رپورٹ: عبداللہ انصاری الٰہ آبادی
ـــــــــــــــــــــــــــــــــــــــ
مئو آئمہ/الٰہ آباد(آئی این اے نیوز 31/اکتوبر 2017) الٰہ آباد کا مسلم اکثریتی قصبہ مئو آئمہ جہاں کثیر تعداد میں مسلم آبادی ہے، الیکشن کے اعلان کے بعد الیکشن کی تیاریاں کافی شباب پر ہیں، آئندہ 26نومبر کو اس قصبہ میں الیکشن ہونا قرار پایا ہے، اب محض چند دن رہ گئے ہیں، امیدوار عوام کو اپنی طرف راغب کرنے کے لئے طاقت صرف کررہے ہیں، چیئرمین سیٹ اس بار یہاں پسماندہ خواتین طبقہ کے لئے مخصوص کردی گئی ہے، مئو آئمہ کے فی الحال چیئرمین حاجی محمد شعیب انصاری ہیں، دس سال تک مئو آئمہ کے چیئرمین رہے، اور یوپی میں سب زیادہ ووٹ سے جیت حاصل کرنے کاریکارڈ بھی انہوں نے بنایا ہے، اس بار ان کی بیوی الیکشن لڑرہی ہیں، جب کہ دوسری طرف عظمٰی انصاری بھی میدان میں ہے، لیکن مئو آئمہ کی ترقیات کاموں سے اور سوشل میڈیا پر لوگوں کی آراء سے یہی محسوس ہورہا ہے کہ حاجی شعیب انصاری کافی مضبوط پوزیشن میں فی الحال نظر آرہے ییں، مئوآئمہ میں ان کے ذریعہ کئے گئے ترقیات کاموں سے قوم کا ہر طبقہ خوش ہے.
غورطلب ہو کہ مئوآئمہ کے موجودہ چیئرمین شعیب انصاری صاحب نے مئوآئمہ کی تصویر ہی بدل ڈالی، ہر گلی میں انٹر لاکنگ، اور نالی کی صاف صفائی اور دوسرے اہم کام انجام دیئے، سپا ایم ایل اے کی معرفت جدو جہد کرکے مئو آئمہ قصبہ کے لئے ایک سرکاری اسپتال بھی پاس کرایا تھا، اسے سپاحکومت ہی میں منظوری ملی تھی، کام بھی شروع ہے، ان ترقیات کاموں کی سے یہی اندازہ لگایا جارہا ہے اور لوگوں کی آراء سے یہی محسوس ہورہا ہے سپا کے امیدوار حاجی محمد شعیب انصاری کی جیت زیادہ امیدیں ہیں، لیکن چیئرمین کون بنے گا یہ تو وقت بتائے گا کیونکہ سیاست میں کچھ بھی نہیں کہا جاسکتا ہے.
