شرم تم کو مگر نہیں آتی
از قلم :حبیب الرحمن سلطان پوری
شاہین باغ کا احتجاج سنگھیوں کے دل ودماغ میں چبھتا نظر آرہا ہے، ہندوستانی خواتین کی جرأت وبے باکی ان کے گلے کی پھانس بنتی جارہی ہے، آے دن کسی نئے فتنے کو ہوا دینے میں کوئی کسر باقی نہیں چھوڑی ہے، جیسا کہ ابھی ایک تازہ معاملہ سامنے آیا کہ "ونود" نامی شخص مظاہرین کو اپنی گولیوں کا نشانہ بنارہا ہے، اور پولیس تماشائی بنی تکتی نظر آتی ہے ،
گزشتہ پچاس دنوں سے چل رہے احتجاج کو ناکام بنانے کی ہر ممکن کوشش کی جارہی ہے، کبھی تو عورتوں کو پانچ سو کا کرایہ دار کہہ کر، اور کبھی مظاہرین کو ٹکڑے ٹکڑے گینگ کا حصہ بتا کر، احتجاجی کیمپوں کے ارد گرد لگے لائٹ کو توڑ کر، تو کبھی کمبل اور دوسرے سردی کے سامان کی دن دہاڑے ڈکیتی کر_
شاید سنگھی اور ان کی ہمنوا فاشسٹ طاقتیں یہ بھول گئی ہیں کہ کہ ہمارا کسی ایرے غیرے سے نہیں بلکہ اسلام کی ان شہزادیوں سے پالا پڑا ہے جو خولہ رض کی بہن اماں عائشہ رضی اللہ عنہا کی بیٹی ہیں، ان کی رگوں میں صفیہ اور فاطمہ کا خون موجزن ہے، ان کا روحانی تعلق اس ماں سے ہے جس نے اپنے تین بچوں کا نذرانہ دے کر حضور علیہ السلام کی سالمیت کے لئے دعا گو تھی، جس موت سے انھیں ڈرانے کی انتھک محنت کی جارہی ہے وہ ان کے گھر کی لونڈی ہے، یہ موت سے کم بلکہ اس کے پیدا کرنے والے سے زیادہ ڈرتی ہیں، انھیں اس بات کی حقیقت کا مکمل اعتراف ہے کہ یہ دنیا جس کے حصول میں تم انسانیت کی تمام سرحدیں پار کر چکے ہو وہ کسی مکڑی کے جالے اور مکھی کے پر سے زیادہ کی اہمیت نہیں رکھتی ہے ، یہ کیوں بھول جاتے ہوکہ ان کا رشتہ اس شہنشاہ سے جڑتا ہے جو شیر کی ایک روزہ زندگی کو گیدڑ کی سو سالہ زندگی پر ترجیح دیتے ہوئے موت کو گلے لگالیتا ہے،
سنگھیو! تمھاری بہادری کا اندازہ اس وقت لگ گیا تھا جب تم نہتھی عورتوں پر، رات کی تاریکی میں، لائٹ بجھا کر، ہتھیار سے لیس حملے کی کوشش کر رہے تھے، تمھاری تنگ نظری اور علم دشمنی کا مشاہدہ اسی وقت ہو گیا تھا جب تم نے یونیورسٹی کے طلبا پر اپنی لاٹھیاں برسائ تھیں، تمھاری حرکتیں تو گیدڑاور لومڑی کو بھی شرمندہ کردینے والی ہیں، تم نے اس ملک کو ہمیشہ بانٹے کی کوشش کی ہے،جس ہندو راشٹر کا جھانسہ دے کر تم نے اس ملک کو اپنے ناپاک ہاتھوں کی کٹھ پتلی بنانے کی سازش رچی ہے، یہ محض سراب ہے، دیوانے کا خواب ہے_
