باغپت: جامعہ بدرالھدیٰ اینڈ الھدیٰ پبلک اسکول میں تقسیم اسناد کی تقریب منعقد!

باغپت(آئی این اے نیوز 30/اپریل 2019) جامعہ بدرالھدیٰ اینڈ الھدیٰ میموریل پبلک اسکول زیر اھتمام الحیات اسلامک ایجوکیشن(ٹرسٹ) رجسٹرڈ ایکتا کالونی شہر باغپت یو پی میں تقسیم اسناد کے موقع پر طلبہ کا ایک پروگرام عمل میں آیا، جس کا آغاز جامعہ کی طالبہ نشاط بی کی کلام اللہ کی تلاوت سے ہوا، جامعہ میں امتیازی نمبرات سے پاس ہونے والے طلبہ کو سند امتیاز اور دیگر انعامات سے نوازا گیا۔

پروگرام کی سرپرستی حضرت مفتی محمد امجد مفتاحی امام و خطیب مسجد منڈی شہر باغپت نے فرمایا اور تعلیم کی اھمیت کو مفتی محمد اسجد قاسمی صاحب نے آئے ہوئے سامعین سے خطاب کیا، اس قبل بچوں کا مختصر پروگرام ہوا.
بعدہ ناظم جامعہ حکیم قاری محمد ارشد صاحب کا بچوں کے سرپرستوں سے خطاب ہوا، اخیر میں اصلاحی کلام اور دعا کا اہتمام
رئیس جامعہ حضرت مولانا محمد اقبال قاسمی صاحب پر ہوا.
واضح ہو کہ جامعہ میں علوم دینیہ کے ساتھ ساتھ علوم عصریہ کا بھی معقول نظم ہے، تعلیمی نظام کچھ اس طرح ہے، لڑکوں کے لئے درجہ حفظ کے ساتھ پانچ کلاس مکمل اور لڑکیوں کےلئے پانچ کلاس تک دو سالہ عالمیت کا نظم ہے جو کہ اقامتی تعلیم سمجھی جاتی ہے.