بچوں کی تربیت میں والدین کا کلیدی کردار ہوتا ہے: سید سعید احمد

الامین نیشنل اسکول امین باغ ،منگراواں میں یوم سرپرست تقریب کا انعقاد۔
منگراواں/اعظم گڑھ(آئی این اے نیوز 28/نومبر2019) علم ایک مشعل ہے،علم کے بغیر کسی کا چارہ کار نہیں،علم وہ شئ ہے جس سے گلشن حیات قائم ودائم ہے،علم وہ منبع رشد وہدایت ہے جسے لیکر آپ صلی اللہ علیہ وسلم دنیا میں تشریف لائے تاریخ شاہد ہے کہ قوموں کا عروج و زوال اسکی علمی زندگی پر منحصر ہے اس دور میں مسلمانوں کی پستی کا ایک سبب علم سے دوری بھی ہے انھیں تمام چیزوں کو ملحوظ رکھتے ہوئے الامین نیشنل اسکول امین باغ، منگراواں میں آج یوم سرپرست کے موقع پر ایک تقریب منعقد کی گئ جسکی صدارت جناب  مفتی شاہد مسعود قاسمی نے کی پروگرام کا آغاز محمد عثمان کی تلاوت سے ہوا بعد ازیں نعت پاک کیلئے

حفصہ نسیم آئیں اور انھوں نے بڑے ہی دلکش انداز میں بارگاہ نبوی میں نذرانہ عقیدت پیش کی اسکے بعد ترانہ الامین حفصہ نسیم اور انکی ساتھیوں نے پیش کیا اس موقع پر سید سعید احمد نے بطور مہمان خصوصی  خطاب کرتے ہوئے فر مایا والدین بچہ کی پہلی تربیت گاہ ہیں بچوں کی تعلیم وتربیت میں والدین کلیدی رول ادا کرتے ہیں اساتذہ تو صرف ان ہیروں کو تراشنے کا کام ان پر ضربیں لگا کر کرتے ہیں بچوں کے متعلق والدین کی اہم ذمہ داری ہے کہ اس میں خود اعتمادی پیدا کی جائے کہ تم سب کچھ کر سکتے ہو ساتھ ہی بچوں کیساتھ والدین کو دوستانہ تعلق رکھنا چاہئیے اور انکی دلی کیفیات سے واقفیت رکھنا اور انکو وقت بھی  دینا  چاہئے انھوں  نے کہا کہ بچوں کی تربیت پر ماحول کا خاصہ اثر پڑتا ہے تربیت کیلئے صرف گھر میں مثبت ماحول کی ضرورت ہے ماہرین کے مطابق بچہ تین سال کے اندر سب کچھ سیکھ لیتا ہے یہیں سے وہ سنورتا اور بگڑتا ہے بچوں کے ٹرینر بننے کیلئے دماغ دل جسم روح کی طاقت نہایت اہم کردار ادا کرتی ہیں انھوں نے کہا لوگوں کو ہر روز ایک گھنٹہ تزکیہ نفس کیلئے دینا چاہیئے جسکی انھوں نے عملی مثال بھی دی انھوں نے اخیر میں والدین سے بچوں کو سوشل میڈیا سے دور رکھنے کی پرزور  درخوست کی اس سے پہلے اسکول کے ڈائریکٹر  احمد ریحان فلاحی نے ٹرینر سید سعید احمد کا شکریہ ادا کرتے ہوئے کہا کہ آج والدین بچوں کے متعلق اپنے فرائض کو بھول چکے ہیں اور وہ تعلیم کو پیسہ سے خریدنا چاھتے ہیں انھوں نے مزید کہا کہ اس پروگرام کا مقصد والدین کو  بچوں کے تئیں اپنی ذمہ داریوں کا احساس دلانا ہے تاکہ وہ خواب غفلت سے بیدار ہو جائیں اور انکے نونہالوں کا مستقبل تابناک و روشن ہو مفتی شاہد  مسعود  قاسمی نے صدارتی خطاب  میں کہا کہ ہماری ذمہ داری ہے کہ ہم اپنے آپ کو اور اپنے اہل و عیال کو جہنم کی آگ سے بچائیں اسکے لئے ہمیں دنیاوی تعلیم کے ساتھ ساتھ اخروی تعلیم بھی حاصل کرنی ہوگی اس سے قبل  طاہر جمال نے عظمت گروپ آف انسٹی ٹیوشن  کے مقاصد اور اسکے عزائم پر روشنی ڈالی۔اقرا پبلک اسکول سرائمیر کے ڈائریکٹر  محمد عارف اصلاحی نے ان پروگراموں کے مقصد سے واقف کرایا اخیر میں 40 دنوں تک پابندی کے ساتھ نماز ادا کرنے والے طلبہ و طالبات کو انعامات سے نوازا گیا۔ اس موقع پر ھدی پبلک اسکول کے مینیجر احمد نیاز قاسمی،حافظ مفید، حاجی اخلاق، عبداللہ، طارق، نعیم، شہنواز، ڈاکٹر ضیاءالدین ، ماسٹر انصار، ڈاکٹر وسیم عبیداللہ، خالد، اشرف فلاحی، محمد سلیم   نبراس امین سمیت  اساتذہ وطلباء اور انکے سرپرست موجود تھے-