جین پور/اعظم گڑھ(آئی این اے نیوز 26/دسمبر 2018) تیز رفتار موٹر سائیکل نے کوتوالی جین پور علاقے کے کوٹھروا گاؤں کے قریب دیر شام پیدل اپنے گھر جارہے بزرگ شخص کو ٹکر مار دیا، اس حادثے میں بزرگ زخمی ہوگئے، انہیں علاج کے لئے ضلع ہسپتال میں داخل کیا گیا جہاں علاج کے دوران موت ہوگئی.
اطلاع کے مطابق جین پور تھانہ علاقہ کے کوٹھروا گاؤں کے رہائشی 70 سالہ بلرام یادو ایک کسان ہیں، گزشتہ شام کو بازار سے وہ گھر لوٹ رہے تھے کہ تیز رفتار بائک سوار نے انہیں زوردار ٹکر مارا، اس حادثے میں بلرام یادو زخمی ہوگئے، حادثہ کے بعد موٹر سائیکل سوار جگہ سے فرار ہوگیا، آس پاس کے لوگوں کی مدد سے اہل خانہ کو اطلاع ملی، گھر والے فوراً موقع پر پہنچے اور زخمی بزرگ کو علاج کے لئے ضلع ہسپتال میں داخل کیا، جہاں علاج کے دوران ہی موت ہوگئی، میت بلرام یادو کے دو بیٹے اور ایک بیٹی ہے، گھر والوں کا رو روکر برا حال ہے.
