یاسر ندیم الواجدی
چند روز پہلے امینہ ودود کا نام مدرسہ ڈسکورسز کے حوالے سے، آپ میں سے بہت سے لوگ سن چکے ہیں۔ یہی وہ خاتون ہے جس نے چند سال پہلے مردوں اور عورتوں کی مشترکہ جماعت کی امامت کی تھی۔ مدرسہ ڈسکورسز والے جب اسلام میں عورت کے مقام پر گفتگو کرتے ہیں تو امینہ ودود کی "تحقیقات وتخلیقات" سر فہرست رہتی ہیں۔
امینہ ودود نے ایک موقع پر حضرت ابراہیم علیہ السلام کی شان میں گستاخی کرتے ہوے ان کو سنگدل باپ قرار دیا تھا۔ ٹویٹر پر ایک صارف نے امینہ سے سوال کیا کہ "کیا تم وہی ہو جس نے حضرت ابراہیم علیہ السلام کو سنگدل باپ قرار دیا تھا؟ امینہ جواب میں کہتی ہے کہ بیوی اور دودہ پیتے بچے کو ریگستان میں چھوڑ دینا سنگدلی اور لاپرواہی نہیں ہے تو اور کیا ہے۔ "ڈیڈ بیٹ" غیر رسمی انگریزی کی اصطلاح ہے جو ایسے مردوں کے لیے استعمال ہوتی ہے، جو بیوی کو کچھ نہ سمجھتے ہوں اور اپنے اہل خانہ کے لیے بہت برے ہوں۔
ٹویٹر پر ایک دوسرے صارف نے جب امینہ کی نسوانیت پرستی پر سوال اٹھایا اور کہا کہ اس منطق سے تو حضرت موسیٰ علیہ السلام کی والدہ بھی سنگدل اور لاپرواہ ہونی چاہییں، جنھوں نے اپنے شیر خوار بیٹے کو دریا میں بہا دیا تھا؟ اسکرین شاٹ میں دیکھا جاسکتا ہے کہ امینہ ودود سب وشتم پر اتر آئی۔
وقتا فوقتاً ان لوگوں کو اس لیے ایکسپوز کیا جارہا ہے، تاکہ ڈسکورسز کے حامی یہ جان لیں کہ ہمارا ردعمل کوئی وقتی یا مسلکی بنیادوں پر نہیں تھا، بلکہ خالص اسلامی بنیادوں پر تھا۔ لبرلزم کفر والحاد کی سیڑھی ہے، جس کا ثبوت سب کے سامنے ہے۔ امینہ کی یہ ٹویٹ اگر توہین رسالت میں نہیں آتی، تو پھر توہین رسالت کا دنیا میں کوئی وجود نہیں ہے۔
