ٹانڈه/امبيڈکرنگر :31دسمبر 2019 آئی این اے نیوز
حکومت نے نئے سال پر پاورلوم بنکروں کو بڑی راحت دیدیا ہے۔ بنکروں کے ساتھ ایم ایل سی اشوک دھون کی کوششوں سے پاورلوم کے تعلق سے جاری نئے حکمنامہ پر روک لگادی گئی ہے۔ یہ جانکاری دیتے ہوئے اترپردیش بنکرسبھا کے صدر حاجی افتخار احمد انصاری نے بتایا کہ گزشتہ روز لکھنؤ میں پورے ریاست سے آئے ہوئے پاورلوم بنکر نمائندوں کا ایک وفد ریاستی وزیر ہینڈلوم اور کپڑا صنعت سدھارتھ ناتھ سنگھ سے ملا اور انہیں پاورلوم بنکروں کے بجلی فلیٹ ریٹ اور سبسڈی رقم سمیت کئی نکات پر مشتمل مطالباتی میمورنڈم پیش کیا گیا۔ حاجی افتخار نے بتایا کہ اس دوران وزیر ہینڈلوم نے بنکر نمائندوں کو یقین دلاتے ہوئے کہا کہ پاورلوم بنکروں کو سستی اور بلا رخنہ آور بجلی فراہم کرانے کی کارروائی کی جارہی ہے اور جلد ہی اسکا فائدہ بنکروں کو ملنے لگےگا۔ انہوں نے کہا کہ ریاستی حکومت بنکروں کی بہتری کے لئے پوری طرح سے سنجیدہ ہے اور پاورلوم بنکروں کے سبھی ضروری سہولیات فراہم کرانے میں ہرممکن مدد کریگی۔
