رپورٹ: صدر عالم نعمانی
ـــــــــــــــــــــــــــــــــــــــ
دھنباد/جھارکھنڈ(آئی این اے نیوز 30/اکتوبر 2017) جامع مسجد گڈییاں پوسٹ برونڈا تھانہ گووند پور ضلع دھنباد جھاڑکھنڈ میں مریدین و متوسلین کی تربیت کیلئے تین روزہ روحانی، نورانی، عرفانی اور اصلاحی تربیتی مجلس کا انعقاد مورخہ 9/10/11 دسمبر 2017 بروز سنیچر، اتوار، اور سوموار کو زیر تربیت مرشد کامل پیر طریقت رہبر شریعت مفلح الامت حضرت مولانا الحاج سید احمد نصر صاحب بنارسی مدظلہ العالی مہتمم مدرسہ عربیہ امدادیہ خانقاہ بنارس یوپی( خلیفہ مسیح الامت حضرت مولانا مسیح اللہ خانصاحب جلال آبادی وصاحب زادہ مسیح الامت حضرت مولانا صفی اللہ خان صاحب المعروف بھائی جان مہتمم جامعہ مفتاح العلوم جلال آباد )کیا گیا ہے.
اس تربیتی مجلس میں جھاڑکھنڈ بہار اور مغربی بنگال کے ہزاروں مریدین ومتوسلین کے علاوہ کثیر تعداد میں مقامی علماء کرام شریک ہونگے، دھنباد و اس کے مضافات کے لوگوں سے خصوصی درخواست ہے کہ اس روحانی، نورانی، عرفانی اور اصلاحی تر بیتی مجلس میں کثیر تعداد میں شرکت ہو کر اپنے ظاہر و باطن کی اصلاح کریں، اور اپنے قلوب کو ایمان و یقین کی روشنی سے مجلی و مصفی کریں.
