مئوآئمہ قصبہ کے محلہ اعظم پور کی جامع مسجدنمہرا میں تکمیل قرآن کے موقع پر مجلس کا انعقاد.
عبداللہ انصاری
ـــــــــــــــــــــــــ
مئوآئمہ/الہ آباد(آئی این اے نیوز 28/مئی 2019) قرآن سے ہمارا رشتہ کمزور ہونے کی وجہ سے ہم پستی وزبوں کے شکار ہیں، وقت اس بات کامتقاضی ہے کہ ہم قرآن سے اپنے رشتہ کو مضبوط کریں، مذکورہ خیالات کا اظہار نوجوان عالم دین مفتی فضل الرحمان قاسمی الہ آبادی نے محلہ اعظم پور نمہرا کی جامع مسجد میں تراویح میں قرآن کریم کی تکمیل کی مجلس میں کہیں، انہوں سے مسلمانوں سے قرآن کریم کومضبوطی سے تھامنے پر زور دیا، انہوں نے کہا یقینا وہ لوگ مبارکباد ہیں جنہوں نے پابندی کے ساتھ تراویح کی نماز اداکیا، انہوں نے اپنے نامہ اعمال میں بیشمار نیکیوں کااضافہ کیا، انہوں نے کہا کہ تراویح کی نماز پورے رمضان مہینہ پڑھنا سنت مؤکدہ ہے، بلاکسی عذر شرعی کے تراویح کی نماز کوترک کرنا سخت گناہ ہے، انہوں نے اس بات پر افسوس کا اظہار کیا کہ عوام الناس میں یہ بات رائج ہے کہ جب تراویح میں قرآن مکمل ہوجاتا ہے، تو تراویح کی نماز اداکرنے میں غفلت برتنے ہیں، مفتی فضل الرحمان نے کہا یہ طریقہ غلط ہے، انہوں نے مسلمانوں سے اپیل کیا، جب تک عیدالفطر کاچاند نظر نہ آجائے توتراویح کی نماز پابندی کے ساتھ اداکرتے رہیں،بخاری شریف کی روایت میں ہے، جس نے رمضان کی راتوں میں قیام یعنی تراویح کی نماز اداکیا تواس کے صغیرہ گناہ معاف کردئیے جاتے ہیں.
مفتی فضل الرحمان نے رمضان کی طاق راتوں میں شب قدر کی عبادت کی تلقین کیا، انہوں نے شب قدر میں عبادت کرنا ہزار مہینہ جس میں شب قدر نہیں ہے اس سے بہتر ہے، مفتی قاسمی نے کہا رمضان کے اخیر عشرہ اللہ کی رحمت کاکثرت سے نزول ہوتا ہے، اور ہررات بیشمار گنہگاروں کی مغفرت کی جاتی ہے، اخیر عشرہ میں عبادت کے خصوصی اہتمام کی فکر کریں، اللہ کی بارگاہ میں گریہ وزاری کرکے اپنی مغفرت کاراستہ ہموار کریں، انہوں نے اس بات سے متنبہ کیا کہ طبرانی شریف کی روایت میں ہے کہ جس نے رمضان کامہینہ پایا اور اپنی مغفرت نہ کراسکے ایسے شخص کے بارے میں حضرت جبریل علیہ السلام نے ہلاکت وبربادی کی بددعادیاہے اور سرکار مدینہ صلی اللہ علیہ وسلم نے اس پر آمین کہا ہے لہذا اس کی ہلاکت وبربادی میں کیا تردد ہوسکتا ہے،مفتی الہ آبادی نے کہا، اس بددعا سے ڈرنے کی ضرورت ہے اور اخیرعشرہ میں اللہ کی طرف کثرت سے متوجہ ہوکر مغفرت کے سامان تلاش کریں.
مفتی فضل الرحمان نے کہا اپنے غریب رشتہ داروں اور پڑوسیوں کا خاص خیال رکھیں اور ان کی ہر ممکن مدد کریں، تاکہ وہ لوگ بھی عیدالفطر اچھے سے مناسکیں.
حافظ محمد اخلاق کی تلاوت سے مجلس کا آغاز ہوا، محمدافضال احمد نے عمدہ انداز میں نبی کریم صلی اللہ علیہ وسلم کی شان اقدس نذرانہ اقدس پیش کرکے سامعین کرام کو متاثر کیا.
اس موقع پر حافظ اختر علی، حافظ عبیداللہ، حافظ شاداب،عبدالقیوم انصاری، ڈاکٹرجاویداسلم، عبدالرحمان، سیف انصاری، محمدکیف، محمد معاذ، حنظلہ قیوم، طلحہ انصاری اور کثیر تعداد میں فرزندان توحید نے شرکت کیا، اور ملک میں امن شانتی بھائی چارہ، ملک کی ترقی وخوشحالی کے لئے خصوصی طور پردعاکی گئی، مفتی فضل الرحمان کی رقت آمیز دعاپر مجلس کا اختتام ہوا.
