اردن کا نامور ریسرچ ادارہ آرآئی ایس ایس سی کی تازہ فہرست برائے ۲۰۱۹ء میں بھارت کے سب سے بااثر عالم دین بنے.
نئی دہلی(آئی این اے نیوز 26/اکتوبر 2018) اردن کی نامور ریسرچ تنظیم آر آئی ایس ایس سی نے تازہ فہرست برائے ۲۰۱۹ء جاری کی ہے، جس میں جمعیۃ علماء ہند کے جنرل سکریٹری مولانا محمود مدنی صاحب کو لگاتار دسویں بار دنیا کی پچاس بااثر مسلم شخصیات میں شامل کیا ہے، وہ اس فہرست میں بھارت کے سب سے بااثر عالم اور مذہبی وسماجی رہنماء منتخب ہوئے ہیں، پانچ سو افراد پر مشتمل اس فہرست میں دنیا بھر سے مختلف شعبہ ہائے حیات ( سیاست ، سماجیات، تعلیم، اسکالرشپ، سائنس، وغیرہ) سے تعلق رکھنے والی کئی شخصیات شامل ہیں، مگر ٹاپ50 میں مولانا محمود مدنی اکیلے ہندستانی ہیں، گزشتہ سال مشہور بریلوی عالم دین مفتی اختر رضا خاں قادری ازہری اس فہرست میں شامل تھے، مگر وہ وفات پاچکے ہیں، حالاں کہ پڑوسی ملک پاکستان سے مولانا تقی عثمانی (پوزیشن ۶) مولانا عبدالوہاب تبلیغی جماعت ( پوزیشن۱۴)، عمران خاں ( پوزیشن۲۹ ) اور مولانا طارق جمیل ( پوزیشن ۴۰ ) ٹاپ 50 کی فہرست میں شامل ہیں.
ریسرچ تنظیم آرآئی ایس ایس نے مولانا محمود مدنی کی عظیم ملی و سماجی خدما ت کا تذکرہ کرتے ہوئے لکھا ہے کہ انھوں نے دہشت گردی اور اس کو اسلام سے نتھی کرنے کی بڑی دلیری سے مقابلہ کیا اور دارالعلوم دیوبند سے اس سلسلے میں فتوی حاصل کرکے ملک بھر میں دہشت گردی مخالف کانفرنسیں کیں جس کا بھارت کے مسلمانوں پر گہرا اثر پڑا،نیز انہوں نے اقوام متحدہ میں پاکستانی نمایندہ کے ذریعہ دارالعلوم دیوبند کو دہشت گردی کا مرکز کہنے کے بعد پاکستان کو کھلا خط لکھ کر مذمت کی اور اس بے ہودہ بیان کا عالمی سطح پر مقابلہ کیا ۔اس کے علاوہ وہ مسلم ماثر، معابد اور دینی تشخص کے تحفظ کے لیے ہمہ تن کوشاں رہتے ہیں، وہ مدارس میں سرکاری مداخلت کے سب سے بڑے ناقد ہیں ۔
نئی دہلی(آئی این اے نیوز 26/اکتوبر 2018) اردن کی نامور ریسرچ تنظیم آر آئی ایس ایس سی نے تازہ فہرست برائے ۲۰۱۹ء جاری کی ہے، جس میں جمعیۃ علماء ہند کے جنرل سکریٹری مولانا محمود مدنی صاحب کو لگاتار دسویں بار دنیا کی پچاس بااثر مسلم شخصیات میں شامل کیا ہے، وہ اس فہرست میں بھارت کے سب سے بااثر عالم اور مذہبی وسماجی رہنماء منتخب ہوئے ہیں، پانچ سو افراد پر مشتمل اس فہرست میں دنیا بھر سے مختلف شعبہ ہائے حیات ( سیاست ، سماجیات، تعلیم، اسکالرشپ، سائنس، وغیرہ) سے تعلق رکھنے والی کئی شخصیات شامل ہیں، مگر ٹاپ50 میں مولانا محمود مدنی اکیلے ہندستانی ہیں، گزشتہ سال مشہور بریلوی عالم دین مفتی اختر رضا خاں قادری ازہری اس فہرست میں شامل تھے، مگر وہ وفات پاچکے ہیں، حالاں کہ پڑوسی ملک پاکستان سے مولانا تقی عثمانی (پوزیشن ۶) مولانا عبدالوہاب تبلیغی جماعت ( پوزیشن۱۴)، عمران خاں ( پوزیشن۲۹ ) اور مولانا طارق جمیل ( پوزیشن ۴۰ ) ٹاپ 50 کی فہرست میں شامل ہیں.
