رپورٹ: مرزا عبدالرحیم
ـــــــــــــــــــــــــــــــــــــــــ
لکھنؤ(آئی این اے نیوز 29/اکتوبر 2017) یو پی کابینہ وزیر اوم پرکاش راجبھر کے قافلے کی گاڑی سے کچلنے کے بعد 8 سالہ معصوم کی موت ہوگئی، حادثہ گونڈا کے بابا گنج گوسائی پوروا کے قریب ہوا، خراب ماحول کو دیکھتے ہوئے وزیر اس جگہ سے بھاگ نکلے، اس کے باوجود دیہی عوام نے لاش کو رکھ کر کرنی گنج پرس پور روڈ کو جام کر دیا.
کوتوال سدانند سنگھ نے کہا کہ وزیر کے قافلے کی گاڑی سے کچل کر بچے کی موت کی تحریر مل گئی، تحقیقات کے بعد رپورٹ درج کی جائے گی.
بتایا جاتا ہے کہ وزیر اوم پرکاش راج بھر کا قافلہ کرنل گنج پرسپور سڑک سے گزر رہا تھا، آواز سننے کے بعد وشنوان کے بیٹا شیوا ہوٹر رہائشی بابا گنج قریب گوسائی پوروا قافلے کی گاڑی کی طرف بھاگا، پھر اس کی زد میں آگیا، اس کی موقع پر ہی موت ہوگئی، حادثے کے بعد وزیر قافلے کے ساتھ بھاگ نکلے، گاؤں کے لوگوں نے معصوم بچے کی لاش کو روڈ پر رکھ کر روڈ جام کیا.
پولیس نے جام ختم کرنے کی کوشش کی، لیکن گاؤں کے لوگوں نے سڑک پر گھاس پھوس رکھ کر آگ لگا دی اور منتری کے مخالفت میں نعرے لگانے لگے، پولیس نے ایک گھنٹہ کے بعد کارروائی کی یقین دہانی دی، اور جام پھر ختم ہوا.
وہیں اس معاملے پر منتری اوم پرکاش راج بھر کہتے ہیں کہ میرے قافلے کے کسی گاڑی کے ساتھ کوئی حادثہ نہیں ہوا ہے، کرنل گنج میں پروگرام ختم کرنے کے بعد میں بلیاں میں آیا ہوں، پھر مجھے پتہ چلا کہ کوئی حادثہ ہوا ہے، جب یہ حادثہ ہوا تو ہمارا قافلہ بہت آگے جا چکا تھا، میں نے پورے واقعے کی اطلاع وزیراعلی کو بھیجوا دی ہے، گونڈا کے ایس پی سے بھی کہہ دیا ہے کہ جانچ کراؤ کہ کس گاڑی سے حادثہ ہوا ہے.
