مہا کمبھ میں سرکاری خزانے کو بیجا خرچ کرنے والی یوگی سرکار کو نماز سے خوف کیوں: نورالہدیٰ انصاری

پھولپور/اعظم گڑھ(آئی این اے نیوز 26/دسمبر 2018) راشٹریہ علماء کونسل کے یوتھ کے صوبائی صدر نورالہدیٰ انصاری نے کہا کہ یوپی کی یوگی سرکار کیوں مسلمانوں کے چکر میں پڑی ہے؟ جو بھی سرکاریں مسلمانوں کے خلاف ہوتی ہیں ان کو اقتدار سے ہاتھ دھونا پڑ جاتا ہے، آپ کو نماز سے کیوں حیرانی ہے، آپ کاوریوں پر پھول برساتے ہیں، اور آپ کے لوگ سڑکوں پر درگا پوجا کرتے ہیں،

جس سے عام انسان پریشان ہوتا ہے،ہسپتالوں میں مریض پریشان ہوتا ہے، اور جگہ جگہ کھلے میں آپ کے لوگ ہری کیرتن کرتے ہیں تو آپ اس پر پابندی نہیں کرتے ہیں، ایودھیا میں سڑکوں پر دھرم سبھا ہوتی ہے وہ آپ کو نہیں دکھائی دیتا یوگی جی، مسلمان امن و شانتی سے اپنا جلسہ کرتا ہے، اپنا اجتماع کرتا ہے وہ بھی سرکار سے اجازت لے کر، تو اس پر بھی آپ کی سرکار ٹیکس لگانے کی بات کرتی ہے، یہ دوہری پالیسی نہیں چلنے دی جائے گی، نفرت اور دشمنی کا ماحول نہیں چلنے دیا جائیگا، ابھی کچھ ریاستوں میں ہوئے حالیہ چناؤ نے یہ ثابت کر دیا کی نفرت، دھوکہ، جھوٹ، فریب، ماب لچنگ والی سرکار نہیں چاہیے، اور رہی بات نماز پر پابندی کی تو ہمارے آئین نے ہمیں یہ حق دیا ہے، جس کو آپ نہیں چھین سکتے.
اس موقع پر قومی ترجمان آر یو سی طلحہ رشادی، ضلع صدر حاجی شکیل احمد، نسیم احمد، شہباز رشادی، عمار بھائی، رحیم احم، محمّد عارف سمیت سیکڑوں کارکنان موجود تھے.