مدرسہ عربیہ کاشف العلوم جانتے ڈیہا میں پرچم کشائی کی تقریب!

عبیدالرحمن مظاہری
ــــــــــــــــــــــــــــــــ
دودھارا/سنت کبیر نگر(آئی این اے نیوز 27جنوری 2017) ملک بھر میں آج یوم جمہوریہ کا پروگرام تزک و احتشام کے ساتھ منایا گیا، اس سلسلے میں مدرسہ عربیہ کاشف العلوم جانتے ڈیہا میں پرچم کشائی کی تقریب کا اہتمام کیا گیا تھا، جس میں مدرسہ کے طلبہ واساتذہ کے علاوہ علاقہ کے لوگوں نے شرکت کی،

اس موقع پر خطاب کرتے ہوئے مہتمم مدرسہ مولانا محمودالحسن قاسمی نے مجاہدین آزادی کی قربانیوں کو یاد کیا اور انہیں خراج عقیدت پیش کی مولانا نے اپنے خطاب میں ملک کے آئین اور جنگ آزادی پر تفصیل سے روشنی ڈالی، مولانا عبیدالرحمن مظاہری نے کہا کہ جمہوریت کی بنیاد یہ ہے کہ اس ملک میں تمام مذہب کے ماننے والوں کو پورا حق ہے کہ وہ آزادی سے زندگی گزاریں مولانا نے مزید کہا کہ تاریخ کے صفحات اور ہندوستان کی سرزمین گواہ ہے کہ ہندوستان کو انگریزوں سے آزاد کرانے میں مجاہدین آزادی علماءکرام نے اپنی جانوں کانزرانہ پیش کیا تھا، تب کہیں جاکر ہندوستان اوراس میں بسنے والوں کو آزادی نصیب ہوئی، پروگرام میں نظامت کے فرائض مولانا محمودالحسن قاسمی نے انجام دئیے، طلبہ نے یوم جمہوریہ پر مختلف نظمیں تقریریں پیش کیں.
اس موقع پر پردھان نسیم الدین عرف گڈو، مقصود احمد، زبیر احمد، محمد عارف، ماسٹر شمشیر احمد، قاری محمد ندیم، حافظ ہدایت اللہ، مولانا عبیدالرحمن مظاہری سمیت کثیر تعداد میں لوگ موجود رہے.