راشٹریہ علماء کونسل اور الفلاح فرنٹ کے وفد کی متاثرین سے ملاقات
اعظم گڑھ,30نومبر(نامہ نگار)اعظم گڑھ سے ایک ماب لنچنگ کا تاذہ معاملہ روشنی میں آیا ہے۔گزشتہ 21نومبر کو اعظم گڑھ کے تحصیل نظام آباد کے موضع روواں کے باشندے محمد سبیل ولدریاض احمد,ابو شحمہ عرف بیچئ ولد ابوالویس اور ابو عبید ولد ابو زید ایک پک اپ گاڑی سے بھینس فروخت کرنے کیلئے جا رہے تھے۔سلطان پور ,سوراپور تھانہ قادی پور کے پاس سیکڑوں شر پسند غنڈوں نے اینٹ,پتھر اور اسلحہ لیکر مذکورہ افراد پر جانور چوری کا الزام لگا کر خطرناک طریقے سے جان لیوا حملہ کر دیا۔ابو عبید ولد ابو زید نے کسی طرح سے بھاگ کر اپنی جان بچائ جبکہ محمد سبیل اور ابو شحمہ عرف بیچئ شر پسند غنڈوں کی ذد میں آگئے۔بے لگام غنڈوں نے دونوں افراد پر شدت سے تشدد کرنے کے بعد مرا ہوا سمجھ کر سڑک کے کنارے جھاڑی میں پھینک دیا۔ایک صحافی نے کسی طرح سے دونوں افراد کو اسپتال تک پہنچایا۔اس معاملے کے بعد سے اعظم گڑھ کے لوگوں میں غم و غصہ پایا جا رہا ہے۔گزشتہ دنوں آر یوسی کے قومی جنرل سیکریٹری مولانا طاہر مدنی کی قیادت میں راشٹریہ علماء کونسل کے ایک وفد نے متاثرین سے ملاقات کی۔وفد میں طلحہ رشادی,نورالہدی,شکیل احمد وغیرہ شامل تھے۔جبکہ دوسری جانب الفلاح فرنٹ صدر ذاکر حسین نے آج روواں گائوں جاکر محمد سبیل اور ابو شحمہ عرف بیچئ سے ملاقات کر ہ اپنی جانب سے ہر ممکن مدد کا یقین دلایا۔اس موقع پر ذاکر حسین نے اپنے بیان میں کہا کہ ماب لنچنگ کے خلاف سخت قانون بننا چاہئے۔ذاکر حسین نے مزید کہا کہ اس طرح کی مذموم حرکت انجام دینے والوں کے خلاف سخت ایکشن لینے کی ضرورت ہے۔روواں گائوں کے باشندہ محمد شاداب نے خاطیوں کے خلاف سخت کارروائی کی مانگ کی ہے۔
