رپورٹ: ابوذر صدیقی
ــــــــــــــــــــــــــــــــ
جھارکھند(آئی این اے نیوز 30/دسمبر 2017) آل جھارکھند مدرسہ ٹیچرس ایسوسی ایشن کے سرپرست شرف الدین رشیدی صدر فضل الہدی جنرل سکریٹری حامد غازی اور سکریٹری نشر و اشاعت مولانا محمد حماد قاسمی نے ایک مشترکہ پریس نشریہ جاری کرکے کہا ہیکہ دس مہینوں سے تنخواہ نہ ملنے کے سبب فاقہ کشی کے شکار مدرسہ تاج الاسلام روپنی بسنترائے ضلع گڈا کے استاذ مولانا علیم الدین صاحب کا معقول علاج نہ ہونے کی وجہ سے انتقال ہوگیا، مولانا علیم الدین صاحب کے انتقال کی اس خبر سے ریاست بھر کے ١٨٦ امداد یافتہ مدارس ملحقہ کے اساتذہ و ملازمین میں شدید غم و غصہ کی لہر پائی جارہی ہے ملازمین مدرسہ کا عام طور پر خیال یہ ہیکہ مولانا کا انتقال ریاستی سرکار کے ظلم تعصب بے اعتنائی اور بےحسی کا نتیجہ ہے. مذکورہ ذمہ داران تنظیم نے اپنے بیان میں کہا کہ دس مہینوں سے اپنی تنخواہوں سے محروم فاقہ کشی کے شکار مدرسہ کے اساتذہ اب موت کے شکار ہو رہے ہیں لیکن سرکار کی بے حسی کا عالم یہ ہیکہ وہ اب بھی کان میں تیل ڈال کر سوئی ہوئی ہے، ہر قسم کے اسباب عیش و عشرت سے مالا مال آرام دہ کوٹھیوں میں رہنے والے وزراء اقتدار کا مزہ لوٹنے میں ایسے مگن ہیں کہ انہیں عوام کی بھوک پیاس یہاں تک کہ موت کی بھی کوئی پرواہ نہیں ہے.
ذمہ داران تنظیم نے ریاستی سرکار کو مولانا علیم الدین صاحب کی موت کا ذمہ دار قرار دینے ہوئے کہا ہے کہ یوں تو اس موت کی ذمہ داری ریاستی سرکار پر عائد ہوتی ہے لیکن اس موت کیلئے زیادہ ذمہ دار وزیر تعلیم ڈاکٹر نیرا یادو ہیں جنہوں نے اپنی ناتجربہ کاری یا تعصب کی بنیاد پر بارہا جانچ کے مراحل سے گذر چکے اسّی نویے سالوں سے تعلیم کی انجام دہی میں مصروف مدرسوں کی جانچ کا حکم وہاں کام کررہے ملازمین کی تنخواہیں روک دیا اور دس مہینہ گذر جانے کے باوجود جانچ کا عمل مکمل نہیں کروا پائیں، ریاست بھر کے 186 مدارس کے صدورالمدرسین سے درخواست ہیکہ وہ اپنے اپنے مدرسوں میں بڑے پیمانے پر مولانا علیم الدین صاحب مرحوم کیلئے تعزیتی نششت و قرآن خوانی کا اہتمام کریں اور دعائے مغفرت کے ساتھ ساتھ عوام کو مولانا کے انتقال کی وجہ سے بھی باخبر کریں.
ــــــــــــــــــــــــــــــــ
ذمہ داران تنظیم نے ریاستی سرکار کو مولانا علیم الدین صاحب کی موت کا ذمہ دار قرار دینے ہوئے کہا ہے کہ یوں تو اس موت کی ذمہ داری ریاستی سرکار پر عائد ہوتی ہے لیکن اس موت کیلئے زیادہ ذمہ دار وزیر تعلیم ڈاکٹر نیرا یادو ہیں جنہوں نے اپنی ناتجربہ کاری یا تعصب کی بنیاد پر بارہا جانچ کے مراحل سے گذر چکے اسّی نویے سالوں سے تعلیم کی انجام دہی میں مصروف مدرسوں کی جانچ کا حکم وہاں کام کررہے ملازمین کی تنخواہیں روک دیا اور دس مہینہ گذر جانے کے باوجود جانچ کا عمل مکمل نہیں کروا پائیں، ریاست بھر کے 186 مدارس کے صدورالمدرسین سے درخواست ہیکہ وہ اپنے اپنے مدرسوں میں بڑے پیمانے پر مولانا علیم الدین صاحب مرحوم کیلئے تعزیتی نششت و قرآن خوانی کا اہتمام کریں اور دعائے مغفرت کے ساتھ ساتھ عوام کو مولانا کے انتقال کی وجہ سے بھی باخبر کریں.
