آج صبح 10 بجے آسام میں این آر سی کی فائنل لسٹ آچکی ہے,19 لاکھ 6 ہزار 657 لوگوں کا نام این آرسی کی فائنل لسٹ
سے نکال دیا گیا ہے.
آسام NRC کیس میں جمعیۃ علماء ہند, آل آسام مایناریٹی اسٹوڈینٹس(آمسو) اور سیٹیزن رائٹ پریزرویشن کمیٹی (سی آر پی سی) نامی تنظیموں کا بڑا رول رہا ہے.ان جماعتوں کی دن رات محنت کے نتیجہ میں 41 لاکھ کا فگر کم سے کم ہوگیا ہے.
اب جبکہ فائنل لسٹ آچکی ہے جس میں 19 لاکھ سے زائد لوگ چھوٹ گئے ہیں,
تنظیم ابنائے مدارس اس موقعہ پر آسام کی عوام سے امن و شانتی کی اپیل کرتی ہے اور آسام حکومت و وزارت داخلہ سے اپیل کرتی ہے کہ ان چھوٹے ہوئے لوگوں کو فارن ٹربیونل تک پہنچانے اور کے کاغذات کو درست کروانے میں غیرجانبداری کا مظاہرہ کریں.
چونکہ فارن ٹربیونل میں اپیل کرنے کی مدت 120 دن طے ہے.
اس لئے سبھی جماعتوں و سماجی کارکنوں کی مشترکہ ذمہ داری ہے کہ ان آسامی شہریوں کے لئے فوری طور پر رضاکارانہ انداز میں لگ جائیں اور ایکسپرٹ کی ٹیمیں آسام جا کر جن لوگوں کے نام چھوٹ گئے ہیں انہیں "فارن ٹربیونل"کے مقامی آفس تک پہنچائیں اور ان کے کاغذات میں جو خامیاں رہ گئی ہیں انہیں درست کرائیں,
نیز سماجی و قانونی تنظیمیں اس مسئلہ پر پھر سے ہائی کورٹ و سپریم کورٹ کا دروازہ کھٹکھٹائیں.
خوف و دہشت میں مبتلا ہونے کے بجائے یہ وقت آسام کے ان سبھی انسانوں کے لئے کھڑے ہونے کا ہے جنہوں نے ایک صدی تک اس ملک کا باشندہ بن کر گزارا ہے اور اب انہیں غیر ملکی قرار دے کر اپنے ہی گھر سے بے گھر کیا جارہا ہے.
مہدی حسن عینی
تنظیم ابنائے مدارس
