انتظامیہ کی افواہوں پر دھیان نہ دینے کی اپیل
کل ضلع انتظامیہ ڈی ایم آلوک کمار پانڈے نے دارالعلوم دیوبند کو ایک نوٹس بھیجا ہے، نوٹس میں کچھ سوالوں کے جوابات مانگے گئے ہیں جن کا جواب ملنے پر آگے کی کاروائی عمل میں لائی جائے گی، جواب دینے کے لئے ایک ہفتہ کا وقت دیا دیا گیا ہے - ایک ہفتہ قبل رپورٹ پی ڈبلو ڈی کے انجینئر نے دارالعلوم دیوبند میں زیر تعمیر لائبریری سے متعلق ضلع انتظامیہ کو رپورٹ سونپی ہے۔ٹیکنیکل رپورٹ ملنے کے بعد ڈی ایم آلوک کمار پانڈے نے دارالعلوم کو نوٹس بھیج کر ایک ہفتہ میں جواب دینے کو کہا ہے -
چار اگست کو ڈی ایم آلوک کمار پانڈے اور ایس ایس پی دنیش کمار پربھو دیوبند میں دارالعلوم کی زیر تعمیر لائبریری کی جانچ لئے پہنچے تھے اس دوران انکے ساتھ پی ڈبلو ڈی محکمہ کے انجینئر ،ٹیکنیکل ٹیم ،ایس ڈی ایم دیوبند راکیش کمار کے علاوہ دیگر افسران بھی موجود تھے، جانچ کے بعد ڈی ایم نے کہاکہ تھا پی ڈبلیو ڈی کے انجینئر کو پورے معاملہ کی جانچ دی گئی ہے، جانچ رپورٹ آنے کے بعد آگے کی کارروائی کی جائیگی۔ گزشتہ ہفتے پی ڈبلیو ڈی انجینئر نے اپنی رپورٹ ڈی ایم کوسونپ دی ہے، جس میں بتایاگیاہے کہ
بغیر انتظامیہ کی اجازت کے لائبریری کی تعمیر کی جا رہی تھی ساتھ ہی ضابتوں کی خلاف ورزی کرتے ہوئے لائبریری میں کئی ہال بھی بنا دئے گئے ہیں،اتنا ہی نہیں لائبریری کی چھت کی تعمیر اس طرح کے مضبوط مٹیریل سے کی گئی ہے کہ اس پر ہیلی کاپٹر اتارا جاسکتا ہے ،ساتھ ہی لائبریری کے رقبہ ،اسکے آس پاس کی آبادی اور اسکی بناوٹ کا بھی تفصیلی ذکر کیا گیا ہے اسکے علاوہ بھی لائبریری کی تعمیر پر کئی سوالیہ نشان رپورٹ میں لگائے گئے ہیں ۔ٹیکنیکل رپورٹ ملنے کے بعد گزشتہ روز دارالعلوم دیوبند کو ضلع انتظامیہ کی جانب سے نوٹس بھیج دیاگیاہے - دارالعلوم کی طرف سے جواب ملنے کے بعد جرمانہ عائد کیا جاسکتا ہے، لیکن ابھی فی الحال کسی طرح کا جرمانہ عائد نہیں کیا گیا ہے، ایسا کہا جارہا ہے کہ تین لاکھ کا جرمانہ لگ سکتا ہے -
تین کڑوڑ کا جرمانہ اور لائبریری منہدم ہونے سے متعلق جو تحریر واٹسپ گروپس میں گردش کر رہی ہے اس تحریر میں غلط بیانی کی گئی ہے، حقیقت حال سے ناواقفیت کی بناء پر کسی نے وہ تحریر لکھی ہے، اسے آگے شئیر نہ کریں -
