*تبلیغی جماعت پر حکومت کا نظریہ جاہلانہ: نظرعالم*
*یوگی کے رام للا نصب کرتے وقت نام نہاد دانشوران کی زبانیں کیوں خاموش تھیں؟ بیداری کارواں*
*لگاتار بھاجپا کی مارکے بعد بھی مسلمانوں میں اتحاد نہیں، افسوس ناک*
مدھوبنی:31/مارچ 2020 آئی این اے نیوز
رپورٹ! محمد سالم آزاد ۔
”غیرت جہاد اپنی۔زخم خاکِ جاگے گی٭پہلا وار تم کرلو۔ دوسرا ہمارا ہے“ہربار یہ حکومت ہمیں احساس کرانے کی کوشش کرتی ہے کہ ہم اقلیت ہیں۔ابھی تازہ مثال تبلیغی جماعت کے ساتھ ہورہا برتاؤ ہے۔ انصاف تب ہوتا ہے جب ایودھیا میں یوگی نے عارضی مندر میں رام للا کی مورتی نصب کیا۔ تب کیوں نہیں نظر آیا ملک کی بکاؤ میڈیا کواور نام نہاد دانشوران کو تب ان کے منہ پہ تالے کیوں تھے؟ کیا اس لئے کہ وہ اس عمل کو انجام دینے والا ایک بھگوادھاری وزیراعلیٰ تھا اور یہ بیچارے کرتا پائجامہ۔ داڑھی رکھنے والے لوگ ہیں۔ ہاں ہمیں تو یہی لگتا ہے اور اس میں لگنے کیا ہے۔ بات شیشے کی طرح صاف ہے کہ یہی اصل کھیل ہے۔ حکومت اور اُسی کی ذہنیت کے چاٹوکار میڈیا کو انتراکچھی سے آگے کچھ مل نہیں رہا تھا تو انہوں نے پھر سے ملک میں فاسشزم ایجنڈہ چلانا شروع کردیا تاکہ لوگوں کا دھیان حکومت کی ناکامیوں سے دور ہٹ جائے اور پھر لوگ سوال کرنے کی جگہ ہندو۔مسلم کرنے لگیں۔چلئے اچھا ہی ہوا کہ ہاتھی (تبلیغی جماعت)دھکا لگنے کے بعد جاگ گیا۔ پوری دنیا میں سب سے بڑی گھر گھر تک پہنچنے والی اگر کوئی تنظیم ہے تو وہ تبلیغی جماعت ہی ہے اس میں کسی کو کوئی شک نہیں ہونا چاہئے۔اس کے باوجود بھی اس نے ہمیشہ حکومت ہند کے ساتھ اچھا رشتہ رکھا۔ کبھی اس کے لئے مشکلیں کھڑی نہیں کی۔مسلمانوں نے کبھی بہت اُمید سے تبلیغی جماعت کی طرف دیکھا بھی نہیں کیوں کہ یہ جماعت ہمیشہ اپنے آپ کو ملک کے سیاسی مسائل سے الگ ہی رکھا ہے۔ مگر آج جو کچھ بھی ہورہا ہے جماعت کے ساتھ جیسے میڈیا ٹرائل۔کچھ خود کو پڑھا لکھا سمجھنے والے لوگ جو کچھ کہہ رہے ہیں اس سے ضرور اب تبلیغی جماعت کی آنکھ کھلی ہوگی اور ضرور اب جماعت کا نظریہ بھی اس حکومت کے لئے بدلے گا۔ مذکورہ باتیں آل انڈیا مسلم بیداری کارواں کے صدرنظرعالم نے پریس بیان میں کہی۔ مسٹر نظرعالم نے کہا کہ اگر ایسا ہوا تو اس معاملے میں جو بھی ہو مگر غریب۔ مزدوراور اقلیتوں کی لڑائی کو بہت طاقت ملے گی۔ کیوں کہ تبلیغی جماعت اس ملک میں واحد جماعت ہے جس کی پہنچ ہردروازے تک ہے اور دروازے سے آگے دلوں تک ہے۔ اگر اس نے ٹھان لیا تو حکومت کے لئے مشکلیں کھڑی ہوجائیں گی اور لگتا بھی یہی ہے کہ ایسا ہی ہوگا اور اب اس ملک میں پچھڑوں کی لڑائی بھی مضبوط ہوگی اور ہم ایسے ہرفیصلے کا کھل کر حمایت کریں گے۔مسٹرعالم نے کہا کہ بہت سارے لوگ جو خود کو دانشور سمجھتے ہیں ویسے لوگ مسلکی معاملہ بناکر تبلیغی جماعت کی شبیہ داغدار کرنے کی کوشش کررہے ہیں اور حکومت کا ساتھ بھی دے رہے ہیں۔ جب کہ جماعت نے حکومت کے کالے کرتوت کا سارا کاغذ عوام اور میڈیا کے سامنے رکھ دیا ہے کہ جماعت کی کہیں سے کوئی غلطی نہیں ہے بلکہ سارا کھیل دہلی حکومت کا ہے اور ایسا دہلی حکومت مرکزی حکومت کے کہنے پر کررہی ہے۔ اگر اب بھی مسلمان نہیں سمجھے تو پھر اللہ ہی مالک ہے۔ تین مہینے تک کالے قانون کی لڑائی لڑنے والی قوم آج بھی ایک جٹ نہیں ہے افسوس کا مقام ہے۔ لگاتار بھاجپا مسلمانوں کو مار رہی ہے لیکن مسلمانوں کو نہ جانے یہ باتیں کب سمجھ میں آئے گی؟ ہمیں ہرحال میں اتحاد کے ساتھ اس ناپاک حکومت سے لڑنا ہوگا اور سارے مسلکی اختلافات کو بھلاکر قوم کو مضبوط بنانے اور سیاسی شعور پیدا کرنے پر زور دینا ہوگا ورنہ آنے کا دن اور بھی خراب ہوگا۔
