رپورٹ: ثاقب اعظمی
ــــــــــــــــــــــــــــــــ
اعظم گڑھ(آئی این اے نیوز 25/مئی 2017) جس کا ڈر تھا وہی ہوا، پچھلے کئی دنوں سے سیکورٹی کے نظام کو چاک چوبند بنانے میں مصروف انتظامیہ مکمل طور پر فیل ہو گیا، نہرو ھال سے نکل کر ضلع خواتین ہسپتال جاتے وقت تنخواہ نہ ملنے سے پریشان عورت نے ساری سیکورٹی کے نظام كی خلاف ورزی کر وزیراعلیٰ کے قافلے کے آگے آگئی جس کی وجہ سے افرا تفری مچ گئی، ایس پی جی اور ڈی آئی جی نے کسی طرح عورت کو گاڑی کے آگے سے ہٹایا، وزیر اعلیٰ نے رک کر عورت سے بات کرنے کی کوشش کی لیکن سیکورٹی نے انہیں رکنے نہیں دیا.
واضح ہو کہ وزیر اعلی یوگی آدتیہ ناتھ نہروهال میں عہدیداروں کے ساتھ ملاقات کے بعد خواتین ہسپتال کے معائنے کے لئے روانہ ہوئے، ابھی وہ بڑا دیو مندر کے پاس پہنچے تھے کہ ایک عورت یہ کہتے ہوئے کہ چھ ماہ سے تنخواہ نہیں ملی ہے جان دے دوں گی وزیراعلی کے قافلے کی گاڑی کے آگے کود گئی، پھر کیا تھا ڈی آئی جی سے لے کر ایس پی جی تک سانپ سونگھ گیا.
ڈی آئی جی ادیراج جیسوال اور ایس پی جی کے جوان گاڑیوں سے کود باہر نکلے اور عورت کو ہٹانے کی کوشش کی تو وہ ان سے بھڑ گئی، ایس پی جی کے جوان نے خواتین کو کسی طرح سڑک سے ہٹا دیا لیکن وہ پھر سڑک پر آ گئی، قریب 10 منٹ کی اتھل پتھل کے بعد کسی طرح عورت کو دور کیا گیا.
سب سے اہم بات ہے کہ وزیر اعلیٰ کے ضلع میں ہونے کے بعد راستے میں کہیں بھی عورت پولیس اہلکار تعینات نہیں کی گئی تھی، جس کی وجہ سے عورت کو ہٹانے میں پولیس کو اور بھی مشکل کا سامنا کرنا پڑا، خاتون نے پولیس پر قابل اعتراض انداز میں برتاؤ کرنے کا الزام لگایا.
ویسے موقعے کی نزاکت کو دیکھتے ہوئے وزیر اعلی نے وہاں رک کر عورت کو بلانے کی کوشش کی لیکن سیکورٹی کی طرف سے انہیں رکنے نہیں دیا گیا، یہ معاملہ مکمل طور موضوع بحث بنا رہا.
