---------------------------------------------------------------
*مسجد ابوبکر صدیقؓ ٹولی چوکی میں اجتماع سے مولانا حافظ سرفراز احمد قاسمی کاخطاب*
---------------------------------------------------------------
حیدرآباد(پریس ریلیز)ملت اسلامیہ آج جن حالات اورمصائب و مشکلات کاشکار ہے اورآئےدن جن پریشانیوں کاہمیں سامناکرناپڑرہاہے، یہ انتہائی افسوس کی بات ہے، تاریخ کے ایک عجیب دورسے ہم گذررہےہیں،باوجودیکہ اسکے حل کےلئے مختلف طرح کی کوششیں،اسباب اورطرح طرح کی تدبیریں اختیار کی جارہی ہیں، خانقاہوں اورمساجد کےاکابرین وصالحین کی دعائیں بھی برابرہورہی ہیں ممگرپھربھی یہ کارگرثابت نہیں ہورہی ہیں، آخراسکی وجہ کیاہے؟کیاہم نے کبھی اس پرغوروفکر کرنے کی زحمت کی؟کیاہم نے کبھی یہ سوچاکہ پوری دنیامیں صرف مسلمان ہی کیوں حالات کاشکارہے؟دشمنوں کےنشانے پرآخرمسلمان ہی کیوں ہے؟ظلم وبربریت کاننگاناچ مسلمانوں کے ساتھ ہی کیوں ہورہاہے؟جب ہم اس پر غور وفکرکریں گے تومعلوم ہوگاکہ ہماری بداعمالیاں اوربدکرداریاں اسکی سب سےبڑی وجہ ہے،آئے دن مسلمانوں پر فسادات کےذریعے وحشت ناک ظلم ڈھایاجاتاہے،انکے ساتھ درندگی اوربربریت کامعاملہ کیاجاتاہے،انکی عزتوں سے کھیلاجاتاہے،انکی معیشت کوتباہ وبرباد کیاجاتا ہے،گھروں کولوٹااوردکانوں کوجلایاجاتاہے،کبھی مسلم پرسنل لاء میں مداخلت کی جاتی ہے،کبھی مسجدوں کومندراورچرچ میں تبدیل کیاجاتا ہے،لیکن ہم لوگ ان چیزوں کو محض اتفاق سمجھتےہیں اورانکے اسباب وعلاج کی طرف دھیان بھی نہیں دیتے،ضرورت ہے کہ ہم قرآن وحدیث میں اسکاحل اورعلاج تلاش کریں،ہمیں بتایاگیاہےکہ اس عالم کائنات میں کوئی بھی چیزازخود اوراتفاق سےنہیں ہوتی،بلکہ وہ منجانب اللہ ہوتی ہے اورظاہرمیں اسکے کچھ اسباب بھی ہوتےہیں،جنکواللہ تعالیٰ نے قرآن پاک اور رسول اکرم ﷺنے حدیث پاک میں بیان فرمایا ہے،ان خیالات کااظہار،شہرکے ممتاز اورمعروف عالم ددین مولاناحافظ سرفراز احمد قاسمی جنرل سکریٹری کل ہند معاشرہ بچاؤ تحریک وناظم معہد ملت ایجوکیشنل ٹرسٹ حیدرآباد نے مسجد ابوبکر صدیقؓ، گلشن کالونی، ٹولی چوکی میں ایک اجتماع سے خطاب کرتے ہوئے کیا،انھوں نے کہا کہ قرآن کریم میں ایک جگہ ارشاد ہے کہ"خشکی اورتری میں لوگوں کے اعمال کےسبب بگاڑاورفساد پھیل رہاہے،تاکہ اللہ تعالیٰ انکے بعض اعمال کامزہ انکوچکھائیں، شایدوہ باز آجائیں"(روم)تجربہ شاہد ہےکہ فاسد معاشرے میں انسان کوکبھی چین وسکون نصیب نہیں ہوتا،نہ راحت وآرام ملتاہے،معاشرے میں جب فساداوربگاڑپیدا ہوتاہے توزندگی اجیرن بن جاتی ہے،جرائم اورمظالم جب عام ہوتےہیں تولوگوں کی عزت وآبرو اورمال ودولت محفوظ نہیں رہتے،قتل وغارت گری کابازار جب گرم ہوتاہے تولوگوں کی نیندیں حرام ہوجاتی ہیں،اورجان خطرے میں پڑجاتی ہے،جب اللہ تعالیٰ کے حقوق ضائع کئے جاتے ہیں اوربندوں کے حقوق پامال ہونے لگتےہیں اورکوئی روک ٹوک کرنے والانہیں رہتا توپوری قوم رحمت خداوندی سے محروم اورغضب الہی کی مستحق ہوجاتی ہے،پھر معاشرے کاچین وسکون برباد ہوجاتاہے،ایک دوسری جگہ قرآن میں ہے کہ"جوکچھ مصیبت تمکو پہونچتی ہے وہ تمہارے اعمال ہی کی بدولت پہونچتی ہے اوربہت سے گناہ تواللہ تعالیٰ معاف ہی فرمادیتے ہیں،تم سرزمین میں اللہ تعال کوعاجز نہیں کرسکتے اوراللہ کے سواکوئی حامی ومددگاربھی نہیں"(شوری)ان آیات سے معلوم ہواکہ یہ سب مصائب ہماری بداعمالیوں کی بناءپر ہیں اورقرآن کامنشاء یہ ہے کہ ہم ان پریشانیوں کی وجہ سے متنبہ اوربیدار ہوں،حالات سے پریشان ہونےکے بجائے اسکامقابلہ کریں اورمسائل ومشکلات کےحل کاراستہ تلاش کریں،اوراعمال بد سےخودبھی بچیں،اپنی اولاد،رشتہ داروں اورسماج کوبھی بچائیں،ایک جگہ قرآن میں ہےکہ'اللہ تعالی کسی قوم کی حالت میں تبدیلی نہیں کرتاجب تک کہ وہ لوگ خوداپنی حالت کو نہیں بدل دیتے'اسلئے ہم اپنےاندر تبدیلی کاعزم مصمم کریں انشاءاللہ حالات سازگارہوں اورپھرمسلمانوں سے اللہ تعالی نے جووعدہ کیاہے وہ پوراہوگا،ترمذی شریف کی ایک روایت میں مسلمانوں کوپانچ چیزوں کی تلقین کی گئی ہے ایسے حالات میں کم ازکم ہم سبکواس عمل آوری کی کوشش کرنی چاہیے،حضرت ابوہریرہؓ سے روایت ہے کہ رسول اکرم ﷺ نے میراہاتھ پکڑکر پانچ چیزیں ارشادفرمائی،فرمایا"تم حرام چیزوں سےبچتے رہوتو لوگوں میں سب سے زیادہ عبادت گذار بن جاؤگے،اللہ کی تقسیم پرخوش اورراضی رہو تولوگوں میں سب سے زیادہ غنی ہوجاؤگے،اپنے پڑوسیوں کےساتھ حسن سلوک اورنرمی کامعاملہ کروتوپکے مومن بن جاؤگے،لوگوں کے لئے وہی چیزپسند کروجواپنےلئے پسند کرتےہو توپکے مسلمان بن جاؤگےاورزیادہ مت ہنساکرو کیونکہ زیادہ ہنسنادلوں کومردہ کردیتاہے"یہ پانچ چیزیں ہیں جس پرہم سبو کوعمل کرناچاہئے،تاریخ شاہد ہے کہ جب تک مسلمان قرآن پاک کی پاکیزہ تعلیمات اورارشادات نبوی پرزندگی کےتمام شعبوں میں عمل کرتے رہے اللہ تعالی نے مسلمانوں کوایسی ترقی اورایساعروج عطافرمایاجسکی نظیر پیش کرنے سے تمام اقوام عالم عاجز ہیں،اورآج مسلمان کتاب وسنت کو چھوڑکر ایسے ذلیل خوار ہوگئےہیں کہ ہم سے پہلے لوگ اس کاتصوربھی نہیں کرسکتے تھے،اللہ تعالی ہم سبکو اس پرعمل کرنے کی توفیق عطافرمائے،حافظ محمد اخترنائب امام ودیگرنے انتظامات میں حصہ لیا،معتمد کمیٹی نے اجلاس کی نگرانی کی،مولاناقاسمی کی رقت انگیزدعاء پراجتماع اختتام پہونچا۔۔۔۔۔۔۔۔
برائےرابطہ 8801929100
ای میل sarfarazahmedqasmi@gmail.com
