تکمیل قرآن کی مجلس سے خطاب کہا، تقوی وپرہیزگاری کی صفت پیداکرنے کی ضرورت.
مئوآئمہ/ الہ آباد(آئی این اے نیوز 30/مئی 2019) روزہ اسلام کااہم رکن ہے، روزہ کی فرضیت ۱۰ شعبان سن ۲ ھجری کو ہوئی، مذکورہ خیالات کااظہار مفتی فضل الرحمان قاسمی الہ آبادی نے مئوآئمہ قصبہ سے متصل پکاتالاب والی مسجد میں تکمیل قرآن کی مجلس میں کہیں، انہوں نے کہا، اللہ تبارک وتعالی نے روزہ کواس لئے فرض کیا تاکہ ہم اپنے آپ کوصفت تقوی سے متصف کریں، انہوں نے کہا، تقوی نام ہے ان چیزوں کے کرنے کاجس کااللہ اور اس کے رسول حکم دیں، اور ان چیزوں سے باز رہنے کا جس سے اللہ اور اس کے رسول منع کردیں، مفتی فضل الرحمان نے رمضان کے مابقیہ ایام کی قدردانی کی تلقین کیا، انہوں نے کہا، انتہائی بابرکت ساعتیں گامزن ہیں، ان میں زیادہ سے زیادہ عبادت کریں، انہوں نے کہا، شب قدر کی راتوں میں عبادت کاخصوصی اہتمام کریں،انہوں نے کہا، قرآن کے ایک حرف پر دس نیکیاں ملتی ہیں جبکہ نماز میں قرآن کاایک حرف پڑھنے پر علامہ سیوطی رحمہ اللہ نے جامع صغیر میں روایت نقل کیاہے کہ ۱۰۰ نیکیاں ملتی ہیں، رمضان میں اعمال کے ثواب کو70گنا بڑھا دیاجاتا ہے، اس لحاظ سے تراویح میں ایک حرف پر سات سو نیکیاں حاصل ہوئیں، مفتی الہ آبادی نے کہا،یقینا قابل مبارکباد ہیں وہ لوگ جنہوں نے تراویح کی نماز پابندی کے ساتھ ادا کیا، انہوں نے کہا، عیدالفطر کے دن جو شخص نصاب کامالک ہو اس شخص صدقہ الفطر واجب ہے، وہ خود اپنی طرف سے اور اپنے اہل وعیال کی طرف سے صدقہ فطر ادا کرے، انہوں نے کہا موجودہ زمانے میں چاندی کانصاب کی قیمت تقریبا ساڑھے 24ہزار ہے، لہاذا جوشخص عیدالفطر کے دن ساڑھے 24ہزار روپیہ کامالک ہو اس پر صدقہ الفطر واجب ہے،انہوں نے کہا، عیدکی نماز کے لئے نکلنے سے پہلے صدقہ فطر کی رقم غریبوں کودیدینا مسنون ہے، مفتی فضل الرحمان نے کہا، مئوآئمہ واطراف کے علاقوں میں صدقہ فطر کی رقم ۳۰ روپیہ ہے، حافظ محمد اخلاق کی تلاوت سے مجلس کا آغاز ہوا، جبکہ محمد افضل نے اپنے عمدہ لب ولہجہ میں حضور صلی اللہ علیہ وسلم کی شان میں نذرانہ عقیدت پیش کیا، اس موقع پر حافظ شاداب الہ آبادی، حافظ شہباز، ماسٹر طارق محمود، فیصل انصاری، کلو بھائی، اور کثیر تعداد میں فرزندان توحید شریک رہے، ملک میں امن وشانتی ترقی وخوشحالی کے لئے خاص طور سے دعائیں کی گئیں.
