رپورٹ: محمد دلشاد قاسمی
ـــــــــــــــــــــــــــــــــــــــــــ
بڑوت/باغپت(آئی این اے نیوز 31/اگست 2017) شہر امام حضرت مولانا عارف الحق نے کہا ہے کہ قربانی ہمیشہ پردے کے پیچھے ہی کی جائے، مولانا عارف الحق بدھ کے روز قصبہ کی مرکزی مسجد پہونس والی میں جمیعتہ العلماء ھند کی میٹنگ میں شریک ہوئے، تو اس میں انہوں نے کہا کہ جب قربانی کریں تو اس کا خیال رکھا جائے کہ جو تمہارا پڑوسی ہے اس کو کسی بھی طرح کی تکلیف نہ پہونچے، پردے کے ساتھ قربانی کریں اور گوشت تقسیم کرنے میں بھی پردے کا اہتمام کریں، صاف صفائی کا دھیان رکھیں، افواہوں پر بالکل بھی دھیان نہ دیں، قربانی کھلی جگہ میں بالکل نہ کریں اور ساتھ ساتھ صاف صفائی کا بے حد خیال رکھیں.
میٹنگ میں یہ فیصلہ لیا گیا کہ قربانی جیسے مقدس تیوہار کے مدنظر سرکاری افسران سے بھی ملاقات کیا جائے تاکہ 24گھنٹے بجلی پانی صفائی کے انتظام کرایا جا سکے، گاؤں میں شرارتیوں پر کڑی نظر رکھی جا سکے، تاکہ یہ مقدس تیوہار امن و سکون کے ساتھ سب منا سکیں.
اس موقع پر محمد اکرم، محمد عارف ملک، قاری محمد عمران، قاری ساجد، قاری طارق، ڈاکٹر عبدالغیور، ڈاکٹر عبدالمؤمن موجود رہے.
