نوئیڈا انتظامیہ کا سنگھی فرمان بنیادی حقوق کی خلاف ورزی: عامر رشادی

کانوڑیوں پر پھول کی بارش اور مسلمانوں کی نماز پر پابندی، ملک میں دو قانون نہیں چلے گا : راشٹریہ علماء کونسل

لکھنؤ(آئی این اے نیوز 26/دسمبر 2018) کاونڑیوں پر پھول کی بارش اور مسلمانوں کی نماز پر پابندی، ملک میں دوھرا قانون نہیں چلے گا، بھاجپا سرکار کے اشارے پر نویڈا پولیس کا پارک یا عوامی مقام پر نماز نہ پڑھنے کے تعلق سے جاری کیا گیا نوٹس نہ صرف مسلمانوں کے خلاف ہے بلکہ ملک کے آئجن کے خلاف ہے، ہندوستان کے آئین کی آرٹکل  15.25.26.27.28.کے ذریعہ دیے گئے بنیادی حقوق کی کھلے عام خلاف ورزی ہے، مذکورہ خیالات کا اظہار راشٹریہ علماء کونسل کے قومی صدر  مولانا عامر رشادی صاحب نے کیا، انہوں نے  اس نوٹس کی سخت مذمت کرتے ہوئے نوٹس کو واپس لینے کی مانگ کی ہے، اور انہوں نے کہا کہ راشٹریہ علماء کونسل ضرورت پڑنے پر قانونی چارہ گوئی بھی کریے گی.

مولانا رشادی نے مزید کہا کہ یہ فرمان حکومت کا مسلمانوں کو دوہرا نقصان پہچانے کی سازش ہے، جہاں ایک طرف نماز پڑھنے سے روکنے کا فرمان جاری کیا گیا ہے تو وہیں دوسری طرف نماز پڑھنے والے ملازمین کی کمپنی آفس یا مالک کے خلاف کارروائی کرنے کی بات کر کے مسلمانوں کو بیروزگار بنانے اور معاشی نقصان پہچانے کی بھی سازش رچی  گئی ہے، ورنہ کسی کے مذہبی فریضے اور انفرادی عمل کا ذمے دار اسے ملازمت  دینے والا کیسے ہو سکتا ہے، یو پی سرکار ایک طرف تو کانوڑیوں  پر پھول کی بارش کرتی ہے تو دوسری طرف مسلمانوں کو نماز سے روکنے کی سازش کر رہی ہے، جمہوریت میں دو طرح کا قانون نہیں چلےگا، ساتھ ہی انہوں نے تمام نام نہاد سیکولر پارٹیوں اور تنظیموں کی خاموشی پر بھی سوال اٹھایا، انہوں نے کہا کہ چاہے کانگریس  ہو یا سپا، بسپا سب کے سب خاموش ہیں کیونکہ یہ معاملہ  مسلمانوں کا ہے، ان کو سمجھنا ہوگا کی یہ نوٹس مسلمانوں سے زیادہ ملک کے آئین اور اس کے سیکولر ڈھانچے پر حملہ ہے.