رپورٹ: ابوسعید اعظمی
ـــــــــــــــــــــــــــــــــــــ
اعظم گڑھ(آئی این اے نیوز 27/مئی 2017) اعظم گڈھ واطراف میں گزشتہ رات تیز آندھی اور طوفانی بارش نے پورے علاقے میں تباہی مچا کر رکھ دی جس سے لوگوں کا کافی نقصان ہوا.
موصولہ خبر کے مطابق اعظم گڑھ، مئو اور جونپور میں گزشتہ شب تقریبا دو بجے کے بعد ہوئی طوفانی آندھی اور تیز بارش کی وجہ سے سیکڑوں پیڑ زمیں بوس ہوگئے، چھپر والے مکان ٹوٹ گئے یہی نہیں بلکہ لوگوں کے گھروں پر لگی ہوئی پانی کی ٹنکیاں بھی ٹوٹنے کی خبر ہے، مختلف جگہوں پر پیڑ کے زمیں پر گرنے کی وجہ سے راستے بند ہوگئے ہیں، پورے علاقے میں بجلی ٹھپ ہے۔
اس طوفانی آندھی اور بارش سے موسمی پھل آم پر کافی اثر پڑا ہے، بڑی مقدار میں آم کے پھل گر گئے ہیں۔
