﮐﮯ ﮨﻮﺗﮯ ﮨﻮﮮ ﮨﻢ " ﺍﺟﻤﺎﻉِ ﺻﺤﺎﺑﮧ " ﮐﻮ ﺭﺍﺋﯽ ﺑﺮﺍﺑﺮ ﺍﮨﻤﯿﺖ ﻧﮩﯿﮟ ﺩﯾﺘﮯ - ﻣﯿﮟ ﻧﮯ ﮐﮩﺎ : ﺑﯿﭩﮯ ! ﺗﻢ ﺍﺳﻼﻡ ﮨﯽ ﮐﻮ ﺍﮨﻤﯿﺖ ﻧﮧ ﺩﻭ، ﺍﺱ ﺳﮯ ﺍﺳﻼﻡ ﮐﺎ ﮐﯿﺎ ﺑﮕﮍﺗﺎ ﮨﮯ؟ ﺳﻮﭺ ﺳﻤﺠﮫ ﮐﺮ ﺍﻭﺭ ﻧﺎﭖ ﺗﻮﻝ ﮐﺮ ﺑﻮﻻ ﮐﺮﻭ ! ﮐﯿﺎ ﺻﺤﺎﺑﮧ " ﺭﺳﻮﻝﷺ " ﮐﮯ ﺧﻼﻑ ﺟﺎ ﺳﮑﺘﮯ ﺗﮭﮯ، ﮐﯿﺎ ﺍﻥ ﺳﮯ ﺍﯾﺴﯽ ﺣﺮﮐﺖ ﻣﻤﮑﻦ ﮨﮯ؟ ﮐﮩﻨﮯ ﻟﮕﺎ : ﺳﺐ ﻣﻤﮑﻦ ﮨﮯ - ﻣﯿﮟ ﻧﮯ ﮐﮩﺎ : ﺍﮔﺮ ﺍﻥ ﮐﺎ ﺍﺟﻤﺎﻉ ﻣﻌﺘﺒﺮ ﻧﮩﯿﮟ ﻣﺎﻧﻮﮔﮯ ﺗﻮ ﺗﻤﮩﺎﺭﮮ ﺩﯾﻦ ﮐﺎ ﺭﺍﺳﺘﮧ ﺍﻭﺭ ﮐﻮﻥ ﺳﺎ ﺭﮦ ﺟﺎﮮ ﮔﺎ، ﺟﺲ ﺳﮯ ﺗﻢ ﻗﺮﺁﻥ ﺍﻭﺭ ﺍﺣﺎﺩﯾﺚ ﮐﯽ ﺣﺠﯿﺖ ﮐﮯ ﻗﺎﺋﻞ ﮨﻮ ﺳﮑﻮ؟ ﮐﮩﻨﮯ ﻟﮕﺎ : ﺍﻥ ﮐﺎ ﻋﻤﻞ ﭼﮭﻮﮌﯾﮯ ! ﺍﻥ ﮐﯽ ﻣﺮﻭﯾﺎﺕ ﺩﯾﮑﮭﯿﮯ ! ﺍﻥ ﮐﯽ ﻣﺮﻭﯾﺎﺕ ﻣﯿﮟ ﭘﯿﻐﻤﺒﺮﷺ ﮐﺎ ﻋﻤﻞ ﺗﺮﺍﻭﯾﺢ ﮐﯽ ﺁﭨﮫ ﺭﮐﻌﺎﺕ ﮨﯽ ﭨﮭﮩﺮﺗﯽ ﮨﯿﮟ -
🔷ﮐﯿﺎ ﺻﺤﺎﺑﮧ ﻣﺨﺎﻟﻔﯿﻦِ ﺭﺳﻮﻝ ﮨﯿﮟ؟🔷
ﻣﯿﮟ ﻧﮯ ﮐﮩﺎ : ﺑﯿﭩﮯ ! ﺍﮔﺮ ﺗﻤﮩﺎﺭﯼ ﺑﺎﺕ ﺑﺎﻟﻔﺮﺽ ﻣﺎﻥ ﻟﯽ ﺟﺎﮮ ﮐﮧ ﺻﺤﺎﺑﮧ ﮐﺎ ﺍﺟﻤﺎﻋﯽ ﻋﻤﻞ ﺭﺳﻮﻝﷺ ﮐﮯ ﺧﻼﻑ ﺗﮭﺎ، ﺗﻮ ﺑﺘﺎﺅ ﮐﮧ ﺻﺤﺎﺑﮧ ﻣﺨﺎﻟﻔﯿﻦِ ﺭﺳﻮﻝ ﺗﮭﮯ؟ ﮐﮩﻨﮯ ﻟﮕﺎ : ﺟﯽ ﺍﺱ ﻣﺴﺌﻠﮯ ﻣﯿﮟ ﺍﻧﮩﻮﮞ ﻧﮯ ﭘﯿﻐﻤﺒﺮﷺ ﮐﯽ ﻣﺨﺎﻟﻔﺖ ﮐﯽ ﮨﮯ، ﻣﯿﮟ ﻧﮯ ﮐﮩﺎ : ﻣﺨﺎﻟﻒِ ﺭﺳﻮﻝ ﭘﺮ ﮐﯿﺎ ﺣﮑﻢ ﻟﮕﺘﺎ ﮨﮯ؟ ﺍﯾﺴﺎ ﺷﺨﺺ ﻣﺴﻠﻤﺎﻥ ﮨﮯ ﯾﺎ ﮐﺎﻓﺮ؟ ﻧﯿﺰ ﺭﺳﻮﻝ ﺳﮯ ﻣﺨﺎﻟﻔﺖ ﮐﯽ ﺑﻨﺎ ﭘﺮ ﯾﮧ ﺻﺤﺎﺑﮧ ﺍﺳﻼﻡ ﻣﯿﮟ ﺑﺎﻗﯽ ﺭﮨﮯ ﯾﺎ ﺧﺎﺭﺝ ﮨﻮ ﮔﺌﮯ؟ ﺗﻮ ﻭﮦ ﺍﯾﮏ ﺩﻡ ﺳﻨﺎﭨﮯ ﻣﯿﮟ ﺁ ﮔﯿﺎ، ﺑﺲ ﮐﮩﻨﮯ ﻟﮕﺎ ﮐﮧ ﺍﺱ ﻣﻌﺎﻣﻠﮯ ﻣﯿﮟ ﺻﺤﺎﺑﮧ ﻧﮯ ﺣﻀﻮﺭﷺ ﮐﮯ ﺧﻼﻑ ﺍﯾﮏ ﻧﯿﺎ ﻃﺮﯾﻘﮧ ﺍﯾﺠﺎﺩ ﮐﯿﺎ ﮨﮯ، ﻟﮩﺬﺍ ﻭﮦ ﻣﺨﺎﻟﻔﯿﻦِ ﺭﺳﻮﻝ ﮨﯿﮟ - ﻣﯿﮟ ﻧﮯ ﺍﻧﺎ ﻟﻠﮧ ﭘﮍﮬﺎ ﺍﻭﺭ ﭘﮭﺮ ﺑﺎﺕ ﮐﺮﻧﺎ ﻣﻨﺎﺳﺐ ﻧﮩﯿﮟ ﺳﻤﺠﮭﺎ، ﮐﯿﻮﮞ ﮐﮧ ﺍﺱ ﺳﮯ ﻣﺰﯾﺪ ﺑﺤﺚ ﮐﺎ ﻧﺘﯿﺠﮧ ﯾﮩﯽ ﺗﮭﺎ ﮐﮧ ﻭﮦ ﺩﺍﺋﺮۂ ﺍﺳﻼﻡ ﺳﮯ ﺧﺎﺭﺝ ﮨﻮﺟﺎﮮ - ﺳﻮﭼﯿﮯ ! ﻏﯿﺮ ﻣﻘﻠﺪﯾﺖ ﺍﯾﮏ ﻣﺴﻠﻤﺎﻥ ﮐﻮ ﮐﺲ ﻃﺮﺡ ﮔﮉﮬﮯ ﻣﯿﮟ ﮔﺮﺍ ﺩﯾﺘﯽ ﮨﮯ!
