سابق گورنر عزیز قریشی نے ہاردک پٹیل اور عمیق جامعی کو ٹکٹ دینے کی دیا اکھلیش یادو کو مشورہ!

اجود قاسمی
ــــــــــــــــــــ
لکھنؤ(آئی این اے نیوز 24/فروری 2019) سابق گورنر اترپردیش و اتراکھنڈ عزیز قریشی نے کہا کہ وہ اکھلیش میں ایک بہت ہونہار لیڈر دیکھتے ہیں وہ ان کے طریقہ کار سے بھی مطمئن ہیں وہ سماج وادی پارٹی کو کافی آگے لے جائیں گے، بی ایس پی سے اتحاد کا پورا کریڈٹ انہوں نے اکھیلیش کو دیتے ہوئے کہا کہ بس اک چوک ہوگی کہ کانگریس کو کنارے کردیا گیا، اتحاد میں شامل کرنا چاہیے تھا۔

عزیز قریشی نے بتایا کہ انہوں نے اکھلیش سے حالیہ ملاقات میں یہ مشورہ دیا ہے کہ ہاردک پٹیل اور عمیق جامعی جیسے تیز طرار اور ہونہار نوجوانوں کو ٹکٹ دیں ان میں الیکشن جیتنے اور عوام کو بہتر نمائندگی کی پوری صلاحیت ہے، جب ان سے پوچھا کہ اکھلیش نے اس کا کیا جواب دیا تھا تو انہوں نے کہا کہ جواب مثبت میں تھا اور مجھے امید ہے کہ وہ میرے مشورے کا خیال رکھیں گے انہوں نے اس بات سے انکار کیا کہ وہ مذکورہ لوگوں کے لیے کسی خاص سیٹ کی بات کی ہے بس اتنا کہا ہے کہ انہیں پارلیمانی الیکشن لڑائے۔