رپورٹ: محمد عاصم اعظمی
ــــــــــــــــــــــــــــــــــــــــــ
سرائے میر/اعظم گڑھ(آئی این اے نیوز 30/اگست 2017) مدرسہ اسلامیہ بیت العلوم سرائے میر کے ناظم اعلی و سرپرست مفتی محمد عبد اللہ پھولپوری کی زیر نگرانی بہار سیلاب متاثرین کی امداد کے لئے منگل کی رات تقریباً 3 بجے بہار کے لئے کپڑا، پیسہ اور غلہ سے بھرا ایک ٹرک روانہ کیا گیا ۔
مدرسہ کے اساتذہ اور طلبہ کے علاوہ قرب جوار کے لوگوں نے بھی پورے حوصلہ اور جذبہ کے ساتھ کپڑا، غلہ اور نقد روپئے لا کر جمع کئے۔
اطلاع کے مطابق منگل کی صبح تقریبا 3 بجے کپڑا، پیسہ، چنا، دال، چاول، آٹا اور شکر کے علاوہ دوسری وہ چیزیں بھی روانہ کیں جس کی پریشان حال لوگوں کے لئے فوری ضرورت تھی۔
