رپورٹ: اشرف اصلاحی
ـــــــــــــــــــــــــــــــــــــ
سرائے میر/اعظم گڑھ(آئی این اے نیوز 27/ستمبر 2017) اعظم گڑھ کی سرزمین ویسے تو ہمیشہ سے خوب سرسبز وشاداب رہی ہے، اس سر زمین پر علماء کرام، دانشوران، ادباء، شعراء کرام اور بہت سی عظیم شخصیتیں پیدا ہوئیں، اسی کڑی میں عادل شیخ نامی ایک معصوم و ہونہار نوجوان کھیل کے میدان میں اپنا جلوہ بکھیرنے کو تیار ہے اور جلد ہی بڑے میچوں میں آپ کو کھیلتے ہوئے نظر آئے گا۔
آپ کو بتا دیں کہ عادل شیخ کا آبائی گاؤں سرائے میر تھانہ کے اسرولی گاؤں میں ہے، جہاں انکے والد کھیتی باڑی کرتے ہیں، ابھی وہ لکھنؤ سے انڈر 16میں کھیل رہے ہیں، عظیم اردو شاعر اقبال سہیل نے اس ضلع کے لوگوں کے بارے میں سچ ہی کہا تھا کہ:
ــــــــــعـــــــــ
اس خطئہ اعظم گڑھ پہ مگر فیضان تجلی ہے یکسر
جو ذرہ یہاں سے اٹھتا ہے وہ نیر اعظم ہوتا ہے
عادل شیخ کے اہل خانہ نے روشن مستقبل کے لئے آپ سبھی سے دعا کی درخواست کی ہے ۔
