تعارف مدرسہ صوفیہ اسلامیہ کرمینی اعظم گڈھ!

مولانا عبد الباسط مفتاحی مہتمم مدرسہ ہذا
ـــــــــــــــــــــــــــــــ
یہ بات ہر مسلمان پر واضح ہے کہ مذہب اسلام کی بقا اور تحفظ کامدار بالخصوص ہمارے ملک ہندوستان میں دینی مدارس اور قرآنی مکاتب کے وجود پر منحصر ہے، یہیں سے علماء کرام علم دین کی دولت سے مالا مال ہو کر نکلتے ہیں اور جہاں تک ہوسکتا ہے اس دولت کو عام کرتے ہیں، یہیں سے قارئ قرآن تیار ہوتے ہیں، جو قرآن کو عمدہ سے عمدہ طریقے پر پڑھ کر لوگوں کے دلوں میں کتاب اللہ کی محبوبیت پیدا کرتے ہیں، یہیں سے حفاظ قرآن اپنے اپنے سینوں میں قرآن کریم کی آیات محفوظ کرکے رمضان میں مساجد کو تراویح کے نور سے منور کرتے ہیں، یہیں سے ناظرہ خواں تیار ہو کر نکلتے ہیں جو اپنے اپنے گھروں میں قرآن کی تلاوت کا معمول رکھتے ہیں۔

بہت ضروری ہے کہ مدارس بالخصوص قرآنی مکاتب ہر ہر گاؤں میں ہوں اور ان میں قرآن کریم کی صحیح تعلیم ہو، جدائی دینیات بچوں کو پڑھائی جائیں اسی کے ساتھ بقدر ضرورت ہندی انگریزی اور سائنس اور جغرافیہ کے علوم کی ابتدائی چیزوں سے بچوں کو واقف کرایا جائے؛ تاکہ مسلمان بچے اپنی بنیادی دینی و قرآنی تعلیم سے بہرہ ور ہوکر پھر کسی اور میدان کی طرف رخ کرنا چاہیں تو انہیں سہولت بھی ہو اور دین کی بنیادی تعلیم و تربیت کی وجہ سے اپنے مذہب سے وابستگی بھی برقرار رہے اور یہ کہ انہیں میں ایسے جواں مرد بھی تیار ہوں، جو دینی و عربی تعلیم کا کورس مکمل کر کے اپنی زندگی کو دین کی حفاظت کے لئے وقف بھی کرسکیں، چنانچہ مدرسہ صوفیہ اسلامیہ کرمینی رونا پار اسی احساس اور اسی مقصد سے قائم کیا گیا ہے۔ مدرسہ صوفیہ اسلامیہ کرمینی اعظم گڈھ
زیر سرپرستی: مولانا فرقان بدر قاسمی اعظمی
ناظم: مولانا محمد راشد ندوی