چوروں کے گروہ سے دو گرفتار، چار فرار!

اعظم گڑھ(آئی این اے نیوز 29/دسمبر 2018) پوروانچل کے کئی اضلاع میں بولیرو سے گھوم کر لوٹ، ڈکیتی، چوری اور قتل جیسے مجرمانہ واقعات کو انجام دینے والے گروہ کے دو افراد کو گزشتہ رات دیہاتیوں کے تعاون سے سرائے مير تھانے کی پولیس نے گرفتار کر لیا، جبکہ چار دوسرے ساتھی فرار ہوگئے، پولیس نے گرفتار دونوں شخص کا چالان کردیا، ایس پی سٹی کملیش بہادر کے مطابق گرفتار بدمعاشوں میں برده تھانہ علاقہ کے اسری خرم پور گاؤں رہائشی عالم بیٹے ارشاد اور جونپور ضلع کے سرپتہاں تھانے کے سلیم پور سرائےمحی الدین پور گاؤں رہائشی آصف بیٹے اسلم ہیں، جبکہ فرار ہونے والوں میں برده تھانے کے بكسپور گاؤں رہائشی گلو عرف فیضان، کریا عرف عامر، اسی تھانے کے اسری خرم پور گاؤں رہائشی گڈو اور سرائے مير تھانے کے نرئی پور گاؤں رہائشی شبھم عرف پنڈت کا نام شامل ہے.

ایس پی سٹی نے بتایا کہ مخبر کی اطلاع پر ایس او سرائے مير منوج سنگھ، داروغہ راجیو کمار کے ساتھ ڈیمری موڑ پر کھڑے ہو کر مشتبہ افراد کا انتظار کر رہے تھے، یہ لوگ دو بجے دوبولیرو میں آ رہے تھے تو پولیس نے ان کو رکنے کا اشارہ کیا، اس پر انہوں نے پولیس پر فائرنگ کی اور سکرور گاؤں کی طرف بھاگنے لگے، پولیس ان کے پیچھے لگی اور ساتھ ساتھ بکھراں گاؤں کے لوگوں کو فون کے ذریعے گھیرابندی کرنے سے آگاہ کیا، دیہی علاقوں اور پولیس کو پیچھے دیکھنے کے بعد انہوں نے بولرو کو چھوڑ کر بھاگنا شروع کر دیا، پولیس نے دو شخص کو گاؤں والوں کے تعاون سے گرفتار کیا، جبکہ وہ چار فرار ہونے میں کامیاب رہے، گرفتار بدمعاشوں کے پاس سے ایک طمنچہ، کارتوس، چوری کی دو بولیرو، لوہے کی راڈ، 30 موبائل، ایک جیو نیٹ سیٹر، 27 برانڈیڈ جینس، تین جوڑے جوتا، ایک اسٹیپنی، ایک لیپ ٹاپ اور ایک بوپھر برآمد ہوا.
پوچھ گچھ کے دوران بدمعاشوں نے بتایا کہ یہ لوگ بولیرو سے گھوم کر اعظم گڑھ، امبیڈکر نگر، جونپور، وارانسی وغیرہ اضلاع میں رات کو واقعات کو انجام دیتے تھے، اب تک بہت سے ایسے واقعات جیسے چوری، لوٹ اور قتل ان اضلاع میں انجام دیا جا چکا ہے، ایس پی سٹی نے کہا کہ گزشتہ کئی دنوں سے ضلع میں گروہ سے دہشت پھیل رہی تھی.