موت کا فرشتہ زندگی کی پہلی ڈور سے ھمارے تعاقب میں لگا رھتا ھے ھم سے زیادہ اسکے نزدیک کوئی محبوب نہیں اسکا مقصد حیات صرف اور صرف ھمیں پانے کی فکر ھے....وہ صبح و شام ھمارے دروازے کی کنڈی بجاتا ھے اور جھانک کر یہ دیکھنے کی کوشش کرتا ھے کہ کون ھمارا منتظر ھے اور آج ھم کسکو اپنا ھمراھی بناکر فانی دنیا سے دور بہت دور ھمیشگی کی دنیا جو کہ انسان کی اصلی جائے رھائش ھے لے جا سکیں .... وہ پل پل اس فکر میں ھیکہ کب حکم ربی آئے اور ھمیں ابدی دنیا کی منزل مقصود تک پہونچا سکے وقت اصلی سے وہ بھی انجان ھے اور ھم بھی بے خبر........ ھم فرشتئہ اجل کے خوف سے دور بھاگتے ھیں اور وہ ھمیں اصلی منزل کی راہ پہ لےجانا چاھتا ھے...........بھاگنے اور لے جانے کا فکری سلسلہ یوں ھی چلتا رھتا ھے حتی کہ وہ لمحہ آجاتا ھے جسکا خوف ھمیں ستاتا ھے اور جسکی فکر فرشتئہ اجل کو دامن گیر ھوتی ھے تقدیر کا لکھا غالب آتاھے اور یوں سارا خوف سمٹ کر نگاھوں کے سامنے ھوتا ھے....فرشتئہ اجل اپنی ذمہ داریوں سے سبکدوش ھوکر اپنے طے شدہ کام پر آگے بڑھ جاتا ھے.....اب آگے ھم ھوتے ھیں اور ھمارا امتحان.....اب ھمیں ان چیزوں کا سامنا کرنا ھے جسے ھم سنتے یا پڑھتے آئے ھیں....اب یہ بات ھمیں سوچنی ھیکہ کیا ھم اس قابل ھیں....؟ کیا ھم آگے کے امتحانوں میں پاس ھونے بھر عمل رکھتے ھیں...؟ کچھ کرپانے کا وقت تو گزر گیا اب صرف اور صرف کیئے ھوئے نیک اعمال کے بھروسے ھی گزارہ ھوگا....کوئی ڈگری اور کوئی ڈپلومہ کام نہیں آنے والا اللہ تعالی ھمیں موت کے بعد کی ھر منزل پہ آسانیاں دے اور ھر امتحان میں سرخرو کرے ھم بہت نادان اور کمزور ھیں جانے انجانے نہ جانے کتنی غلطیوں کی ٹوکری سر پر لادے پھرتے ھیں بلاشبہ ھم تقدیر کی ڈور میں بندھے ھیں کشیدہ لکیروں پہ چلنا ھی ھمارا مقدر ھے لیکن ھم ایک کام ضرور کرسکتے ھیں اور وہ ھے اپنے عمل کو اخلاص کی نیت سے سنوارنے کی فکر کرنا اپنے رب کو اپنے ساتھ اپنے سامنے محسوس کرنا یقین جانیں اس فکر کے ساتھ کئے گئے عمل سے ھماری تنگی وسعت میں تبدیل ھوسکتی ھے اور آسانیاں ھمارے لئے فرش راہ بن سکتی ھیں
موت سے پہلے کی زندگی میں ھماری کردنی وناکردنی میں اعزہ و اقارب کی خوشیاں انکی مصلحتیں ھماری راہ میں رکاوٹ ھوتی ھیں پر موت کے بعد کی زندگی میں جزاء و سزاء ھمارا اور رب کا معاملہ ھوگا مگر اس سے پہلے ھمیں یہ سوچکے زندگی گزارنی ھیکہ ھم حالت سفر میں ھیں دنیاوی مال متاع اتنا ھی ذخیرہ کریں جسکی ضروت ھے اس زندگی کی فکر اوڑھیں جو ابدالآباد ھے وہ عمل کریں جو دائمی ھے وہ پیڑ لگائیں جسکا پھل اخروی ھے
آج بتاریخ ۲۸ اکتوبر بروز دوشنبہ علی الصباح بزریعہ فون محترم جناب لئیق احمد صاحب بی ایس سی رکن شوری مدرسۃ الاصلاح سرائمیر نے اطلاع دی کہ مدرسۃ الاصلاح کے ناظم اعلی مولانا اشفاق احمد صاحب اصلاحی کا انتقال ھوگیا اناللہ واناالیہ راجعون مولانا موصوف ضعف پیری کی وجہ سے پچھلے کئی دنوں سے بیمار چل رھے جس کے علاج کے سلسلہ میں طاھر میموریل&ٹراما سینٹر پھولپور میں ایڈمٹ بھی تھے دو تین روز قبل بواسطہ واٹس اپ گروپ خطئہ اعظم گڈھ بیماری کی اطلاع ملی تھی شنبہ کو مزاج پرسی کیلئے حاضری بھی ھوئی طبیعت بہتر تھی پر ضعف کافی تھا باالآخر وقت معہود بھی آن پہونچا اور زندگی کی ستاسی بہاریں دیکھنے کے بعد ھزاروں چاھنے والوں کو سوگوار چھوڑ ابدالآباد دنیا کا رخ کرلیا موصوف انتہائی سادہ مزاج اور سیدھے سادھے تھے تقریبا چالیس سال تک مدرسہ کی بے لوث خدمت کرتے رھے اللہ تعالی انکے مساعئ جمیلہ کو قبول فرمائے بال بال مغفرت فرمائے کروٹ کروٹ جنت الفردوس عطاء فرمائےنیز جملہ پسماندگان کو صبر جمیل وفیر نصیب فرمائے اور اپنے دین پرمکمل عمل کرنے والا بنائے...آمین
غم کی اس گھڑی میں ھم اھل خانہ کے ساتھ ھیں اور آپ حضرات کو مرحوم کیلئے ایصال ثواب کی زحمت دیتے ھیں اور سنت نبوی کی ادائیگی کرتے ھوئے الفاظ مسنونہ سے اظہار تعزیت پیش کرتے ھیں......!!
إن للّٰہ ماأخذ ولہٗ ما أعطٰی وکل شئ عندہٗ بأجل مسمی۔
مفتی محمد اجوداللہ پھولپوری نائب ناظم مدرسہ اسلامیہ عربیہ بیت العلوم سرائمیر اعظم گڈھ
