رپورٹ: جاوید حسن انصاری
ــــــــــــــــــــــــــــــــــــــــــــ
مبارکپور/اعظم گڑھ(آئی این اے نیوز 31/مئی 2017) مدرسہ اشرفیہ اسلامیہ سكٹھی کے پرنسپل مولانا ڈاکٹر محمد طفیل مصباحی صاحب نے کہا کہ روزہ اسلام میں ایک خاص عبادت کا نام ہے جو ہر اس فرد پر فرض ہے جس پر نماز فرض ہے، یہ موقع سال میں صرف ایک بار 30 دنوں کے لئے انسانوں کیلئے آتا ہے، لیکن اس کے فوائد اور بركتیں پوری زندگی کے لئے ہوتی ہے، اور انسان کو انسان بنانے میں اپنا رول ادا کرتا ہے.
اللہ چاہتا ہے کہ اس عبادت کے ذریعے ماشرے سے امیری اور غریبی کا فرق مٹا دیا جائے، غریب کے پاس کھانے کو روٹی نہیں ہوتی ہے اور وہ بھوک سے پریشان رہتا ہے لیکن امیر ایک سے بڑھ کر ایک نعمتوں کا لطف اٹھاتا ہے، امیروں کو چاہیئے کہ وہ غریبوں، محتاجوں اور اپنے پڑوسیوں کا خیال کریں.
