سرائے میر/اعظم گڑھ(آئی این اے نیوز 26/مئی 2018) سرائے میر تھانہ علاقہ کے چکیا ابراہیم پور کے قریب جمعرات کی رات ایک بائک اور سائیکل کی ٹکر ہوگئی، اس حادثے میں، 60 سالہ طفیل احمد رہائشی کمال پور تھانہ
سرائے میر اور موٹر سائیکل سوار 24 سالہ طلحہ بیٹے نثار رہائشی کورولی خرد شدید زخمی ہوگئے، دونوں کو علاج کے لئے ضلع ہسپتال بھیجا گیا، جہاں سائیکل سوار طفیل احمد کی حالت سنگین دیکھ ڈاکٹروں نے ریفر کر دیا، اس پر اہل خانہ نے نجی ہسپتال میں داخل کرایا، جہاں علاج کے دوران ان کی موت ہوگئی، اہل خانہ نے واقعہ کی اطلاع پولیس کو نہیں دی، میت کے چار بیٹے اور تین بیٹیاں تھی، اہل خانہ کا رو رو کر برا حال ہے.
