رپورٹ: محمد ابوذر صدیقی
ـــــــــــــــــــــــــــــــــــــــ
مظفرپور/بہار(آئی این اے نیوز 25/جون 2017) لکمانیہ تلک کرلا (ممبئی) سے دربھنگہ کو جانے والی پون ایکسپریس مظاہرین کی پتھر بازی کا شکار ہو گئی، واقعہ بارہ بجے شب کا ہے، گاڑی ایک گھنٹے تاخیر سے مظفر پور پہنچی، ٹرین جوں ہی اسٹیشن پر کھڑی ہوئی، مظاہرین نے پتھر بازی شروع کردی اور اسٹیشن کے شیشے توڑ دیئے، ہنگامہ آرائی کی بنا پر ٹرین تاخیر در تاخیر کی شکار ہے اور تادمِ تحریر اب بھی رکی ہوئی تھی، اس گاڑی پر علماء بہار کی ایک بڑی تعداد موجود ہے، جس میں قاری عبدالعلیم صاحب استاذ سراج السنہ دہیسر، مولانا وصی اللہ صاحب ڈرہار اور قاری ثناء اللہ صاحب وغیرہ ہیں.
