رپورٹ: شہاب الدین
ـــــــــــــــــــــــــــــــ
گونڈا(آئی این اے نیوز 29/مئی 2017) یوپی کے گونڈا ضلع کے صاحب گنج علاقے میں اتوار کی رات تراویح پڑھ کر آ رہے تین مسلمانوں پر بدمعاشوں نے دھاردار ہتھیار سے حملہ کر دیا، اس حملے میں ایک شخص کی موت ہو گئی ہے، وہیں دوسرے کو سنگین حالت میں ہسپتال میں داخل کرایا گیا ہے.
موصولہ خبر کے مطابق، پپو مستری، ارمان اور ایک شخص مسجد سے تراویح پڑھ کر واپس آ رہے تھے، اسی دوران صاحب گنج گھوسيانا علاقے میں نامعلوم افراد نے ان پر حملہ بول دیا. اس حملے میں تینوں کی گردن پر شدید چوٹیں آئی ہیں، حالانکہ کی زخمیوں کو آنا فانا میں ہسپتال لایا گیا لیکن پپو مستری کو نہیں بچایا جا سکا جبکہ دیگر دونوں کی حالت بے حد نازک بتائی جا رہی ہے.
واردات کے بعد ہسپتال اور گھوسيانا میں بھاری بھیڑ سڑک پر اتر آئی ہے، نامعلوم حملہ آوروں کی طرف سے واردات کو انجام دیئے جانے سے زبردست کشیدگی پھیل گئی ہے.
ایس پی امیش کمار سنگھ اور سی او ضلع اسپتال پہنچے، وزیر اعلی کے دورے کے چند گھنٹوں بعد ہوئی واردات سے شہر میں سنسنی پھیل گئی ہے.
