رپورٹ: محمد دلشاد قاسمی
ـــــــــــــــــــــــــــــــــــــــــــــ
بڑوت/باغپت (آئی این اے نیوز30/اکتوبر 2017) باغپت ضلع کے قصبہ بڑوت کے مشہور و معروف دینی ادارہ مدرسہ عربیہ نور یہ کے زیر اہتمام مسابقہ نعت و تقریر آج قائم ہوا، جس میں 15 مدارس کے طلبہ نے شرکت کی، آج صبح 8 بجے سے مسابقہ شروع ہوا، جس کی صدارت سراج الملت حضرت مولانا سید بلال حسین صاحب خلیفہ حضرت ہردوئی رحمۃ اللہ نے فرمائی.
مسابقہ کا آغاز میرٹھ سے تشریف لائے قاری عنایت الرحمان کی تلاوت کلام اللہ سے ہوا اور مشہور شاعر مفتی محمد اکرم فیاضی نے شان نبوی میں اشعار کا ھدیہ پیش کیا، جبکہ نظامت کے فرائض مدرسہ ھذا کے ناظم تعلیمات حضرت مولانا عارف الحق نے انجام دیئے.
مسابقہ تقریر میں اول پوزیشن محمد متوکل متعلم مدرسہ عربیہ نوریہ اور دوم پوزیشن محمد مجیب الرحمان متعلم مدرسہ شمش العلوم چروڈی اور سوم پوزیشن محمد احمد متعلم مدرسہ نور یہ نے حاصل کی.
اسی طرح مسابقہ نعت میں اول پوزیشن محمد شمش الدین متعلم مدرسہ شمش العلوم چروڈی، دوم پوزیشن محمد معین متعلم معہد مرشد الامت اسارہ اور محمد ثمیر متعلم مدرسہ تعلیم الاسلام برسیہ نے حاصل کی.
پوزیشن حاصل کرنے والے طلبہ کو حضرت مولانا سید بلال حسین صاحب نے اپنے دست مبارک سے انعام دیا.
آخر میں حضرت مولانا مفتی محمد رفیع الزماں صاحب کا بیان ہوا جس میں انہوں نے طلبہ کو اور مزید محنت کرنے کے لیے کہا اور ان ہی دعا پر پروگرام ختم ہوا.
اس موقع پر باغپت ضلع 15 مدارس کے ذمہ داران اور جلال آباد سے تشریف لائے مفتی محمد شعیب صاحب اور مدرسہ اسلامیہ عربیہ انوارالاسلام روشنگڑھ کے ناظم اعلی مفتی محمد دلشاد قاسمی اور پہونس والی مسجد کے متولی محمد اختر وغیرہ موجود رہے.
